കൊച്ചി: കേരളത്തിലെ വിദ്യാഭാസ നിലവാരം താഴുകയാണെന്ന് ഹൈക്കോടതി. ഉത്തരക്കടലാസ് പുനര്‍മൂല്യ നിര്‍ണയം സമയബന്ധിതമായി പൂര്‍ത്തിയാക്കണമെന്ന് ആവശ്യപ്പെട്ട് സമര്‍പ്പിച്ച ഒരു കൂട്ടം ഹര്‍ജികള്‍ പരിഗണിക്കുമ്പോഴാണ് ജസ്റ്റിസ് സിരിജഗന്‍ ഈ അഭിപ്രായം പ്രകടിപ്പിച്ചത്.

വിദ്യാഭ്യാസ നിലവാര തകര്‍ച്ച തടയാന്‍ കഴിയാത്തതില്‍ കോടതികളും ഭരണാധികാരികളും ഒരുപോലെ ഉത്തരവാദികളാണ്. വിദ്യാഭ്യാസ നിലവാരമില്ലാത്തവരെ ജനങ്ങള്‍ക്ക് മുകളില്‍ അടിച്ചേല്‍പ്പിക്കുകയാണെന്നും കോടതി പറഞ്ഞു. 

പുനര്‍മൂല്യനിര്‍ണയം സമയബന്ധിതമായി പൂര്‍ത്തിയാക്കാന്‍ കഴിയണമെന്നും കോടതി നിര്‍ദേശിച്ചു. ഇതിനായി എട്ടിന മാര്‍ഗനിര്‍ദേശവും കോടതി നല്‍കി.