കാത്തിരുന്നാല്‍ വരുമെന്നുറപ്പ്
മരണംമാത്രമെന്ന് മനസ്സില്‍ കുറിച്ചിട്ടും
വറുതിയില്‍ ഒഴുകി ഒടുങ്ങിയ പുഴയുടെ കഥയറിയാതെ
കടല്‍ കാത്തിരിപ്പുണ്ട് ,പുഴയ്ക്കായ് ..
വഴിതെറ്റിയ പൂക്കാലത്തിന്റെ പോക്കറിയാതെ
കാട് കാത്തിരിപ്പുണ്ട് വസന്തത്തിനായ് ....
അക്ഷരങ്ങള്‍ മറന്ന കവിഹൃദയത്തില്‍ ചേക്കേറാന്‍
ഒരു കവിത കാത്തിരിക്കുന്നു വരികളായ്...
സ്വപ്നം ഫലിക്കുമ്പോള്‍ തുള്ളിച്ചാടാനായ്
വെമ്പല്‍ കൊള്ളുന്നുണ്ട് ഒരു കാമുകഹൃദയം ...
വെള്ളിമേഘങ്ങള്‍ക്കു താഴെ കടഞ്ഞെടുത്ത സ്വപ്‌നങ്ങള്‍ പെറുക്കിക്കൂട്ടി
കാത്തിരിപ്പുണ്ട് മഴയ്ക്കായ് ഒരു വേഴാമ്പലും ....!!!