നിരോധനാജ്ഞ പ്രഖ്യാപിക്കാന്‍ സബ്‌കളക്ടര്‍ക്ക്‌ അധികാരമുണ്ട്‌. എന്നാല്‍, മൂന്നാര്‍ വിഷയത്തില്‍ കീഴ്‌വഴക്കം പാലിക്കുന്നതില്‍ വീഴ്‌ച വരുത്തിയെന്ന്‌ മുഖ്യമന്ത്രി പറഞ്ഞു. നിയമസഭയില്‍ ചോദ്യോത്തരവേളയില്‍ മൂന്നാറില്‍ നിരോധനാജ്ഞ പ്രഖ്യാപിച്ചപ്പോഴുള്ള നിയമ നടപടിയെക്കുറിച്ചുള്ള ചോദ്യത്തിന്‌ മറുപടി പറയുകയായിരുന്നു അദ്ദേഹം. 

മൂന്നാറില്‍ നിരോധനാജ്ഞ പ്രഖ്യാപിക്കേണ്ട സാഹചര്യം ഉണ്ടായിരുന്നില്ലെന്നും അതുകൊണ്ടാണ്‌ നിരോധനാജ്ഞ പിന്‍വലിച്ചതെന്നും മുഖ്യമന്ത്രി വ്യക്തമാക്കി.

മൂന്നാറില്‍ നിരോധനാജ്ഞ പ്രഖ്യാപിച്ചത്‌ നിയമവിരുദ്ധമായിരുന്നില്ല. 144 പ്രഖ്യാപിക്കാന്‍ ജില്ലാ മജിസ്‌ട്രേറ്റിനും സബ്‌ ജില്ലാ മജിസ്‌ട്രേറ്റിനും അധികാരമുണ്ട്‌. എന്നാല്‍, അതിന്‌ ആഭ്യന്തരവകുപ്പുമായും സര്‍ക്കാറുമായും കൂടിയാലോചിക്കേണ്ട കീഴ്‌വഴക്കമുണ്ട്‌. മൂന്നാറില്‍ ഇതുണ്ടായില്ലെന്ന്‌ മുഖ്യമന്ത്രി പറഞ്ഞു