Image

സാക്രമെന്റോ പ്രഥമ എക്യുമെനിക്കല്‍ ഫെല്ലോഷിപ്പ് ഉജ്ജ്വല വിജയം

Published on 18 January, 2016
സാക്രമെന്റോ പ്രഥമ എക്യുമെനിക്കല്‍ ഫെല്ലോഷിപ്പ് ഉജ്ജ്വല വിജയം
സാക്ര­മെന്റോ: കാലിഫോര്‍ണിയായുടെ തലസ്ഥാനമായ സാക്രമെന്റോ എപ്പിസ്‌കോപ്പല്‍ ദേവാലയങ്ങളുടെ പ്രദമ എക്യുമെനിക്കല്‍ ആഘോഷം ഔവര്‍ ലേഡി ഓഫ് പെര്‍പെക്‌ചെല്‍ ഹെല്‍പ് കലദായ ദേവാലയത്തില്‍ വച്ച് ആഘോഷിച്ചു. സാക്രമന്റോ കാത്തോലിക്കാ രൂപതയുടെ സഹായ മെത്രാന്‍ മോസ്റ്റ്­. റെവ്. ബിഷപ്പ് മൈരോണ്‍ കോട്ട നിലവിളക്ക് തെളിച്ചു ഉദ്ഘാടനം ചെയ്തു. എപിസ്‌കോപല്‍ ദേവലയങ്ങുളുടെ കൂട്ടയ്മയുടെ ഒരുമിച്ചുള്ള ആഘോഷങ്ങളുടെ ആവശ്യകത, ക്രൈസ്തവ സഭകള്‍ തമ്മിലുള്ള സ്‌നേഹ സാഹോദര്യവും ഐക്യവും ശക്തിപ്പെടുത്തേണ്ടത്­ ഏറ്റവും ആവശ്യമെന്ന് ബിഷപ്പ് ഓര്‍മ്മിപ്പിച്ചു.

ഇന്‍ഫെന്റ് ജീസസ് സിറോ മലബാര്‍ദേവാലയ വികാരി ഫാ സിബി കുര്യന്‍ വെലംപറമ്പില്‍, സെന്‍റ് ജോര്‍ജ്ജ് ഓര്‍ത്തഡോക്ള്‍സ് പള്ളിവികാരി റവ.ഫാ.ഡോ.മത്തായി ആലക്കോട്ട്,സാന്‍ ഫ്രാന്‍സിസ്‌കോ & സാക്രമെന്റൊ മാര്‍ത്തോമപള്ളിവികാരി റവ.ബിജു. പി.സൈമണ്‍ എന്നീവൈദികശ്രേഷ്ഠരുടെ നേതൃത്വത്തിലാണ് ഈ കുട്ടായ്മ സംഘടിപ്പിക്കപെട്ടത്. ഇതിലൂടെ വിവിധ ക്രിസ്തീയ സഭകള്‍ നല്ല ഇടയനായ ക്രിസ്തുവില്‍ ഒന്നാണെന്ന സന്ദേശം വിശ്വാസികളില്‍ പകര്‍ന്ന് നല്കാന്‍ അവസരം ഒരുക്കി.

സാക്രമെന്റോ എയര്‍ ഫോഴ്‌സ് ബേസ് ചര്‍ച്ച് വികാരി ഫാ മൈക്കിള്‍ കീര്‍നന്‍ മുഖ്യ പ്രഭാഷണം നടത്തി.വിവിധ സഭകള്‍ ഒന്നിച്ചു ക്രിസ്തുവില്‍ കേന്ദ്രീകൃതമായ ഒരു ശക്തമായ വിശ്വാസ വളര്‍ച്ച യ്ക്ക് വഴി ഒരുക്കണമെന്ന് ഫാ. മൈക്കിള്‍ ഊന്നി പറഞ്ഞു .കുട്ടികളും മുതിര്‍ന്നവരും പങ്കെടുത്ത നയന മനോഹരമായ കലാപരിപാടികള്‍ ഫെലൊഷിപ്ന് തിളക്കം കൂട്ടി. വിവിധ ഇടവകകളു­ടെ സഹകരണത്തോടെ നടന്ന ആഘോഷപരിപാടികള്‍ അംഗങ്ങളില്‍ ഒരു വേറിട്ട സ്‌നേഹാനുഭവം തന്നെ പകര്‍ന്ന് നല്‍കി. ട്രഷറര്‍ വര്‍ഗീസ്­ ജോര്‍ജ് സ്വാഗതവും സെക്രട്ടറി പ്രിന്‌സ് നന്ദിയും രേഖപ്പെടുത്തി.

(Cigil Palakkalody, Bindu Tiji & RoyXavier)
സാക്രമെന്റോ പ്രഥമ എക്യുമെനിക്കല്‍ ഫെല്ലോഷിപ്പ് ഉജ്ജ്വല വിജയംസാക്രമെന്റോ പ്രഥമ എക്യുമെനിക്കല്‍ ഫെല്ലോഷിപ്പ് ഉജ്ജ്വല വിജയംസാക്രമെന്റോ പ്രഥമ എക്യുമെനിക്കല്‍ ഫെല്ലോഷിപ്പ് ഉജ്ജ്വല വിജയം
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക