മിനിക്കുട്ടിയെന്ന സൂസമ്മ ( നീണ്ടകഥ -അദ്ധ്യായം - 3: സരോജാ വര്‍ഗീസ്, ന്യൂയോര്‍ക്ക്)
Published on 08 September, 2016
മണല്‍ വിരിച്ച മുറ്റത്തു ജീപ്പു വന്നുനിന്നപ്പോള്‍ സൂസമ്മ അത്ഭുതപ്പെട്ടു.
മുറ്റത്തിന്റെ വടക്കേ കോണില്‍ കൂട്ടിയിരിക്കുന്ന അടുപ്പില്‍ കരിയില
ഉപയോഗിച്ചു ഇച്ചാച്ചനു കുളിക്കാനുള്ള വെള്ളം
ചൂടാക്കിക്കൊണ്ടിരിക്കയായിരുന്നു അവള്‍. ജീപ്പില്‍ നിന്നിറങ്ങിയ രണ്ടു
പോലീസുകാരെയും നന്നായി ഡ്രസ്സുചെയ്തിരിക്കുന്ന മറ്റു രണ്ടു
മധ്യവയസ്ക്കരെയും കണ്ടപ്പോള്‍ അവളുടെ നെഞ്ചിടിപ്പു വര്‍ദ്ധിച്ചു. കുനിഞ്ഞു
പാവാടത്തുമ്പുകൊണ്ട് മുഖത്തെ വിയര്‍പ്പു തുടച്ചു. ഇരുകൈകളും ഉപയോഗിച്ചു
തലമുടിയില്‍ പറ്റിപ്പിടിച്ചിരുന്ന ചാരം തൂത്തുമാറ്റി മുടി ഒതുക്കി.
ഒന്നുകൂടി ജീപ്പില്‍ നിന്നിറങ്ങിയ ആഗതരെ
സൂക്ഷിച്ചുനോക്കി.
ആദ്യമായിട്ടാണ് യൂണിഫോറമിട്ട പോലീസ് ഉദ്യോഗസ്ഥര് ആ മുറ്റത്തെത്തുന്നത്. ഉള്ളില്‍ വല്ലാത്ത ആശങ്ക. അവള്‍ അടുക്കള വശത്തുകൂടി വീടിനുള്ളിലേക്ക് ഓടി. അമ്മച്ചി അടുക്കളപ്പണിയിലാണ്. മകളുടെ ഓടിക്കിതച്ചുള്ള വരവ് അവരെ അസ്വസ്ഥയാക്കി ചോദിച്ചു:-
""എന്താടി കൊച്ചേ, നിനക്കെന്തുപറ്റി? നിന്നെ വല്ലോരും പിടിക്കാന്‍ വന്നോ?''
സൂസമ്മ:- ""മുറ്റത്തൊരു വണ്ടിയില്‍ ആരൊക്കെയോ വന്നിരിക്കുന്നു. അമ്മച്ചി ഒന്നു വന്നേ.''
സാറാമ്മ:- ""അപ്പച്ചനെ കാണാന്‍ വല്ലോരും വന്നതായിരിക്കാം.''
അവര്‍ രണ്ടുപേരും കൂടി മുന്‍വശത്തെ വരാന്തയിലേക്കു ചെന്നു. യൂണിഫോറമിട്ട പോലീസുകാരെക്കണ്ട സാറാമ്മച്ചേടത്തി ഒന്നു പതുങ്ങി. അവര്‍ വിറച്ചുകൊണ്ട് ചോദിച്ചു:- ""ആരാ.''
ഒരു മദ്ധ്യവയസ്ക്കന്‍:- ""ഇവിടെ മറ്റാരും ഇല്ലേ?''
സൂസമ്മ:- ""ഇച്ചാച്ചന്‍ സുഖമില്ലാതെ കിടപ്പിലാണ്. ഞാന്‍ പോയിപ്പറയാം.''
അവള്‍ മത്തായിച്ചന്‍ കിടക്കുന്ന മുറിയിലേക്കു നടന്നു. അയാള്‍ അസ്വസ്ഥമായ ചില ശബ്ദങ്ങള്‍ പുറപ്പെടുവിച്ചുകൊണ്ട് കട്ടിലില്‍ കിടക്കുന്നു. സൂസമ്മയുടെ അനുജത്തി മേരി അയാളുടെ കാല്‍ തടവിക്കൊണ്ട് കട്ടിലില്‍ ഇരിക്കുന്നു.
സൂസമ്മ:- ""ഇച്ചാച്ചാ, വരാന്ത വരെ ഒന്നു വരാമോ. ഇച്ചാച്ചനെക്കാണാന്‍ ആരൊക്കെയോ വന്നിരിക്കുന്നു.''
മത്തായി:- ""ഈ എന്നെക്കാണാന്‍ ആരു വരാനാ മോളെ'' എന്നു പറഞ്ഞുകൊണ്ട് അയാള്‍ എഴുന്നേല്ക്കാന്‍ ശ്രമിക്കുന്നു. സൂസമ്മയും മേരിയും കൂടി അയാളെ താങ്ങി മുന്‍വശത്തെ വരാന്തയിലേക്കു നടത്തി.
മധ്യവയസ്ക്കന്‍:- ""എന്താ സുഖമില്ലേ? എത്ര നാളായി നിങ്ങള്‍ ഈ വീട്ടില്‍ താമസിക്കുന്നു?''
സാറാമ്മ: ""ഞാന്‍ പറയാം ഏമാനേ, ഏകദേശം നാലഞ്ചു കൊല്ലമായി. എന്താ സാറേ?''
മധ്യവയസ്ക്കന്‍:- ""ഇതു നിങ്ങളുടെ വീടാണോ?''
സാറാമ്മ:- ""അല്ല, വലിയ വീട്ടിലെ മുതലാളിയുടെ വീടാണ്.''
മധ്യവയസ്ക്കന്‍:- ""മുതലാളി എത്ര നാളത്തേയ്ക്കാണ് ഈ വീടു നിങ്ങള്‍ക്ക് തന്നത്?''
സാറാമ്മ:- സാറേ ഞങ്ങള്‍ക്ക് പോകാന്‍ മറ്റൊരിടവുമില്ല. അതുകൊണ്ടാണ് ഇവിടുന്നു മാറാത്തത്. എന്താ സാറേ ഇപ്പം?''
മധ്യവയസ്ക്കന്‍:- മുതലാളി പല തവണ ആവശ്യപ്പെട്ടിട്ടും നിങ്ങള്‍ വീട് ഒഴിയുന്നില്ല. അതുകൊണ്ടു നിങ്ങളെ ഒഴിപ്പിക്കാന്‍ ഞങ്ങളെ ഏല്പിച്ചിരിക്കയാണ്. ഒരാഴ്ചകൂടി സമയം തരാം. അതിനിടയില്‍ ഇവിടെനിന്നും ഇറങ്ങിക്കൊള്ളണം.''
മത്തായി:- ""അയ്യോ, സാറന്മാരേ, ഞങ്ങളെവിടെ പോകും. ഈ രണ്ടു പെണ്‍കുട്ടികളെയും കൊണ്ടു ഞങ്ങള്‍ എവിടെ പോകും. എനിക്കാണേല്‍ നടക്കാന്‍ പോലും വയ്യാ.''
ആഗതര്‍:- ""ഞങ്ങള്‍ ഇപ്പോള്‍ പോകുന്നു. ഒരാഴ്ചയ്ക്കം മാറിയിരിക്കണം. അല്ലെങ്കില്‍ ഞങ്ങള്‍ക്ക് ഇറങ്ങി വിടേണ്ടി വരും.''
മത്തായിച്ചന്‍ അടുത്തുകണ്ട കസേരയിലേക്കിരുന്നു. സാറാമ്മച്ചേടത്തി അരമതിലിലും. സൂസമ്മ, മുറ്റത്തുനിന്നും അകന്നുപോകുന്ന ജീപ്പിനെ നോക്കിക്കൊണ്ട് കട്ടിളപ്പടിയില്‍ ചാരിനിന്നു. മേരി അവളെ ഒട്ടിച്ചേര്‍ന്നുനിന്നു.
(തുടരും)
ആദ്യമായിട്ടാണ് യൂണിഫോറമിട്ട പോലീസ് ഉദ്യോഗസ്ഥര് ആ മുറ്റത്തെത്തുന്നത്. ഉള്ളില്‍ വല്ലാത്ത ആശങ്ക. അവള്‍ അടുക്കള വശത്തുകൂടി വീടിനുള്ളിലേക്ക് ഓടി. അമ്മച്ചി അടുക്കളപ്പണിയിലാണ്. മകളുടെ ഓടിക്കിതച്ചുള്ള വരവ് അവരെ അസ്വസ്ഥയാക്കി ചോദിച്ചു:-
""എന്താടി കൊച്ചേ, നിനക്കെന്തുപറ്റി? നിന്നെ വല്ലോരും പിടിക്കാന്‍ വന്നോ?''
സൂസമ്മ:- ""മുറ്റത്തൊരു വണ്ടിയില്‍ ആരൊക്കെയോ വന്നിരിക്കുന്നു. അമ്മച്ചി ഒന്നു വന്നേ.''
സാറാമ്മ:- ""അപ്പച്ചനെ കാണാന്‍ വല്ലോരും വന്നതായിരിക്കാം.''
അവര്‍ രണ്ടുപേരും കൂടി മുന്‍വശത്തെ വരാന്തയിലേക്കു ചെന്നു. യൂണിഫോറമിട്ട പോലീസുകാരെക്കണ്ട സാറാമ്മച്ചേടത്തി ഒന്നു പതുങ്ങി. അവര്‍ വിറച്ചുകൊണ്ട് ചോദിച്ചു:- ""ആരാ.''
ഒരു മദ്ധ്യവയസ്ക്കന്‍:- ""ഇവിടെ മറ്റാരും ഇല്ലേ?''
സൂസമ്മ:- ""ഇച്ചാച്ചന്‍ സുഖമില്ലാതെ കിടപ്പിലാണ്. ഞാന്‍ പോയിപ്പറയാം.''
അവള്‍ മത്തായിച്ചന്‍ കിടക്കുന്ന മുറിയിലേക്കു നടന്നു. അയാള്‍ അസ്വസ്ഥമായ ചില ശബ്ദങ്ങള്‍ പുറപ്പെടുവിച്ചുകൊണ്ട് കട്ടിലില്‍ കിടക്കുന്നു. സൂസമ്മയുടെ അനുജത്തി മേരി അയാളുടെ കാല്‍ തടവിക്കൊണ്ട് കട്ടിലില്‍ ഇരിക്കുന്നു.
സൂസമ്മ:- ""ഇച്ചാച്ചാ, വരാന്ത വരെ ഒന്നു വരാമോ. ഇച്ചാച്ചനെക്കാണാന്‍ ആരൊക്കെയോ വന്നിരിക്കുന്നു.''
മത്തായി:- ""ഈ എന്നെക്കാണാന്‍ ആരു വരാനാ മോളെ'' എന്നു പറഞ്ഞുകൊണ്ട് അയാള്‍ എഴുന്നേല്ക്കാന്‍ ശ്രമിക്കുന്നു. സൂസമ്മയും മേരിയും കൂടി അയാളെ താങ്ങി മുന്‍വശത്തെ വരാന്തയിലേക്കു നടത്തി.
മധ്യവയസ്ക്കന്‍:- ""എന്താ സുഖമില്ലേ? എത്ര നാളായി നിങ്ങള്‍ ഈ വീട്ടില്‍ താമസിക്കുന്നു?''
സാറാമ്മ: ""ഞാന്‍ പറയാം ഏമാനേ, ഏകദേശം നാലഞ്ചു കൊല്ലമായി. എന്താ സാറേ?''
മധ്യവയസ്ക്കന്‍:- ""ഇതു നിങ്ങളുടെ വീടാണോ?''
സാറാമ്മ:- ""അല്ല, വലിയ വീട്ടിലെ മുതലാളിയുടെ വീടാണ്.''
മധ്യവയസ്ക്കന്‍:- ""മുതലാളി എത്ര നാളത്തേയ്ക്കാണ് ഈ വീടു നിങ്ങള്‍ക്ക് തന്നത്?''
സാറാമ്മ:- സാറേ ഞങ്ങള്‍ക്ക് പോകാന്‍ മറ്റൊരിടവുമില്ല. അതുകൊണ്ടാണ് ഇവിടുന്നു മാറാത്തത്. എന്താ സാറേ ഇപ്പം?''
മധ്യവയസ്ക്കന്‍:- മുതലാളി പല തവണ ആവശ്യപ്പെട്ടിട്ടും നിങ്ങള്‍ വീട് ഒഴിയുന്നില്ല. അതുകൊണ്ടു നിങ്ങളെ ഒഴിപ്പിക്കാന്‍ ഞങ്ങളെ ഏല്പിച്ചിരിക്കയാണ്. ഒരാഴ്ചകൂടി സമയം തരാം. അതിനിടയില്‍ ഇവിടെനിന്നും ഇറങ്ങിക്കൊള്ളണം.''
മത്തായി:- ""അയ്യോ, സാറന്മാരേ, ഞങ്ങളെവിടെ പോകും. ഈ രണ്ടു പെണ്‍കുട്ടികളെയും കൊണ്ടു ഞങ്ങള്‍ എവിടെ പോകും. എനിക്കാണേല്‍ നടക്കാന്‍ പോലും വയ്യാ.''
ആഗതര്‍:- ""ഞങ്ങള്‍ ഇപ്പോള്‍ പോകുന്നു. ഒരാഴ്ചയ്ക്കം മാറിയിരിക്കണം. അല്ലെങ്കില്‍ ഞങ്ങള്‍ക്ക് ഇറങ്ങി വിടേണ്ടി വരും.''
മത്തായിച്ചന്‍ അടുത്തുകണ്ട കസേരയിലേക്കിരുന്നു. സാറാമ്മച്ചേടത്തി അരമതിലിലും. സൂസമ്മ, മുറ്റത്തുനിന്നും അകന്നുപോകുന്ന ജീപ്പിനെ നോക്കിക്കൊണ്ട് കട്ടിളപ്പടിയില്‍ ചാരിനിന്നു. മേരി അവളെ ഒട്ടിച്ചേര്‍ന്നുനിന്നു.
(തുടരും)
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala