ജുനഗഡ്‌: മഹാശിവരാത്രിയോടനുബന്ധിച്ച്‌ ഗുജറാത്തിലെ ഭവ്‌നാഥ്‌ മഹാദേവ്‌ ക്ഷേത്രത്തിലുണ്ടായ തിക്കിലും തിരക്കിലും പെട്ട്‌ എട്ടുപേര്‍ മരിച്ചു. സംഭവത്തില്‍ നിരവധി പേര്‍ക്ക്‌ പരിക്കേറ്റു. മരിച്ചവരില്‍ 3 സ്‌ത്രീകളും ഒരു കുട്ടിയും ഉള്‍പ്പെടുന്നു.

ഗുജറാത്തിലെ ഗിരിനാര്‍ പര്‍വതത്തിന്റെ താഴ്‌വരയിലാണ്‌ ക്ഷേത്രം സ്ഥിതിചെയ്യുന്നത്‌. ഇവിടെ വാഹനം നിയന്ത്രണം വിട്ടത്‌ ജനങ്ങളില്‍ പരിഭ്രാന്തി പരത്തിയതാണ്‌ തിക്കും തിരക്കുമുണ്ടാകാന്‍ കാരണമെന്ന്‌ പൊലീസ്‌ പറഞ്ഞു. ഉത്സവത്തില്‍ സംബന്ധിക്കാന്‍ ആയിരക്കണക്കിനാളുകളാണ്‌ ഇവിടെ എത്തിയിരുന്നത്‌.