ഷൂട്ടിംഗിനിടെ ഉണ്ടായ രസകരമായ അനുഭവം പങ്കുവച്ച് മഞ്ജു പിള്ള
Published on 15 May, 2017
മലയാളികളുടെ പ്രിയതാരമാണ് മഞ്ജു പിള്ള. ഇപ്പോള്‍ ഒരു സീരിയല്‍ ഷൂട്ടിംഗിനിടെ ഉണ്ടായ രസകരമായ അനുഭവം പങ്കുവച്ചിരിക്കുകയാണ് താരം. ഷൂട്ടിംഗിനിടെ തെങ്ങില്‍ കയറേണ്ടി വന്നു താരത്തിന്. ഉയരം കൂടുന്തോറും എനിക്ക് പേടിയാണ്. മാത്രമല്ല, താഴോട്ട് ചാടാനും തോന്നും. തെങ്ങില്‍ കയറണമെന്ന് പറഞ്ഞപ്പോള്‍ വിറച്ചുകൊണ്ടാണ് കയറിയത്. ചെറിയൊരു ഹൈറ്റില്‍ കയറിയപ്പോള്‍ത്തന്നെ ഞാന്‍ നിലവിളിച്ചു. താഴെ വലവിരിക്കാന്‍ പറഞ്ഞപ്പോള്‍ അതൊന്നും വേണ്ടെന്നായി സംവിധായകന്‍.
എന്നാല്‍ രണ്ടുകൈയും തെങ്ങില്‍ കെട്ടിയിടാന്‍ പറഞ്ഞു. അതും ആരും കേട്ടില്ല. ഒന്നും സംഭവിക്കില്ലെന്നാണ് എല്ലാവരും പറഞ്ഞത്. വനിതാദിനം ആഘോഷിക്കാന്‍ വേണ്ടി തെങ്ങില്‍ കയറുന്നതാണ് സീന്‍. എന്റെ നിലവിളി അതേരീതിയില്‍ ചിത്രീകരിക്കുകയും ചെയ്തു, സംവിധായകന്‍. അതുകൊണ്ട് അഭിനയിക്കേണ്ടിവന്നില്ല. ഷൂട്ട് കഴിഞ്ഞപ്പോഴാണ് പ്രശ്‌നം. താഴോട്ടുനോക്കിയപ്പോള്‍ ഇറങ്ങാനൊരു പേടി. ഒടുവില്‍ ക്രെയിന്‍ കൊണ്ടുവന്നാണ് താഴേക്കിറക്കിയത്.
സുജിത്ത് സംവിധാനം ചെയ്ത ‘ജെയിംസ് ആന്റ് ആലീസ്’ എന്ന സിനിമയില്‍ പതിനാലാം നിലയിലുള്ള ഒരു ഫഌറ്റാണ് എന്റെ വീടായി ചിത്രീകരിച്ചത്. ഫഌറ്റിന്റെ ടെറസ്സിലും ഷൂട്ടുണ്ടായിരുന്നു. ഞാനും വേദികയും ദീപാവലി ആഘോഷിക്കുന്നതാണ് സീന്‍. ഷൂട്ടിംഗ് കഴിയുന്നതുവരെ പേടിച്ചിട്ട് ഞാന്‍ താഴോട്ട് നോക്കിയതേയില്ല. താഴോട്ടുനോക്കിയാല്‍ ചാടണമെന്ന് തോന്നിയാലോ? ഇത്തരമൊരു ചിന്തയുള്ളതുകൊണ്ടാണ് സൂയിസൈഡ് പോയിന്റിലൊന്നും പോകാത്തത്. മനസ്സ് നമ്മുടെ കൈയിലല്ല. ഒരു സെക്കന്റ് മതി, തീരുമാനം മാറാന്‍.മഞ്ജു പിള്ള പറഞ്ഞു.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala