കോഴിക്കോട് : യൂത്ത് കോണ്ഗ്രസ്സ് സംസ്ഥാന സമ്മേളനം ഉല്ഘാടനം ചെയ്യാനെത്തിയ കോണ്ഗ്രസ്സ് ഉപാധ്യക്ഷന് രാഹുല്ഗാന്ധിക്ക് യൂത്ത് കോണ്ഗ്രസ്സ് ആവേശകരമായ വരവേല്പ്പാണ് നല്കിയത്.
കോഴിക്കോട് കടപ്പുറത്ത് സജ്ജമാക്കിയ പ്രത്യേക വേദിയിലേക്ക് മുഖ്യമന്ത്രി ഉമ്മന്ചാണ്ടി, മുന് കേന്ദ്രപ്രതിരോധമന്ത്രി എ.കെ. ആന്റണി, എന്നിവര്ക്കൊപ്പമാണ് രാഹുല്ഗാന്ധി എത്തിയത്.
മോദി സര്ക്കാര് വിദേശയാത്രയിലാണെന്നും സാധാരണ കര്ഷകന്റെയും, തൊഴിലാളികളുടെയും പ്രശ്നങ്ങള് കാണാതെ കോര്പ്പറേറ്റുകള്ക്ക് വേണ്ടി യാത്രകള് നടത്തുകയാണെന്നും രാഹുല് പറഞ്ഞു. കര്ഷകഭൂമി ഏറ്റെടുക്കല് ബില്ലിലൂടെ അവരുടെ കിടപ്പാടങ്ങള് തട്ടിയെടുക്കുകയാണ്. ഇങ്ങിനെപ്പോയാല് മോദി സര്ക്കാര് അഞ്ച് വര്ഷം പൂര്ത്തിയാക്കില്ലെന്നും അദ്ദേഹം കൂട്ടിചേര്ത്തു. നാല്പ്പത്തിഅഞ്ച് മിനിറ്റ് ചെയ്ത പ്രസംഗത്തിലുടനീളം മോദി സര്ക്കാറിനെ വിമര്ശിക്കുവാനാണ് രാഹുല് ശ്രമിച്ചത്. പതിനായിരങ്ങളാണ് രാഹുല്ഗാന്ധിയുടെ പ്രസംഗം കേള്ക്കാന് വെയില് വകവെക്കാതെ കോഴിക്കോട് കടപ്പുറത്തെത്തിയത്.