നേരത്തെ 2014ല്‍ ഒറ്റ വിക്ഷേപണത്തില്‍ 34 ഉപഗ്രഹങ്ങള്‍ വിക്ഷേപിച്ച റഷ്യന്‍ ബഹിരാകാശ ഏജന്‍സിയുട റെക്കോര്‍ഡാണ്‌ ഇന്ത്യ മറികടന്നിട്ടുള്ളത്‌. ഒറ്റത്തവണ 20 ഉപഗ്രങ്ങള്‍ വിക്ഷേപിച്ചു കൊണ്ട്‌ 2016ല്‍ ഇന്ത്യയും റെക്കോര്‍ഡ്‌ സൃഷ്ടിച്ചിരുന്നു.


ഐഎസ്‌ആര്‍ഒ ഒറ്റത്തവണ വിക്ഷേപിയ്‌ക്കുന്ന 104 ഉപഗ്രഹങ്ങളില്‍ മൂന്ന്‌ എണ്ണം ഇന്ത്യ വികസിപ്പിച്ച കാര്‍ട്ടോസാറ്റ്‌ 2 പരമ്പരയില്‍പ്പെട്ടതാണ്‌. അമേരിക്ക, ഇസ്രായേല്‍, കസാഖിസ്ഥാന്‍, നെതര്‍ലാന്‍ഡ്‌, സ്വിറ്റ്‌സര്‍ലന്റ്‌ എന്നീ രാഷ്ട്രങ്ങളുടെ ഉപഗ്രഹങ്ങളും ഇന്ത്യ ബഹിരാകാശത്തെത്തിച്ചു


ഇന്ത്യ വികസിപ്പിച്ച വിവിധോദ്ദേശ്യ ഉപഗ്രഹമായ കാര്‍ട്ടോസാറ്റ്‌ സിയാണ്‌ വിക്ഷേപിച്ചതില്‍ ഏറ്റവും പ്രധാനപ്പെട്ടത്‌. ഐഎന്‍എസ്‌ 1എ, ഐഎന്‍എസ്‌1 ബി, എന്നീ രണ്ട്‌ നാനോ ഉപഗ്രഹങ്ങള്‍ ഉള്‍പ്പെടെയാണ്‌ ഇന്ത്യയുടെ മൂന്ന്‌ ഉപഗ്രഹങ്ങള്‍.



1996 മുതല്‍ തന്നെവളരെ കുറഞ്ഞ ചെലവില്‍ വിദേശ ബഹിരാകാശ ഏജന്‍സികളുടെ ഉപഗ്രഹങ്ങള്‍ ഐഎസ്‌ആര്‍ഒ ബഹിരാകാശത്തെത്തിയ്‌ക്കാന്‍ ആരംഭിച്ചിരുന്നു.