കോഴിക്കോട്‌ മിഠായിതെരുവില്‍ വന്‍ തീപിടുത്തം
Published on 22 February, 2017
കോഴിക്കോട്‌: കോഴിക്കോട്‌ മിഠായിത്തെരുവില്‍ തീപിടിത്തം. രാധാ തിയേറ്ററിനടുത്തുള്ള മോഡേണ്‍ ടെക്‌സ്‌റ്റൈല്‍സിനാണ്‌ ആദ്യം തീപിടിച്ചത്‌.
പിന്നീട്‌ അടുത്തുള്ള അഞ്ച്‌ കടകളിലേക്ക്‌ തീപടരുകയായിരുന്നു. പൊലീസും ഫയര്‍ഫോഴ്‌സും ചേര്‍ന്ന്‌ തീയണക്കാന്‍ ശ്രമം നടത്തുകയാണ്‌.
എങ്ങനെയാണ്‌ തീപിടുത്തമുണ്ടാതെന്ന്‌ വ്യക്തമല്ല. മോഡേണ്‍ എന്ന കടയുടെ ഉള്‍വശം പൂര്‍ണമായും കത്തിനശിച്ചെന്നാണ്‌ അറിയുന്നത്‌.
ആറ്‌ ഫയര്‍ എഞ്ചിനുകള്‍ എത്തി തീയണച്ചുകൊണ്ടിരിക്കുയാണ്‌. രാവിലെ 11 മണിയോടെയാണ്‌ സംഭവം നടന്നത്‌.
കടയ്‌ക്കകത്ത്‌ നാല്‌ ഗ്യാസ്‌ സിലിണ്ടര്‍ ഉണ്ടെന്നാണ്‌ കടയുടമ പറയുന്നത്‌. അതും ആശങ്ക പരത്തുന്നുണ്ട്‌.
മറ്റ്‌ കടകളിലേക്ക്‌ തീപടരാതിരിക്കാനുള്ള ശ്രമമാണ്‌ നടത്തുന്നത്‌.ജനങ്ങള്‍ കൂടുതലായി എത്തുന്ന സ്ഥലമായതിനാല്‍ തന്നെ ആളുകളെ ഒഴിപ്പിക്കാനുള്ള ശ്രമമാണ്‌ പൊലീസ്‌ നടത്തുന്നത്‌. ആളപായമൊന്നും ഇതുവരെ റിപ്പോര്‍ട്ട്‌ ചെയ്‌തിട്ടില്ല.
തീ ഇപ്പോഴും പടര്‍ന്നുകൊണ്ടിരിക്കുയാണ്‌.
വളരെ ഇടുങ്ങിയ റോഡായതിനാല്‍ഫയര്‍ എഞ്ചിനുകള്‍ക്ക്‌ കടയ്‌ക്ക്‌ സമീപത്തേക്ക്‌ എത്താന്‍ കഴിയാത്തതും പ്രതിസന്ധി സൃഷ്ടിക്കുന്നുണ്ട്‌.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala