ഡാളസ്: 2012 ജൂണ് 30 മുതല് ജൂലായ് 3 വരെ ഹൂസ്റ്റണില് വെച്ചു നടക്കുന്ന
പതിനഞ്ചാമത് ഫൊക്കാന നാഷണല് കണ്വന്ഷനില് പങ്കെടുക്കുവാനാഗ്രഹിക്കുന്ന
ഡാളസ്- ഫോര്ട്ട് വര്ത്തില് നിന്നുള്ള പ്രതിനിധികളുടെ റജിസ്ട്രേഷന്
കിക്ക് ഓഫ് 2012 ജനുവരി ഡാളസ്സില് വെച്ച് നടക്കുന്നതാണെന്ന് ഫൊക്കാന
റീജിയണ് വൈസ് പ്രസിഡന്റ് ബോബന് കൊടുവത്ത്, റജിസ്ട്രേഷന് കോ-ചെയര്മാന്
മാത്യൂ കോശി എന്നിവര് അറിയിച്ചു.
ജനുവരി 7ന് 6 മണിക്ക് ഗാര്ലാന്റ് സെന്റ് തോമസ് ചര്ച്ച് ഓഡിറ്റോറിയത്തില്
വെച്ചു നടക്കുന്ന ചടങ്ങില് ഫൊക്കാന കണ്വന്ഷന് കമ്മിറ്റി ചെയര്മാന്
എബ്രഹാം ഈപ്പന് , നാഷണല് കണ്വീനര് ഐ.വര്ഗ്ഗീസ് തുടങ്ങിയവര്
പങ്കെടുക്കും. നാലുദിവസമായി നടക്കുന്ന സമ്മേളനത്തില് നാലു പേരടങ്ങുന്ന ഒരു
കുടുംബത്തിന് 1200 ഡോളറും, ഒരാള്ക്ക് 350 ഡോളറുമാണ് റജിസ്ട്രേഷന് ഫീ.
കേരള അസ്സോസിയേഷന് ഓഫ് ഡാളസ്സാണ് റജിസ്ട്രേഷന് പരിപാടികള്
സംഘടിപ്പിക്കുന്നതിന് നേതൃത്വം നല്കുന്നത്.