മഹാഭാരതം നിര്‍മ്മിക്കാന്‍ രാജമൌലിയും കിംഗ്ഖാനും
Published on 16 April, 2017
എസ് രാജമൗലിയുടെ ബ്രഹ്മാന്‍ഡ ചിത്രം ബാഹുബലിക്ക് ശേഷം പുതിയ ചിത്രത്തിനായുള്ള തയ്യാറെടുപ്പിലാണ് സംവിധായകന്‍. അടുത്തതായി മഹാഭാരതം സിനിമയാക്കാനാണ് രാജമൗലി ഒരുങ്ങുന്നത്. ബാഹുബലി പോലെ തന്നെ മഹാഭാരതം നിര്‍മ്മിക്കുന്നതാണ് തന്റെ സ്വപ്‌ന പദ്ധതിയെന്നു വ്യക്തമാക്കി ഒപ്പം തന്നെ കിങ് ഖാനും രംഗത്തെത്തിയിരുന്നു. എന്നാല്‍ ചിത്രത്തിലെ പ്രമുഖതാരങ്ങളെക്കുറിച്ചും സിനിമ നിര്‍മ്മിക്കുന്നതിനെക്കുറിച്ചും സംവിധായകന്‍ തന്നെ വെളിപ്പെടുത്തിയിരിക്കുകയാണ്.
ബാഹുബലിക്ക് ശേഷം മാത്രമാണ് മഹാഭാരതത്തിനെ കുറിച്ചുള്ള തീരുമാനങ്ങള്‍ നടപ്പിലാക്കുകയുള്ളു. തിരക്കിട്ട് ഒന്നും ചെയ്യില്ലെന്നും അദ്ദേഹം പറയുന്നു. ആമീര്‍ ഖാനും അമിതാഭ് ബച്ചനെയും സിനിമയിലെത്തിക്കാനുള്ള ശ്രമത്തിലാണ് രാജമൗലി ഇപ്പോള്‍. അതിനായി ആമീര്‍ ഖാനുമായിട്ടുള്ള കൂടി കാഴ്ച മുമ്പ് നടത്തിയിരിക്കുകയാണ്. മാത്രമല്ല ആമീര്‍ സിനിമയിലഭിനയിക്കാന്‍ താല്‍പര്യമുള്ളതായിട്ടുമാണ് സംവിധായകന്‍ പറയുന്നത്.
ഹിന്ദു പുരാണമായ മഹാഭാരത നിര്‍മ്മിക്കുന്നത് തന്റെ സ്വപ്‌ന പദ്ധതിയാണെന്ന് ഷാരുഖ് ഖാന്‍ കുറച്ചു ദിവസം മുമ്പ് പറഞ്ഞ് രംഗത്തെത്തിയിരുന്നു. സിനിമ നിര്‍മ്മിക്കുന്നതിനാവശ്യമായ ബജറ്റ് തന്റെ കൈയില്‍ ഉണ്ടാവുമോ എന്ന് തനിക്കറിയില്ലെന്നും അതിന് വേണ്ടി അന്താരാഷ്ട്ര നിലവാരത്തില്‍ തന്നെ സിനിമ നിര്‍മ്മാതാക്കളെ സമീപിക്കാനാണ് താന്‍ ശ്രമിക്കുന്നതെന്നും താരം പറയുന്നു. മഹാഭാരത ബാഹുബലിയെക്കാളും നന്നായി തന്നെ ചെയ്യണമെന്നാണ് താന്‍ ആഗ്രഹിക്കുന്നതെന്ന് ഷാരുഖ് പറയുന്നു. അടുത്തിടെ ദേശീയ മാധ്യമത്തിന് നല്‍കിയ അഭിമുഖത്തിലാണ് താരം തന്റെ സ്വപ്‌ന പദ്ധതിയെക്കുറിച്ച് വെളിപ്പെടുത്തിയത്.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala