ജോയിന്റ്‌ എന്‍ട്രന്‍സ്‌ എക്‌സാം: കല്‍പിത്‌ വീര്‍വല്‍ ഒന്നാമത്‌
Published on 27 April, 2017
ന്യൂദല്‍ഹി: ജോയിന്റ്‌ എന്‍ട്രന്‍സ്‌ എക്‌സാമിന്റെ മെയിന്‍ പരീക്ഷയില്‍ രാജസ്ഥാനിലെ ഉദയ്‌പൂരില്‍ നിന്നുള്ള കല്‍പിത്‌ വീര്‍വല്‍ മുഴുവന്‍ മാര്‍ക്കും നേടി. 360ല്‍ 360 മാര്‍ക്കാണ്‌ കല്‍പിത്‌ നേടിയത്‌. രാജ്യത്തെ 1781 കേന്ദ്രങ്ങളിലായി 10.2 ലക്ഷം പേരാണ്‌ ജെ.ഇ.ഇ എഴുതിയത്‌.
ഐഐടികളിലും എന്‍ഐടികളിലും ബി.ടെക്‌, ബി.ഇ, ബി ആര്‍ക്ക്‌ പ്രവേശനത്തിനുള്ള പ്രവേശന പരീക്ഷയാണ്‌ ജോയിന്റ്‌ എന്‍ട്രന്‍സ്‌ എക്‌സാം. നേരത്തെ, ഇന്ത്യന്‍ ജൂനിയര്‍ സയന്‍സ്‌ ഒളിമ്പ്യാഡ്‌, നാഷണല്‍ ടാലന്റ്‌ സെര്‍ച്ച്‌ എക്‌സാമിനേഷന്‍ പരീക്ഷകളിലും കല്‍പിത്‌ ഒന്നാം സ്ഥാനത്ത്‌ എത്തിയിരുന്നു. കല്‍പിത്‌ മുംബയ്‌ ഐ.ഐ.ടിയിലാണ്‌ പ്രവേശനം ആഗ്രഹിക്കുന്നത്‌.
ദിവസവും അഞ്ചു മുതല്‍ ആറ്‌ മണിക്കൂര്‍ വരെയായിരുന്നു കല്‍പിതിന്റെ പഠനം.
കല്‍പിതിന്റെ അച്ഛന്‍ ഉദയ്‌പൂര്‍ മഹാറാണ ഭൂപല്‍ സര്‍ക്കാര്‍ ആശുപത്രിയിലെ
കമ്പൌണ്ടറാണ്‌. അമ്മ പുഷ്‌പ വീര്‍വല്‍ അധ്യാപികയാണ്‌. മൂത്ത സഹോദരന്‍ എയിംസില്‍
മെഡിക്കല്‍ വിദ്യാര്‍ത്ഥിയാണ്‌.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala