കൊച്ചി: മുട്ടാര് പുഴയില് മുങ്ങി മരിച്ച നിലയില് കണ്ടെത്തിയ പതിമൂന്നുകാരി വൈഗയുെട മരണത്തിന് ശേഷം കാണാതായ പിതാവ് സനു മോഹന് പിടിയില്. ഇയാള് കര്ണാടകയിലെ കാര്വാറില് വെച്ചാണ് അറസ്റ്റിലായത്. ഇയാളെ ഞായറാഴ്ച രാത്രിയോ തിങ്കളാഴ്ച രാവിലെയോ കൊച്ചിയിലെത്തിക്കും. മാര്ച്ച് 22ന് മുട്ടാര് പുഴയില് വൈഗയെ മരിച്ച നിലയില് കണ്ടെത്തിയതു മുതല് ഇയാള് ഒളിവിലായിരുന്നു. അന്നു മുതല് ഇയാള്ക്കു വേണ്ടിയുള്ള തിരച്ചിലിലായിരുന്നു പൊലീസ്.
അതിനിടയില് സനു മോഹന് മൂകാംബികയില് എത്തിയതായി വെള്ളിയാഴ്ച പൊലീസിന് വിവരം ലഭിക്കുകയും തെരച്ചില് ഊര്ജ്ജിതമാക്കുകയുമായിരുന്നു. മൂന്നു ദിവസം മൂകാംബികയിലെ ഒരു ലോഡ്ജില് ഇയാള് താമസിച്ചെന്നായിരുന്നു പൊലീസിന് ലഭിച്ച വിവരം.
ലോഡ്ജിന് സമീപത്തെ റോഡിലൂടെ നടന്നുപോകുന്ന ദൃശ്യങ്ങള് ആദ്യം ലഭിച്ചിരുന്നു. തുടര്ന്ന് വെള്ളിയാഴ്ച രാവിലെ ഏഴിന് ലോഡ്ജിലിരുന്ന് പത്രങ്ങള് പരിശോധിക്കുന്ന സി.സി ടി.വി ദൃശ്യങ്ങളും പുറത്തുവന്നു. പത്രം വിശദമായി പരിശോധിച്ചശേഷം സനു മോഹന് അവിടെനിന്ന് പുറത്തേക്ക് കടക്കുകയായിരുെന്നന്നാണ് വിവരം. ആരോടും ഒന്നും പറയാതെയാണ് പോയത്.
ഇതറിഞ്ഞ് ലോഡ്ജ് ജീവനക്കാര് ഫോണ് നമ്ബറില് ബന്ധപ്പെട്ടെങ്കിലും പ്രതികരണവുമുണ്ടായില്ല. തുടര്ന്ന് ഡ്യൂപ്ലിക്കേറ്റ് താക്കോല് ഉപയോഗിച്ച് മുറി തുറന്ന് നോക്കിയപ്പോള് സനു മോഹെന്റ ബാഗും മറ്റ് സാധനങ്ങളുമൊന്നുമുണ്ടായിരുന്നില്ല. ഇതോെട ലോഡ്ജില് നല്കിയിരുന്ന തിരിച്ചറിയല് രേഖ പരിശോധിച്ചപ്പോഴാണ് സനു മോഹനാണെന്നും കൊച്ചിയില്നിന്ന് കാണാതായ ആളാണെന്നും ലോഡ്ജ് ജീവനക്കാര്ക്ക് വ്യക്തമായത്.
സനു മോഹനെക്കുറിച്ച് വ്യക്തമായ വിവരങ്ങള് ലഭിച്ചെന്നും ഉടന് പിടിയിലാവുമെന്നും കൊച്ചി സിറ്റി പൊലീസ് കമീഷണര് സി.എച്ച്. നാഗരാജു വ്യക്തമാക്കിയിരുന്നു. കര്ണാടക പൊലീസിന്റെ സഹായത്തോടെയായിരുന്നു അന്വേഷണം നടന്നത്. അന്വേഷണത്തിന്റെ ഭാഗമായി റെയില്വേ സ്റ്റേഷനുകളിലും വിമാനത്താവളങ്ങളിലും ജാഗ്രതനിര്ദേശം നല്കിയിരുന്നു.
സനു മോഹനെ കാണാതായതോടെയാണ് മകളുടെ മരണത്തില് സംശയം ബലപ്പെട്ടത്. കാക്കനാട് റീജനല് കെമിക്കല് എക്സാമിനേഴ്സ് ലബോറട്ടറിയില് നടത്തിയ രാസപരിശോധനയില് വൈഗയുടെ ആന്തരികാവയവങ്ങളില് ആല്ക്കഹോള് സാന്നിധ്യമുള്ളതായി സൂചന ലഭിച്ചിട്ടുണ്ട്.
മദ്യമോ ആല്ക്കഹോള് കലര്ന്ന മറ്റ് എന്തെങ്കിലും നല്കിയോ വൈഗയെ ബോധരഹിതയാക്കി മുട്ടാര് പുഴയില് തള്ളിയിട്ടതാണോയെന്ന സംശയം ഇതോടെ ബലപ്പെട്ടു. മുങ്ങിമരണമാണെന്നായിരുന്നു പ്രാഥമിക നിഗമനം.