reji Koduvath 2018-08-16 16:36:22 News
മലയാളീ സമാജങ്ങളുടെ തലപ്പത്തിരിക്കുന്ന വിദ്വാന്മാർക്ക് ആള് കളിക്കുവാൻ കിട്ടിയ ഒരവസരം നഷ്ടപ്പെടുത്തണമോ? പുതിയ ജുബ്ബയും തയ്ച്ചു, ഓണക്കോടി മുണ്ടും മേടിച്ചു, നാട്ടിൽ നിന്നും വരുത്തിയ ചങ്ങല പോലത്തെ സ്വർണചെയിനും - എല്ലാ വെറുതെ പോവില്ലേ? അതിനു പുറമെ ഹാൾ ബുക്ക് ചെയ്തതിന്റെ അഡ്വാൻസും, സദ്യയൊരുക്കുവാൻ ഏല്പിച്ച കുശിനിക്കാരന് കൊടുത്ത പണവും!

അതുകൊണ്ടു നമുൾക്കു പൂർവ്വ ഉണർവോടും വാശിയോടും മാവേലി തമ്പുരാനെ ഇത്തവണയും ഏതിരേൽക്കാം!

Amerikkan Mollaakka 2018-08-16 15:53:45 News
ഹം ബോലോഗൊ തോ ബോലോഗി കി
ബോൽത്താ  ഹേ .. ഞമ്മള് പറയുമ്പോ
പറയും പറയുവാണെന്നു .. ഒരു സത്തിയം
ഞമ്മള് പറയാണ് .നാട്ടിൽ ജനം അഭയം
തേടി പരക്കം പായുന്നു. ഞമ്മടെ
അമേരിക്കൻ മലയാളികളിൽ പലരും
പോട്ടം  എടുക്കാൻ പരക്കം പായുന്നു.
കാശു കൊടുക്കുമ്പോൾപോട്ടം  വേണമല്ലോ.
പോട്ടം കൊടുക്കുന്നത് നല്ലതാണ്. ഒരാൾ
കൊടുത്ത് എന്നറിയുമ്പോൾ ബേറൊരാൾ
കൊടുക്കും. പോട്ടം അങ്ങനെ വാഴ്ത്തപ്പെടട്ടെ.

JOHN 2018-08-16 14:53:44 News
ലേഖനത്തേക്കാൾ നീളം കൂടിയ കമന്റ് ആണെങ്കിലും ഷെയർ ചെയ്തതിനും അത് പ്രസിദ്ധീകരിച്ചതിനും ഒരു പാട് നന്ദി. മലയാള സിനിമയിൽ വേറിട്ടൊരു ശബ്ദത്തിന്റെ ഉടമയാണ് അലി അക്ബർ എന്ന ചെറുപ്പക്കാരൻ.  മനസ്സിൽ ഇത്രയൊക്കെ നന്മ ഉള്ള വ്യക്തി ആണ്  അദ്ദേഹമെന്ന്  അറിയില്ലായിരുന്നു. എല്ലാ വിധ ആശംസകളും നേരുന്നു 
George Neduvelil, Florida 2018-08-16 14:31:55 News

 

  
അശോകവനിയിൽ ഇടം പാർത്തൊരു ചിലിമ്പിക്കുട്ടി എൻറ്റെ പിന്നാമ്പുറത്തെ തൊടിയിൽ വാടി നിൽക്കുന്നത് മറക്കല്ലേ മല്ലീശരാ.  

Vayanakkaran 2018-08-16 13:58:35 News
They should cancel this celebration. It’s a shame to celebrate this jubilee when all the brothers and sisters in Kerala are in such an enormous crisis. If you celebrate, what is the message you giving as a Christian leader? Instead you should send the money to the relief fund. 
Raghav Methil 2018-08-16 11:05:57 News

Looks like someone observed Government/Samajams/Associations are canceling their Onam Celebrations due to $5 unaffordability. 

observer 2018-08-16 09:55:26 News
ഓണാഘോഷം മാറ്റുന്നതിലല്ല കാര്യം. നാട്ടിലേക്കു സഹായം എത്തിക്കുന്നതിലാണു. ഓണത്തിനു ഒരു ഊണിനു 5ഡോളറെ വരൂ. അതു നമുക്ക് അഫ്‌ഫോര്‍ഡ് ചെയ്യാവുന്നതു തന്നെ 
Lal K 2018-08-16 09:26:28 News

This is America. Mr. Thadathel

If Onam celebrations are canceled, how can executive committee members perform in STAGE?

With their Eastman-Kodak smile, they want to SERVE general public by holding a MIKE in their hand.

observer 2018-08-16 09:03:34 News
Vidyaadharan is rocking. 
വിധ്യദരനു സല്യൂട്ട് 2018-08-16 05:35:45 News
വെള്ളത്തിൽ മുങ്ങി പൊങ്ങുന്നു കേരളം 
മാവേലി വെള്ളത്തിൽ ആയിപോലും 
പോയൊണത്തിന് നമ്മൾ  കുടിച്ചത് 
നാനൂറ്റി നാല്പ്പത് കോടിടെ വെള്ളം അത്രെ 
ഇത്തവണ വിധി വെള്ളം കുടിച്ചു മരിച്ചിടാൻ 
കൈവിട്ടുവോ ദൈവം സ്വന്ത നാടാം കേരളത്തെ  
യേശുവിന്‍ സോന്തേം NY സ്കൂള്‍ ബോര്‍ഡ്‌ മെമ്പര്‍ 
യേശുവിനെ ഒന്ന് വിളിക്കുകില്ലേ 
മറ്റുള്ളവരെ അബ്സേര്ദ് എന്ന് വിളിക്കും 
താന്‍ എന്തൊരു ക്രിസ്ടിയാനി ?
വിദ്യാധരൻ 2018-08-15 23:51:11 News
ചെറു തുള്ളികൾ ചേർന്നു തന്നെയീ 
കരകാണാതെഴുമാഴിയായതും 
തരിമണ്ണുകൾ തന്നെ ചേർന്നു നാം 
മരുവും നല്പെഴുമൂഴിയായതും 

--------------------------------------------

ചെറുതന്യനു നന്മ ചെയ്കകൊ-
ണ്ടൊരുചേതം വരികില്ലെങ്കിലും 
പരനില്ലുപകാരമെങ്കിലീ 
നരജന്മത്തിനു മാട്ടുമറ്റുപോകും (ചെറിയവ -ആശാൻ )

മാവേലി 2018-08-15 23:26:00 News
തിരുവോണം ഘോഷിക്കാൻ പോയതാണ് ഞാൻ 
എന്നാൽ അവിടെ ചെന്നെത്താൻ ആയതില്ല 
തോടും പുഴകളും കരകവിഞ്ഞൊഴുകുന്നു 
നാടാകെ പ്രളയത്താൽ മുങ്ങിടുന്നു
കരകവിഞ്ഞൊഴുകുന്നു ആറുകൾ 
പുഴകളും തോടും അരുവികളും 
മലവെള്ള പാച്ചിലിൽ ഉരുളുകൾ പൊട്ടുന്നു 
നിലയില്ലാതെ ജനം കേണിടുന്നു 
പുരയുടെ മുകളിൽ ഇരിക്കുന്നു കുടുംബങ്ങൾ 
കരയുന്നു ആരേലും രക്ഷിക്കാനായി  
ചങ്കു തകർന്നുപോയി കണ്ടപ്പോൾ ആ കാഴ്ച
സങ്കടത്താൽ കണ്ണീർ ചാലു കീറി
എന്റെ പ്രജകൾക്ക് ഈ ദുർവിധി  ആകുവാൻ 
എന്താണ് കാരണം  ആർക്കറിയാം 
വാമനന്മാരാണ് നാട് ഭരിപ്പതിപ്പോൾ 
നാടിനെക്കുറിച്ചൊട്ടും ചിന്തിക്കാത്തോർ
ഇല്ല അടിസ്ഥാന സൗകര്യം അല്പവും 
ഇല്ല മുൻകരുതൽ ഒന്നും തന്നെ
മുങ്ങിയോ പൊങ്ങിയോ ചാകട്ടെ ജനം 
മുങ്ങൽ വിദഗ്ദ്ധരല്ലല്ലോ രക്ഷിക്കാൻ  രാഷ്ട്രീയക്കാർ
പെട്ടകം ഉണ്ടാക്ക നോഹയും ഇല്ലല്ലോ 
ഉണ്ടേലും സാധുക്കൾക്കവിടെന്തു കാര്യം 
പുരയുടെ മുകളിൽ ഇരിക്കുന്നു ജനം 
ദൈവ ദൂതന്മാരെയും കാത്തുകൊണ്ട് 
'ചാകുന്നോൻ ചാകട്ടെ ചാകാതെ നോക്കണം'
രാഷ്ട്രീയക്കാർ തമ്മിൽ ചൊല്ലിടുന്നു   
നാടിന്റെ നന്മയിൽ താത്‌പര്യമില്ലാത്തോർ 
താത്‌പര്യം സ്വന്ത കാര്യം മാത്രം 
കൊള്ളയടിക്കും സൗകര്യം ഒക്കുമ്പോൾ 
കൊള്ളമുതൽ കാക്കാൻ സ്വിസ്സ് ബാങ്കുമുണ്ട്
എതുവഴിയാ കവി തിരുവോണം വരുവത് 
അറിയാമേൽ ഒന്ന് ചൊല്ലിടുമോ 
ഒരു വഞ്ചി ഒന്നെത്തിച്ചു തന്നീടിൽ 
ഒരു കയ്യ് നോക്കാം ഞാൻ ജനത്തെ രക്ഷിച്ചിടാൻ  
അങ്ങനെയേലും തിരുവോണം ഈവർഷം 
അർത്ഥവർത്താകട്ടെ ഞാൻ തൃപ്തനാകും 
George 2018-08-15 20:50:27 News
ചലച്ചിത്ര സംവിധായകൻ
അലി അക്ബർ എഴുതുന്നു :
പെരുന്നാൾ ഉടുപ്പുകളും, കളിപ്പാട്ടങ്ങളും വാങ്ങി, ആഘോഷത്തിനു കാത്തു നിന്ന കുറേ മനുഷ്യർ... നല്ല നാളേയ്ക്ക് വേണ്ടി നോമ്പ് നോറ്റ് പ്രാർത്ഥനയോടെ കിടന്നവർ നിമിഷാർദ്ധം കൊണ്ട് സംഹാരതാണ്ഡവമാടി പാറയും മണ്ണും മരവും കുഴച്ചുമറിച്ചു ഒഴുകിയെത്തിയ മലവെള്ളപ്പാച്ചിലിൽ ഒന്നുറക്കെ നിലവിളിക്കും മുൻപേ പ്രാണനറ്റ് ഭൂമിയുടെ ഗർഭപാത്രത്തിലേക്ക് മടങ്ങി...
മലമുകളിൽ 400000000 കോടി  ലിറ്റർ ജലം സൂക്ഷിച്ചുവെയ്ക്കാൻ കുഴിയെടുത്ത യന്ത്രങ്ങൾ തന്നെ രാവും പകലും ചെളി നീക്കി, പാറ നീക്കി, മരം നീക്കി, മണ്ണുമാന്തി സ്വപ്നങ്ങളറ്റുപോയ ജഡങ്ങളെ പുറത്തെടുത്തു.... അവസാന യാത്രയായ് ഒന്നിടവിട്ടുയർന്നു പ്രകൃതിയിൽ ലയിച്ചു... ഇനി... മറന്നു തുടങ്ങാം.... കോറിയിൽ നിന്നും അടുത്ത വെടിയൊച്ചക്ക് കാതോർക്കാം.ഇരമ്പി പായുന്ന ലോറികളിൽ നിന്നും പറന്നു വരുന്ന പൊടി കണ്ണിൽ പെടാതിരിക്കാൻ കണ്ണടയ്ക്കാം.

ദുഃഖാചരണം കഴിഞ്ഞു രാഷ്ട്രീയ നേതാക്കൾക്ക് കണ്ണുനീർ തുടച്ചു കോറി മുതലാളിമാർക്ക് മുൻപിൽ കൈ നീട്ടാം. 
ദാരുണ കാഴ്ചകളും തൊണ്ടയിടറിയുള്ള വാർത്ത വായന സാഹസവും കണ്ടു ചാനൽ മാറ്റാൻ റിമോട്ട് തപ്പുമ്പോൾ ടീപോയ്ക്കടിയിൽ നിന്നും ഗാഡ്ഗിൽ കമ്മറ്റി റിപ്പോർട്ട് ചിരിക്കുന്നു... 
വാർത്ത കേട്ടു ചിരിച്ചതാവാം. കസ്തൂരി രംഗൻ റിപ്പോർട്ട് പൂച്ച ടോയ്ലറ്റ് ആക്കി അടക്കിയതിനാൽ കരച്ചിൽ കേൾക്കേണ്ടി വന്നില്ല.. ഗാഡ്ഗിൽ എനിക്കൊരു പ്രതീക്ഷയായിരുന്നു.. എന്തുകൊണ്ടെന്ന് ചോദ്യം ഉയരാം..
ഉത്തരം ഒറ്റവാക്കിൽ പറയാൻ പറ്റില്ല അല്പം സമയമെടുക്കും.
ഉത്തരം തുടങ്ങുന്നത് 51 വർഷം മുൻപാണ്.

അന്നെനിക്ക് നാല് വയസ്സ്, സ്ഥലം വയനാട്ടിലെ മീനങ്ങാടി..
സമയം സന്ധ്യ.. ഞങ്ങൾ കുട്ടികൾ കരിയിലയും, ചുള്ളിക്കമ്പുകളും വാരി കൂട്ടുന്നു.. എന്തിനാന്നല്ലേ രാവിലെ മദ്രസ്സയിലും സ്കൂളിലും പോണം അതിനു തണുപ്പ് മാറ്റണ്ടേ അതെ തണുപ്പ് മാറ്റാൻ രാവിലെ കരിയിലയും ചുള്ളികളും കത്തിച്ചു ദേഹം ചൂടാക്കും.. അപ്പോൾ ഒരു പാട്ടുണ്ട്, തീ കാഞ്ഞാൽ മേക്കായും, മേക്കാഞ്ഞാൽ അസ്ഥികായും, അസ്ഥി കാഞ്ഞാൽ ബുദ്ധി കായും, ബുദ്ധി കാഞ്ഞാൽ ചത്തുപോകും... അതുകൊണ്ട് ബുദ്ധി കായും മുൻപേ മദ്രസ്സയിൽ എത്തും... ഹിന്ദു കുട്യോൾക്ക് കുറച്ചു സമാധാനം ഉണ്ട് 10മണിക്ക് സ്കൂളിൽ എത്തിയാൽ മതി, പടച്ചോന്റെ മക്കൾക്ക് 7മണിക്ക് മദ്രസ്സയിൽ എത്തണം അതുകൊണ്ട് തന്നെ പടച്ചോനോട് ഇത്തിരി ദേഷ്യം അന്നേ തുടങ്ങി..

മദ്രസയിൽ എത്തിയാലും പല്ല് തണുപ്പാൽ കൂട്ടിയിടിച്ചുകൊണ്ടിരിക്കും അതുമാറ്റാൻ ഒറ്റ വഴിയേ ഉള്ളു തിക്കി തിക്കി ബഞ്ചിൽ ഇരിക്കുക, ഇതുതന്നെ സ്കൂളിലും തുടരും തിക്കി തിക്കിയും ഓടിയോടിയും തണുപ്പ് മാറ്റിയ കാലം.

അക്കാലത്തു തന്നെയാണ് പിതാവിന് ക്യാൻസർ ബാധിക്കുന്നതും ചികിത്സക്കായി കോഴിക്കോട് മെഡിക്കൽ കോളേജിൽ പോവുന്നതും ആ യാത്രയിലാണ് ലക്കിടി കാണുന്നത് കൊടും വേനലിലും മഴമാറാത്ത ലക്കിടി ലക്കിടിയിലെ മഴമാപിനി, ചെകുത്താൻ ചങ്ങല തുടർന്ന് വയനാടൻ ചുരം. ഇരുവശവും ഇടതൂർന്നു വൻമരങ്ങൾ നട്ടുച്ചയിലും ഇടുങ്ങിയ വഴിയിൽ കൂരിരുട്ട് മുഴുവൻ വെളിച്ചവും, മഞ്ഞ വെളിച്ചവുമിട്ട് ജീപ്പ് നിരങ്ങി ചുരമിറങ്ങും ഇടയ്ക്കിടെ വണ്ടി തണുപ്പിക്കും,ഒടുവിൽ അപകടം കൂടാതെ അടിവാരത്ത് ഒരു ചായകുടി, നന്ദി സൂചകമായി ഒരുങ്ങാൻകാട് പള്ളിയിൽ നേർച്ച പണം ...

പിതാവ് വിടപറഞ്ഞു പോയി.. പിന്നെ പലപ്പോഴായി ചുരമിറങ്ങി... ഓരോ തവണ ഇറങ്ങുമ്പോഴും ചുരം വെളുത്തു തുടങ്ങി... മഴനൂലുകൾ പൊട്ടി തുടങ്ങി, പിന്നെ പിന്നെ നൂല് തന്നെ കാണാതായി.. താഴെ നിന്നും റബ്ബർ മരങ്ങൾ കുന്നു കയറി വന്നു..
ശേഷം ഞാൻ തിരുവനന്തപുരത്തേക്ക്..
വല്ലപ്പോഴും തിരികെ ചുരം കയറി...
അപ്പോഴേക്കും വൻ മരങ്ങളെല്ലാം ചുരമിറങ്ങി.

നിയമ സഭയിൽ ഒരു ചോദ്യവും ഉയർന്നു:

"കടലിൽ മരമുണ്ടായിട്ടാണോ മയ പെയ്യുന്നത്??"

 പിന്നെ റിസോർട്ടുകളുടെ കാലം...

വൈത്തിരിയിൽ കെട്ടിടമുയർന്നു.

എന്റെ ആദ്യസിനിമ ഷൂട്ട് ചെയ്ത പച്ചകുന്നിൽ പൂക്കോട്ട് വെറ്റിനറി കോളേജ് ഉയർന്നു...

ജോൺ "അമ്മയറിയാൻ" ഷൂട്ട് ചെയ്ത മഞ്ഞപ്പാറ മല, കാണാതെ പോയി...

അങ്ങാടിയിൽ വൈകുന്നേരങ്ങളിൽ കൂട്ടം കൂടിയിരുന്ന പണിയർ ബാറിന് മുൻപിൽ ക്യൂ നിൽക്കുന്നത് കണ്ടു. മാറിൽ വെള്ളമുണ്ട് കെട്ടിയ കുറുമാട്ടികൾ ചൂരിദാരിൽ കയറി.. എല്ലാം മാറി..

മലമുകളിൽ കോൺക്രീറ്റ് പടർന്നു...വരൾച്ച വന്നു, കുരുമുളകിന് മഞ്ഞ വന്നു, ഫുരുഡാൻ കൊണ്ട് നേന്ത്ര വാഴക്ക് ഗർഭമുണ്ടായി.. രാസവളമേറ്റ് മണ്ണ് മച്ചിയായി..

മനുഷ്യരും മാറി മഴയും മാറി ദുരന്തം തല നീട്ടി തുടങ്ങി...

അപ്പോഴുള്ള യാത്രയിലാണ് പച്ച പുതപ്പ് മാറ്റി പച്ച ബിക്കിനിയും ബ്ലൗസുമൊക്കെയിട്ട വനഭൂമിയെ കണ്ടു തുടങ്ങിയത്.

ഇംഗ്ലീഷ് കാരന്റെ വസ്ത്രം പോലെയെങ്കിലും, അത്രയും പച്ചപ്പ് അവശേഷിക്കാൻ മണ്ണിലേക്ക് ചാണക ഗന്ധം കടന്നു വരാൻ, പ്രകൃതിദത്ത കൃഷിയിടങ്ങൾ ഒരിക്കൽ കൂടി കാണാൻ ഇട വരുമോ എന്നാശിച്ചിരുന്നപ്പോഴാണ് ഒരു മഴനൂൽ കനവ് പോലെ, നേർത്ത മഞ്ഞു പോലെ ഗാഡ്ഗിൽ വന്നത് ഇപ്പോൾ മനസ്സിലായില്ലേ ഗാഡ്ഗിലിൽ എന്റെ പ്രതീക്ഷ എന്തായിരുന്നുവെന്ന്.....?

ആ പ്രതീക്ഷയും ആസ്ഥാനത്തതാക്കി കൊണ്ട് പൗരോഹിത്യ വർഗ്ഗവും പൊതുജനവും റിപ്പോര്ട്ട് പോലും വായിക്കാതെ, റിപ്പോർട്ട് കർഷക ഹിതം കാക്കുന്നതാണെന്ന കാര്യം മറച്ചു വച്ച് കോറി മാഫിയയുടെ കരുത്തിൽ അവരുടെ പണം കൈപ്പറ്റിയ രാഷ്ട്രീയ കരുത്തിൽ, ഒരു ജന സൗഹൃദ പ്രകൃതി സൗഹൃദ റിപ്പോർട്ട് കുഴിച്ചു മൂടി.....
ഒരു ചാനൽ പോലും ആ റിപ്പോർട്ടിന്റെ ഉള്ളടക്കം ചർച്ച ചെയ്യാതെ മലയോര കർഷകർക്കിടയിൽ ഭീതി പരത്തി യാഥാർഥ്യം മറച്ചു വച്ചു എന്നത് ഇന്നും എന്നെ അത്ഭുതപ്പെടുത്തുന്നു..

പിന്നീട് നാമറിഞ്ഞു താമരശ്ശേരിയിൽ സമരം നടത്തിയ വൈദികനും സ്വന്തമായി കോറിയുണ്ടായിരുന്നു.

ഒന്ന് ചിന്തിച്ചു നോക്കൂ ഗാഡ്ഗിൽ റിപ്പോര്ട്ട് നടപ്പിലായിരുന്നു എങ്കിൽ കട്ടിപ്പാറയിൽ ഈ ദുരന്തം ഉണ്ടാകുമായിരുന്നോ?

ഇല്ല ഉണ്ടാകുമായിരുന്നില്ല.

എന്തുകൊണ്ടെന്നാൽ ഗാഡ്ഗിൽ റിപ്പോർട്ട് നടപ്പിലായിരുന്നുവെങ്കിൽ ഒരു ജെസിബി ക്കും മലമുകളിൽ കയറി വെള്ളം ശേഖരിക്കാൻ കുഴി കുഴിക്കാനാകുമായിരുന്നില്ല.

മാത്രമല്ല ഇടിഞ്ഞിടം ശാസ്ത്രീയ പഠനപ്രകാരം മണ്ണൊലിപ്പ് തടയുന്ന തരത്തിലേക്കുള്ള ജൈവ കൃഷിയിടമായി മാറിയേനെ.

അതിനുള്ള സബ്സിഡികൾ കർഷകന് ലഭിച്ചേനെ.

ഇന്ന് മലമുകളിൽ നിന്നും കർഷകരുടെ രോദനം കേൾക്കുന്നു..

കോറി മാഫിയക്കാരെകൊണ്ട് നിവൃത്തിയില്ല എന്നും പറഞ്ഞു. ഇതേ കർഷകർ തന്നെയാണ് കോറി പാടില്ലെന്ന് പറഞ്ഞ ഗാഡ്ഗിൽ റിപ്പോർട്ടിനെതിരെ സമരം ചെയ്തത്.

അന്ന് സമരത്തിന് മുൻപിൽ നിന്ന നേതാക്കൾ ആരെങ്കിലും ഇന്ന് കോറിക്കെതിരെ കമാന്നു മിണ്ടുന്നുണ്ടോ......??

ഇന്ന് ജൈവ കൃഷിയിലേക്ക് കർഷകൻ ഒരു സഹായവും ലഭിക്കാതെ തിരിയുന്നു...ഗാഡ്ഗിൽ, ജൈവ കൃഷിക്ക് ആനുകൂല്യങ്ങൾ ശുപാർശ ചെയ്തിരുന്നില്ലേ......??

ജൈവ കൃഷി ചെയ്യുമ്പോൾ വിളവിൽ വരുന്ന കുറവിന് സബ്സിഡി നൽകാൻ പറഞ്ഞിരുന്നില്ലേ.....??

ഇപ്പോൾ വല്ലതും കിട്ടുന്നുണ്ടോ......??

ഗാഡ്ഗിൽ കർഷകർക്ക് വീടു വയ്ക്കാൻ പറ്റില്ലെന്ന് റിപ്പോര്ട്ടിൽ പറഞ്ഞിരുന്നോ..??

ഇല്ല...... കുറേ നുണകളാണ് കർഷകർ കേട്ടത്,

ഗാഡ്ഗിൽ അൻവറിന്റെ പാർക്കിന് എതിരായിരുന്നു..കാരണം പാർക്ക് പ്രകൃതിക്കു എതിരാണ്, അതുവഴി അതിനു താഴെ ജീവിക്കുന്ന മനുഷ്യരുടെ ജീവൻ കാക്കാൻ പ്രതിബദ്ധവുമായിരുന്നു...

ചിലർക്ക് സംശയം ഉണ്ടാകും എന്താ കസ്തൂരി രംഗനെക്കുറിച്ച് മിണ്ടാത്തതെന്നു??

അതിനു കസ്തൂരിയുടെ മണമല്ല കോറിയുടെയും പാർക്കിന്റെയും ഫാക്ടറിയുടെയും മണമാണ് എന്നത് കൊണ്ടും അതു കര്ഷകന് എതിരാണ് എന്നതുകൊണ്ടും മിണ്ടാതിരിക്കുന്നതാണ് ബുദ്ധി.

മഴ ഇനിയും പെയ്യും പെയ്യണം പക്ഷെ കുന്നിടിയാൻ പാടില്ല, ചുരമിടിയാൻ പാടില്ല.

അതിനെന്തു വേണം എന്ന ചോദ്യത്തിനുള്ള മറുപടിയായിരുന്നു ഗാഡ്ഗിൽ റിപ്പോർട്ട്. പ്രത്യേകിച്ചും പശ്ചിമ ഘട്ടത്തെയും അവിടെ വസിക്കുന്ന കർഷനെയും എങ്ങിനെ രക്ഷിക്കാമെന്ന ശാസ്ത്രീയ പഠനവും അതിന്റെ സുതാര്യമായ നടപ്പാക്കലുമായിരുന്നു ഗാഡ്ഗിൽ റിപ്പോർട്ട്.

സർക്കാരിന്റെ ഏക പക്ഷീയ നടപ്പാക്കൽ ആയിരുന്നില്ല. നടപ്പാക്കേണ്ട തീരുമാനം എടുക്കുന്നതും നടപ്പാക്കുന്നതും കർഷകർ ഉൾപ്പെടുന്ന പ്രാദേശിക കൂട്ടായ്മയായിരുന്നു എന്നതാണ് പ്രത്യേകത.

ഇതെങ്ങിനെ കർഷക വിരുദ്ധമാവും?.

ഭൂമിയെ മൂന്നു വിഭാഗങ്ങളായി തിരിക്കുക..

ഓരോ വിഭാഗത്തിലും ഭൂമിയുടെ സ്വഭാവം അനുസരിച്ചു,  അഥവാ മഴയുടെ ലഭ്യത, ഭൂമിയുടെ ചരിവ്, വന സാമീപ്യം, മണ്ണിന്റെ ഘടന ഇവ അനുസരിച്ചു അനുവദനീയമായത് എന്തൊക്കെ, അനുവദിക്കേണ്ടാത്തത് എന്തൊക്കെ പ്രോത്സാഹിപ്പിക്കപ്പെടേണ്ടത് ഏതൊക്കെ, കൃഷിയിൽ ഭൂമിയുടെ വൈവിദ്ധ്യം അനുസരിച്ചു എന്തെല്ലാം കരുതൽ വേണം, ഏതിനം കൃഷി അനുയോജ്യം നാൽക്കാലി വളർത്തിനുള്ള അനുകൂല സാഹചര്യം ഉണ്ടെങ്കിൽ അതു പ്രോത്സാഹിപ്പിക്കുക, തരിശിടങ്ങൾ പുൽമേടുകളാക്കുമ്പോൾ മണ്ണൊലിപ്പിന് തടയും പശുവിനു തീറ്റയുമെന്നത്.. ഉദാഹരണം.ദുർബലമായ മലകൾ തുരക്കാനുള്ളതല്ല.

റിസോർട്ടുകൾ പണിതുയർത്താനുമുള്ളതല്ല. എന്ന അടിസ്ഥാന പ്രമാണത്തിൽ ഗാഡ്ഗിൽ ഉറച്ചു നിന്നു എന്നതാണ് എതിരെ ഉയർന്ന മാഫിയ സമരങ്ങൾക്ക് കാരണം.

ഒരു റിസോർട്ടോ, കോറിയോ വരുമ്പോൾ അത് വരുന്നിടത്തു മാത്രമല്ല, റോഡായും, മറ്റു അനുബന്ധ ഘടകമായി ആ ചുറ്റുപാടും തകരും എന്നതാണ് മുഖ്യം. അതേ സമയം പ്രകൃതി സൗഹൃദമായ പാർക്കുകളെ ഗാഡ്ഗിൽ എതിർത്തിട്ടുമില്ല.

30%കൂടുതൽ ചെരിവുള്ള വാർഷിക വിളകൾ നിരുത്സാഹപ്പെടുത്തണം, ദീർഘ കാല വിളകൾ പ്രോത്സാഹിപ്പിക്കണം എന്ന നിർദ്ദേശം ഗാഡ്ഗിൽ വച്ചത് കർഷകരെ ദ്രോഹിക്കാനല്ല പകരം കർഷകരെയും ഒപ്പം മണ്ണിനെയും നിലനിറുത്തുക എന്ന ഗുണപരമായ നിർദ്ദേശമായിരുന്നു എന്നത് ഓരോ ജീവിതങ്ങളും മണ്ണിലാണ്ടു പോവുമ്പോൾ നാം ഓർത്തെടുക്കണം...

കൂടിയ ചെരിവുള്ള ഇടങ്ങളിൽ പാർക്ക് പണിതു സാമ്പത്തിക നേട്ടമുണ്ടാക്കി വളരെ സുരക്ഷിതമായ ഇടങ്ങളിൽ വീടു വച്ചു താമസിക്കുന്ന ജനപ്രധിനിതികളെ ജനം തിരിച്ചറിയാൻ വൈകി എന്നതും ശ്രദ്ധേയമാണ്. മലമുകളിലെ മണ്ണ് അസ്ഥിയുടെ ചേർന്ന് നിൽക്കുന്ന മാംസം പോലെയാണ് പരസ്പര ബന്ധം വിശ്ചേദിക്കാൻ ചെറിയ കാരണം മതി...

പശ്ചിമ ഘട്ടം മലയോര നിവാസികളുടെ മാത്രം പ്രശ്നം ആണെന്നൊരു ധാരണ ഉണ്ട്. വയനാട്ടിലെ ജലമാണ് കോഴിക്കോട്ടുകാരുടെ ദാഹമകറ്റുന്നത് എന്നു കോഴിക്കോട്ടുകാർ കരുതുന്നില്ല, ഇടുക്കിയിലെ ജലമാണ് കൊച്ചി വരെ എത്തുന്നതെന്ന് കൊച്ചിക്കാരും മറക്കുന്നു. ഇടുക്കിയാണ് കേരളത്തിന്‌ വെളിച്ചം പകരുന്നതെന്നും ഓർക്കണം, ഇടുക്കിയാണ് തമിഴ് നാടിനെ പോറ്റുന്നതെന്നതും അതിശയോക്തിയല്ല,

മലയോര ദുരന്തങ്ങൾ മലയോരത്തിന്റേത് മാത്രമായി കണ്ടു നിസ്സംഗതയോടെ ഇരിക്കുന്ന പട്ടണവാസികൾ അറിയുന്നില്ല തങ്ങളുടെ ജീവിതവ്യവസ്ഥയാണ് തകരുന്നതെന്ന്.

കീടനാശിനികളോട് ഗാഡ്ഗിൽ കാണിച്ച അസ്വാരസ്യം ഇന്ന് മലയാളി തിരിച്ചറിഞ്ഞു തുടങ്ങിയിരിക്കുന്നു.

കീടനാശിനി നിറഞ്ഞ ഉത്പ്പന്നങ്ങൾ ലോകം ബഹിഷ്കരിച്ചു തുടങ്ങിയിരിക്കുന്നു. രാസവളത്തിൽ നിന്നും കർഷകർ ജൈവ രീതിയിലേക്ക് മാറുന്നു, അങ്ങിനെയുള്ള ഉത്പന്നങ്ങൾക്ക് കൂടുതൽ വിലയും, പ്രത്യേക വിപണന കേന്ദ്രങ്ങളും വന്നിരിക്കുന്നു ഇതൊക്കെ ഗാഡ്ഗിൽ മുൻകൂട്ടി കണ്ടതാണ്, അതിനു കർഷകർക്ക് ലഭിക്കാമായിരുന്ന പ്രോത്സാഹനമാണ് നഷ്ടപ്പെടുത്തിയത്...

സർക്കാർ അഥവാ രാഷ്ട്രീയ നേതൃത്വം ആദ്യം പഠിക്കേണ്ടത് ഭാരതത്തിന്റ ധർമ്മ വ്യവസ്ഥിതിയെ ആയിരുന്നു.

ധർമ്മം എന്നുകേട്ടാൽ ഹിന്ദു എന്നു എന്നു ലേബലിടുന്നവരാണ് ഇന്ന് കൂടുതലും. ധർമ്മമെന്നത് പ്രപഞ്ചം എപ്രകാരം പരസ്പര പൂരകമായി നില്ക്കണമോ അപ്രകാരം നിലനിൽക്കണം എന്ന സാമാന്യ തത്വമാണെന്നത് മനസ്സിലാക്കാതെ ഹിന്ദുത്വത്തിന്റ പ്രമാണമെന്നു കരുതി പുച്ഛിക്കുന്ന ഭൗതിക വാദ പ്രസ്ഥാനങ്ങളുടെ നാവായി മാറുകയാണ് പുരോഗന വാദികൾ..

ഭാരതീയ സങ്കൽപ്പത്തിൽ ദേവതകളായിട്ടാണ് മണ്ണും, മരവും, ജലവും, പുഴയും വായുവുമെല്ലാം കരുതപ്പെടുന്നത്. അത്രമേൽ ഗൗരവം അവയ്ക്കു നൽകി, അവയുടെ ശോഷണം ധർമ്മത്തിന്റ ശോഷണമായി കരുതി അവയെ സംരക്ഷിച്ചും ആരാധിച്ചും പോന്നു.
അതിന്റെ പ്രത്യക്ഷ ഉദാഹരണമാണ് കാവുകൾ.

കാവുകളിൽ നിന്ന് ഒരു ചില്ലി പോലും എടുക്കരുതെന്നാണ് വ്യവസ്ഥ. അത്തരത്തിൽ പൂർവികർ സമൂഹത്തിനു മുൻപിൽ പ്രകൃതിയെ സംരക്ഷിക്കപ്പെടേണ്ട ആവശ്യകത പ്രവൃത്തികമായി തന്നെ കാണിച്ചു കൊടുത്തു.
ഇതിന്റെ കൂടെ വായിച്ചെടുക്കേണ്ട ഒന്നായിരുന്നു നാൽക്കാലി സംരക്ഷണം..

പശു അമ്മയാണോ കാള അച്ഛനാണോ എന്നു ചോദിക്കുന്ന വങ്കന്മാരോട് ഞാൻ പറയും അതേ.. മണ്ണിന്റെ ആവാസ വ്യവസ്ഥയുടെ പിതാവും മാതാവുമാണവർ. പാലും നെയ്യും മാത്രമല്ല മണ്ണിന്റെ ഊർജ്ജം നിലനിറുത്താനുള്ള ചാണകവും മൂത്രവും അവർ നൽകിയിരുന്നു. അതുകൊണ്ട് തന്നെയാണ് വേദത്തിൽ അവർ പൂജ്യരായത്...

കന്നുകാലി സമ്പത്ത് സംരക്ഷിക്കപ്പെടണമെങ്കിൽ പുൽമേടുകൾ സംരക്ഷിക്കപ്പെടണമായിരുന്നു. പുൽമേട് സംരക്ഷിക്കപ്പെടുമ്പോൾ മണ്ണൊലിപ്പ് തടയപ്പെടുമായിരുന്നു. നോക്കൂ എത്ര പരസ്പ്പര പൂരകമായി ആദി മനുഷ്യർ കന്നുകാലി സമ്പത്തിനെ കണ്ടു. ഇന്നോ മനുഷ്യന്റെ ഉദരം നിറയ്ക്കാനുള്ള മാംസക്കഷ്ണമായി കന്നുകാലി സമ്പത്തു മാറുന്നു...

അവയെ സംരക്ഷിക്കണം എന്നു പറയുന്നവരെ മതത്തിന്റെ ഓരം പറ്റി കളിയാക്കുന്നു ഒരു കൂട്ടർ...

കുന്നുകളുടെ സംരക്ഷണവും കന്നുകാലി വളർത്തലും പരസ്പര പൂരകമായി പരിപോഷിപ്പിക്കാമെന്നു ഗാഡ്ഗിൽ പറഞ്ഞതും വെള്ളത്തിൽ വരച്ച വരയായി.

20%ത്തിൽ അധികമുള്ള ചെരിവുകൾ ഉള്ള കുന്നുകൾ മലകൾ ഇവയുടെ ചെരിവുകളിൽ ചെറിയ ഇടനാഴികൾ പോലെ നിരന്നു പാറകൾ തങ്ങിനിൽക്കുന്ന ഇടങ്ങൾ മണ്ണിടിച്ചിലിനു സാധ്യത ഏറെ ഉള്ള ഇടങ്ങളാണ്. പാറയിൽ എത്രമാത്രം ഘനത്തിൽ മണ്ണ് പൊതിഞ്ഞു നിൽക്കുന്നു എന്നതും ഉരുൾ പൊട്ടലിന്റെ സാധ്യതയേ ബാധിക്കും.

മറ്റൊന്ന്, നിയന്ത്രണം വിട്ട പാറ ഖനനം തന്നെ.

അതു നിയന്ത്രിക്കാൻ സർക്കാർ തയ്യാറല്ല ജനങ്ങൾ സംഘടിതരായി ഇറങ്ങുകയേ വഴിയുള്ളു.. അതിനു വേണ്ടിയുള്ള സമരമുഖങ്ങൾ തുറക്കേണ്ടിയിരിക്കുന്നു. അല്ലാത്ത പക്ഷം ആഖാതം കടുത്തതാവും.

കേരളത്തിലെ പരിസ്ഥിതി ദുർബല പ്രദേശങ്ങളായ മണ്ടകോൽ, പനത്തടി, പൈതൽ മല, ബ്രഹ്മഗിരി, തിരുനെല്ലി, ബാണാസുര, കുറ്റ്യാടി, നിലമ്പൂർ, മേപ്പാടി, ശിരുവാണി, സൈലന്റ് വാലി, ന്യു അമരമ്പലം, നെല്ലിയാമ്പതി, പീച്ചി, വാഴാനി, അതിരപ്പിള്ളി, വാഴച്ചാൽ, പൂയം കുട്ടി, മൂന്നാർ, കാർഡമം ഹിൽസ്, പെരിയാർ, കുളത്തൂപ്പുഴ, അഗസ്ത്യ മല, തുടങ്ങിയ ഇടങ്ങളിൽ നിന്നെല്ലാം മഴയ്‌ക്കൊപ്പം രോദനം കേട്ടേക്കാം..

ചാനലുകൾക്ക് വിരുന്നു ലഭിച്ചേക്കാം... അപ്പോഴും നമ്മുടെ പുസ്തക ശേഖരങ്ങൾക്കിടയിൽ എവിടെ നിന്നെങ്കിലും ഗാഡ്ഗിൽ റിപ്പോർട്ട്‌ ചിരിച്ചേക്കാം.

മത പുരോഹിതരെ, നമുക്ക് ഒലിച്ചുപോയൊടുങ്ങിയ ആത്മാക്കൾക്കു വേണ്ടി പ്രാർഥിക്കാം, പ്രകൃതി ദേവതകളെ സംരക്ഷിക്കണമെന്ന ധർമ്മവ്യവസ്ഥ ഉയർത്തുന്നവരെ കളിയാക്കാം. കോറിമുതലാളിമാരുടെ കൊട്ടാരങ്ങളിൽ ചെന്ന് നാൽക്കാലി ഇറച്ചി വിഴുങ്ങി അവരുടെ ശാന്തിക്കും ഉയർച്ചക്കും വേണ്ടി പ്രാർത്ഥിക്കാം..

മലകയറുന്ന,വയൽ കുഴിക്കുന്ന റിസോർട്ട്, തീം പാർക്ക് മുതലാളിമാർക്കുവേണ്ടി പ്രത്യേക സംവരണം വഴി നമ്മുടെ നിയമസഭയിലും, ലോകസഭയിലും, രാജ്യസഭയിലും സീറ്റ് ഉറപ്പു വരുത്താം.....

പാവപ്പെട്ട കർഷകനെ ഗാഡ്ഗിൽ എന്ന ഭൂതത്തിൽ നിന്നും രക്ഷിച്ച ദൈവസ്നേഹികളുടെ കഥ പറഞ്ഞു പറ്റിച്ചുകൊണ്ടേയിരിക്കാം.....

മഴ കനക്കുമ്പോൾ മലയടിവാരത്തിലെ കർഷകർ ഒലിച്ചുപോവാതിരിക്കാൻ താൽക്കാലിക ക്യാംപിലേക്ക്ഓടട്ടെ, നമുക്ക് മലമുകളിലെ റിസോർട്ടിലിരുന്നു രക്ഷാപ്രവർത്തനങ്ങൾക്കിടയിൽ വല്ലതും തടയുമോ എന്നു നോക്കാം......

കാലം അനുവാദം തന്നാൽ ഞാനെന്റെ കൊച്ചുമക്കളോട് കരിയില വാരി കത്തിച്ചു തണുപ്പ് മാറ്റിയ കഥ പറയും, ലക്കിടിയിലെ നൂൽമഴയെക്കുറിച്ചും, ചുരത്തിലെ ഇരുട്ടിനെ ക്കുറിച്ചും പറയും ഒപ്പം പൊട്ടിയൊലിച്ചു പോയ മലയെ കുറിച്ചും ജീവിതങ്ങളെ കുറിച്ചും പറയും...

അപ്പോൾ അവരുടെ കയ്യിലുള്ള കുപ്പി വെള്ളത്തിന്റെ വില എന്താകുമോ.....?
വിദ്യാധരൻ 2018-08-15 19:51:35 News
വെള്ളത്തിൽ മുങ്ങി പൊങ്ങുന്നു കേരളം 
മാവേലി വെള്ളത്തിൽ ആയിപോലും 
പോയൊണത്തിന് നമ്മൾ  കുടിച്ചത് 
നാനൂറ്റി നാല്പ്പത് കോടിടെ വെള്ളം അത്രെ 
ഇത്തവണ വിധി വെള്ളം കുടിച്ചു മരിച്ചിടാൻ 
കൈവിട്ടുവോ ദൈവം സ്വന്ത നാടാം കേരളത്തെ  
ശബരിമല വെള്ളത്തിൽ ആയി ഇപ്പോൾ 
അയ്യപ്പനെയും കാണ്മാനില്ല പോലും
പെണ്ണുങ്ങൾ ഇല്ലാതെ അയ്യപ്പന്മാർക്കൊക്കെ 
ശബരിമലയിൽ പോകാൻ ഒത്തിടുമോ ?
ക്ഷമിക്കണം മാന്യ വായനക്കാരെന്നോട്‌ 
ക്രൂരമാണിതെന്ന് ചൊല്ലിടല്ലേ 
അധർമ്മം ഭൂമിയിൽ പെരുകുന്ന കണ്ടിട്ട് 
ഈശ്വരൻ വല്ലാതെ കോപിഷ്ഠനോ?
അഴുമതിവീരന്മാർ രാഷ്ട്രീയനേതാക്കൾ 
അതിലും ഗതികെട്ട  മത നേതൃത്വവും 
പ്രകൃതിയെ  മാന്തി പുണ്ണാക്കും  ജനം  
നിൽക്കുന്നിടത്തു കുഴികുഴിപ്പവരും 
വിഷലിപ്‌ത  വായു തുപ്പി തുപ്പി നാം 
അന്തരീക്ഷം മുഴുവൻ മലിനമാക്കി 
കാലാവസ്ഥ മാറ്റം വെറും തട്ടിപ്പെന്ന് 
കച്ചവടക്കാർ നുണ പറഞ്ഞു പരത്തി നാട്ടിൽ
അത്യാർത്തിയാൽ നമ്മുടെ കൺകളിൽ    
തിമിരം പടർന്നു പടർന്നു കേറി
കുത്തിക്കുറിക്കുന്നു ഞാനിതൊക്കെയും 
അമർത്താൻ കഴിയാത്ത അമർഷത്താലെ 
ക്ഷമിക്കണം മാന്യ വായനക്കാരെന്നോട്‌ 
ക്രൂരമാണിതെന്ന് ചൊല്ലിടല്ലേ 
എങ്കിലും നാടിനെ മുടിക്കാതെ പെരുമഴ 
നിൽക്കട്ടെയെന്നു നെഞ്ചുരുകി പ്രാർത്ഥിക്കുന്നു 

യേശു 2018-08-15 18:32:26 News
അന്തർയോസിന് എന്നെ ഇഷ്ടമല്ലെങ്കിലും 
എനിക്ക് അയാളെ ഇഷ്ടമാണ് 
കള്ളം പറയാത്തവൻ 
എനിക്ക് ക്രിസ്തിയാനികളെ  പേടിയാണ് 
എനിക്ക് ഇവിടെ നടക്കുന്ന 
അധിക്രമങ്ങളിൽ യാതൊരു പങ്കുമില്ല 
ഞാൻ ന്യുയോർക്ക് കാരനെ 
അറികപോലുമില്ല 
എന്നെ വെറുതെ വിട് 
ക്രൂശിക്കൽപ്പെടൽ കട്ടിയായിരുന്നു 
ക്രൂരതയുടെ ആനന്ദ നൃത്തം 
പക്ഷെ മരണം വേദനകളിൽനിന്നുമുള്ള 
മോചനമായിരുന്നു 
എന്നെ വെറുതെ വിട് 
ഞാൻ സുഖമായി ഉറങ്ങട്ടെ