ആധുനിക മനുഷൻറ്റെ മസ്തിഷ്ക്കം
അനേക വർഷങ്ങളിലൂടെ അനേകം അവസ്ഥകളിലൂടെ എത്തിച്ചേർന്ന നേട്ടങ്ങളുടെ
മൂർത്തരൂപമാണ്. മനുഷനെ ദൈവം സൃഷ്ടിച്ചു എന്ന് പല കഥകൾ ഉണ്ട്. അവയിൽ ഒന്നായ -
ദൈവം മണ്ണ് കുഴച്ചു ജീവശ്വാസം ഊതി സൃഷ്ടിച്ച മനുഷൻറ്റെ
മസ്തിഷ്ക്കത്തിൻറ്റെ ചരിത്രം അല്ല ഇത്.- (ഉൽപ്പത്തി 2: 7 യഹോവയായ ദൈവം
നിലത്തെ പൊടികൊണ്ടു മനുഷ്യനെ നിർമ്മിച്ചിട്ടു അവന്റെ മൂക്കിൽ ജീവശ്വാസം
ഊതി, മനുഷ്യൻ ജീവനുള്ള ദേഹിയായി തീർന്നു.)
ഇത് മതങ്ങൾ സൃഷ്ടിച്ച
ദൈവങ്ങൾ സൃഷ്ടിച്ച മനുഷ്യൻ ആണ്. അതാണ് മത മനുഷ്യൻറ്റെ മസ്തിഷ്ക്കം ഇന്നും
പശമണ്ണ് നിറഞ്ഞത് ആയിരിക്കുന്നത്. കംപ്യൂട്ടറിൻറ്റെ ഹാർഡ് ഡിസ്ക്പോലെ
പ്രോഗ്രാം ചെയ്യപ്പെട്ട ഇത്തരം മനുഷരിൽനിന്നും അവയിൽ നിറച്ചിരിക്കുന്ന
പ്രോഗ്രാമുകളേക്കാൾ കൂടുതൽ പ്രതീക്ഷിക്കുകയും അരുത്.
പരിണാമത്തിലൂടെ
വിവിധ തരം മസ്തിഷ്കങ്ങളുടെ സംയോജനമാണ് ആധുനിക മനുഷൻറ്റെ മസ്തിഷ്ക്കം.
അതിൽ ആദ്യത്തേത് ആണ് മസ്തിഷ്കത്തിൻറ്റെ ഉള്ളിൽ കാണുന്ന തണ്ട്പോലെയുള്ള
ഭാഗം.ഈ അടിസ്ഥാന മസ്തിഷ്ക്കം 'ഉരഗ മസ്തിഷ്ക്കം എന്ന് അറിയപ്പെടുന്നു.
പാമ്പ്, പല്ലി, ഓന്ത്, മുതല എല്ലാം ഉരഗങ്ങൾ ആണ്. മനുഷൻ പാമ്പിനെപ്പോലെയും
ഓന്തിനെപ്പോലെയും ഒക്കെ പെരുമാറുന്നതിൻറ്റെ കാരണം ഇപ്പോൾ
പിടികിട്ടിക്കാണുമല്ലോ!. 'ഉരഗമ സ്തിഷ്ക്കം' എന്നത് മോശം എന്നോ തരം താണത്
എന്ന് തെറ്റിദ്ധരിക്കരുത്. മനുഷൻ ഇന്നേവരെ നിലനിൽക്കുന്നതിനു കാരണക്കാരൻ ഈ
ഉരഗ മസ്തിഷ്ക്കം നിമിത്തമാണ്. അതിനാൽ ഉരഗ മസ്തിഷ്കത്തിൻറ്റെ വകുപ്പുകൾ
എന്താണ് എന്ന് നോക്കാം.
നിലനിൽപ്പിനു അടിസ്ഥാനമായി ആവശ്യമായ
കാര്യങ്ങൾ ഓട്ടോമാറ്റിക്ക് ആയി ഇവ കൈകാര്യം ചെയ്യുന്നു. ആഹാരം,
പ്രതുൽപ്പാദനം, ജീവരക്ഷക്കു വേണ്ട മാർഗങ്ങൾ; അതായത് സ്വന്തം രക്ഷ, കുടുംബ
രക്ഷ, സ്വന്തം പാർപ്പിടത്തെ സംരക്ഷിക്കുക, ഇവക്ക് ഭീഷണി ഉണ്ടാക്കുന്നവക്ക്
എതിരെ പൊരുതുക കൂടാതെ സാമൂഹ്യ പെരുമാറ്റങ്ങൾ. ഉദാഹരണം: മറ്റൊരാളെ കാണുമ്പോൾ
ഇളിക്കുക/ചിരിക്കുക, ഹസ്തദാനം ചെയ്യുക, കൈകൾ കൂപ്പുക - ദാഹം, വിശപ്പ്,
ഇണചേരുവാനുള്ള തീഷ്ണ, കൂടാതെ സങ്കീർണ്ണം എന്ന് തോന്നുന്ന ദിനചര്യകൾ, ഒക്കെ
കൺട്രോൾ ചെയ്യുന്നത് ഉരഗ മസ്തിഷ്ക്കം ആണ്. ഒന്നും ചിന്തിക്കാതെ വെറുതെ
ആവർത്തിക്കുന്ന പ്രതികരണങ്ങൾ: ഉദാഹരണമായി എന്തെങ്കിലും കേട്ടാൽ ഉടൻ
'എൻറ്റെ ദൈവമേ!' എന്ന് പറയുന്നത് പോലും ഉരഗ മസ്തിഷ്ക്കം കൈകാര്യം
ചെയ്യുന്നു. പരിണാമത്തിലൂടെ ലഭിച്ച ഒന്നാം ഘട്ടമാണ് ഉരഗ മസ്തിഷ്ക്കം.
പഴയ
സസ്തനി മസ്തിഷ്ക്കം ആണ് പരിണാമത്തിലൂടെ ലഭിച്ച രണ്ടാം ഘട്ടവും രണ്ടാം
ഭാഗവും. വികാരങ്ങൾ,ഓർമ്മ, കുട്ടികളെ വളർത്തൽ, മുലയൂട്ടൽ ഇവയൊക്കെ സസ്തനി
മസ്തിഷ്ക്കം നിയന്ത്രിക്കുന്നു.
മൂന്നാമത്തെ പരിണാമത്തിലൂടെ
ലഭിച്ച ഘട്ടവും ഭാഗവുമാണ് നവ സസ്തനി മസ്തിഷ്ക്കം. ഭാഷ, ഭാവന, യുക്തി,
ആസൂത്രണം, എഴുത്തു, ചിത്ര രജന,കല, സംഗീതം, ശാസ്ത്രം, പ്രണയ ലേഖനം, വിശ്വാസം
-എന്നിങ്ങനെ അനേകം കഴിവുകൾ ഉള്ള ആധുനിക മനുഷൻറ്റെ മസ്തിഷ്ക്കം. ആധുനിക
മനുഷൻറ്റെ ദിനചര്യകളിൽ; ഉരഗ, പഴയ സസ്തനി, നവസസ്തനി മസ്തിഷ്ക്കം- ത്രീ ഇൻ
വൺ- ഏകത്തിൽ ത്രീത്വം, ത്രീത്വത്തിൽ ഏകത്വം- ആയി പ്രവർത്തിക്കുന്നു.
സൂര്യന് കീഴിൽ നാം കാണുന്ന ഏറ്റവും വലിയ സങ്കീർണ്ണ പ്രതിഭാസം ആണ് ആധുനിക
മനുഷ മസ്തിഷ്ക്കം. ഇതിൻറ്റെ പ്രവർത്തന മണ്ഡലത്തിൻറ്റെ 15-20 % മാത്രമേ
ആധുനിക മനുഷനു ഇപ്പോൾ വരെ മനസ്സിലാക്കാൻ സാധിച്ചിട്ടുള്ളു. ഇ
മസ്തിഷ്ക്കത്തിൻറ്റെ പരിണാമം അവസാനിച്ചിട്ടുമില്ല. ഒരോ തലമുറകളിലും ജനിതക
പരിണാമ പ്രക്രിയക്ക് വിദേയം ആണ് ആധുനിക മനുഷൻറ്റെ മസ്തിഷ്ക്കം. എന്നാൽ
എല്ലാവരിലും ഇ പരിണാമ നേട്ടങ്ങൾ കാണണം എന്നില്ല. അതിന് കൂടുതൽ വിശദികരണം
ആവശ്യം ഉണ്ടോ!
അൽഷിമേഴ്സ് പോലുള്ള അവസ്ഥ രണ്ടും മൂന്നും
ഘട്ട മസ്തിഷ്ക്കത്തെ മരവിപ്പിക്കുന്നു; എന്നാൽ ഉരഗ മസ്തിഷ്ക്കം ഇതൊന്നും വക
വെക്കാതെ മുന്നോട്ട് പ്രവർത്തിക്കുന്നു. യുക്തി ഉപയോഗിക്കെണ്ടാത്ത
പ്രവർത്തികൾ രോഗിക്ക് ചെയ്യുവാനും സാധിക്കും. നിങ്ങളുടെ പ്രവൃത്തികളും
വാക്കുകളും വിശകലനം ചെയ്താൽ നിങ്ങളുടെ മസ്തിഷ്ക്കത്തിൻറ്റെ ഏതൊക്കെ ഭാഗങ്ങൾ
പ്രവർത്തിക്കുന്നു, ഏതൊക്കെ മരവിച്ചുപോയി എന്ന് മനസ്സിലാക്കാം. പത്തു
മില്യണിൽ അധികകാലത്തെ പരിണാമത്തിലൂടെ നേടിയ ആധുനിക മനുഷൻറ്റെ
മസ്തിഷ്ക്കത്തെ നിർജ്ജീവമാക്കാൻ രോഗങ്ങൾക്ക് സാധിക്കുന്നു. ദൈവമാണ് മനുഷനെ
സൃഷ്ട്ടിച്ചത് എങ്കിൽ മനുഷനിൽ ഉള്ളവയും പരിപൂർണ്ണം ആയിരിക്കണമല്ലോ!.
{ഉൽപ്പത്തി 1: 26 അനന്തരം ദൈവം: നാം നമ്മുടെ സ്വരൂപത്തിൽ നമ്മുടെ
സാദൃശ്യപ്രകാരം മനുഷ്യനെ ഉണ്ടാക്കുക;
27 ഇങ്ങനെ ദൈവം തന്റെ സ്വരൂപത്തിൽ
മനുഷ്യനെ സൃഷ്ടിച്ചു, ദൈവത്തിന്റെ സ്വരൂപത്തിൽ അവനെ സൃഷ്ടിച്ചു, ആണും
പെണ്ണുമായി അവരെ സൃഷ്ടിച്ചു.} സമ്പൂർണ്ണനായ ദൈവം സ്വന്തം സ്വരൂപത്തിൽ
സൃഷ്ട്ടിച്ച മനുഷ്യരും സമ്പൂർണ്ണൻ ആയിരിക്കണമല്ലോ!. ദൈവം സൃഷ്ട്ടിച്ച മനുഷർ
ഒക്കെ എവിടെ പോയി?. ഏതായലും ഒരുകാര്യം വ്യക്തം. രോഗങ്ങൾകൊണ്ട് മരിക്കുന്ന
ആധുനിക മനുഷൻ ദൈവ സൃഷ്ട്ടി അല്ല. എന്നാൽ ഇവൻ അതി വിരുതൻ തന്നെ. കാരണം
അവനാണ് ഇന്നത്തെ ദൈവങ്ങളെ സൃഷ്ട്ടിച്ചത്. അതായത് പരിണാമത്തിലെ മൂന്നാം ഘട്ട
മസ്തിഷ്ക്കം ലഭിച്ച ആധുനിക മനുഷൻ. പരിണാമത്തിലൂടെ മസ്തിഷ്ക്കം ലഭിച്ച
മനുഷൻ ഉണ്ടാക്കിയ ദൈവങ്ങളും പരിണാമത്തിനു വിദേയർ ആണ്. അതിനാൽ ദൈവങ്ങളുടെ
പരിണാമ ചരിത്രം നോക്കാം.
മനുഷരൂപം ഉള്ള ദൈവങ്ങൾ എല്ലാം മനുഷർ
ഉണ്ടാക്കിയത് എന്ന് വ്യക്തം. മറ്റു മൃഗങ്ങൾക്ക് ഒന്നിനും ദൈവം ഇല്ല. കാരണം
അവക്ക് ഭാവന ഇല്ല. മനുഷ സംസ്ക്കാരവും ധാർമ്മിക നിലവാരവും അതേപടി
മുഖകണ്ണാടിയിലെ പ്രതിഫലനംപോലെ മനുഷൻറ്റെ ദൈങ്ങളിൽ കാണാം. കാട്ടാളൻറ്റെ
ദൈവം വലിയ കാട്ടാളൻ, ഭക്ഷണ പ്രിയൻറ്റെ ദൈവം വലിയ വിർകോദരൻ എന്നിങ്ങനെ വേദ
ഇതിഹാസങ്ങൾ നോക്കിയാൽ ഇ ദൈവങ്ങൾ അ കാല ഘട്ടത്തിൽ ജീവിച്ചിരുന്ന
മനുഷ്യരുടെ പകർപ്പ് എന്ന് കാണാം. എന്തിനേറെ, ഇ ദൈവങ്ങളുടെ ആയുധങ്ങളും
വസ്ത്രങ്ങളും പോലും അവയെ ഉണ്ടാക്കിയ മനുഷരുടെ ചിന്താശക്തിക്ക് അതീതമല്ല
എന്ന് കാണാം. കാഞ്ചിപുരം സാരി ചുറ്റി മെഷീൻ കട്ട് സ്വർണ്ണ മാലകൾ ഇട്ട ദൈവം ഇ
കാലഘട്ടത്തിൻറ്റെ ദൈവം. ഇസ്രായേല്യരുടെ ദൈവങ്ങളും, അറേബ്യരുടെ ദൈവങ്ങളും,
യാദവരുടെ ദൈവങ്ങളും, തത്വചിന്തകൻറ്റെ ദൈവങ്ങളും, മലമുകളിലെ ദൈവങ്ങളും,
സൈന്യങ്ങളുടെ ദൈവങ്ങളും, പിതാവും പുത്രനും ദൈവങ്ങളും; ഒക്കെ ഓരോ
കാലഘട്ടങ്ങളിലെ മനുഷ്യർ ഉണ്ടാക്കിയ ദൈവങ്ങൾ തന്നെ.
ദൈവങ്ങളുടെ
പരിണാമ ചരിത്രം നോക്കിയാൽ ഇന്നത്തെ ദൈവങ്ങൾ ആണ് ഗതികെട്ടവ. അവക്ക്
നിലനിൽക്കാൻ കോടതി വിധികൾ വേണം. അവയെ എപ്പോൾ ആരൊക്കെ ആരാധിക്കണം എന്ന്
തീരുമാനിക്കുന്നതോ മനുഷർ നിർമ്മിച്ച നിയമങ്ങൾ. സൂപ്പർ കമ്പ്യൂട്ടറുകളുടെ
കാലത്തു ഇവയൊക്കെ മ്യുസിയത്തിലും പൂത്തോട്ടങ്ങളിലും അവശേഷിക്കും.
നിരിശരനു ദൈവം ഇല്ല എങ്കിലും എല്ലാ ഇശ്വര വിശ്വവാസിയും നിരീശരൻ തന്നെ.
തെളിവുകൾ ഇല്ലാത്ത വെറും വാശി മാത്രമാണ് വിശ്വാസം. മുപ്പത്തിമുക്കോടി
ദൈവങ്ങളിൽ വിശ്വാസിയുടെ ദൈവം മാത്രമേയുള്ളു ബാക്കി ദൈവങ്ങൾ ഇല്ല എന്ന
വാശിക്കാരൻ ആണ് വിശ്വാസി. മൊത്തം ദൈവങ്ങൾ - എൻ്റെ ദൈവം= വിശ്വസം. എൻറ്റെ
ദൈവം അല്ലാതെ മറ്റു ദൈവങ്ങൾ ഇല്ല എന്ന് വാശിപിടിക്കുന്ന നിരീശരൻ ആണ്
വിശ്വാസി. എല്ലാം ദൈവങ്ങളും മനുഷ നിർമ്മിതം എന്ന് നിരീശരൻ. ഞാൻ ഉണ്ടാക്കിയ
എന്റ്റെ ദൈവം മാത്രമേയുള്ളു എന്ന് വിശ്വസി. നിരീശരൻ പറയുന്നതാണോ ശരി,
വിശ്വാസി പറയുന്നതാണോ ശരി എന്ന് സ്ഥാപിക്കാൻ ഇന്നേവരെ ഒരു ദൈവങ്ങളും
ശ്രമിച്ചതായി അറിവും ഇല്ല. ഏതെങ്കിലും ദൈവം സ്വയം വെളിപ്പെടുത്തുംവരെ
കാത്തിരിക്കണമോ? -ആൻഡ്രു