ഫിലാഡല്ഫിയ: ഫിലാഡല്ഫിയ എക്യൂമെനിക്കല്
ഫെല്ലോഷിപ്പിന്റെ ഈവര്ഷത്തെ പ്രവര്ത്തനങ്ങള്ക്ക് ജൂണ് 17-നു ശനിയാഴ്ച
നടക്കുന്ന വോളിബോള്- ബാസ്കറ്റ് ബോള് ടൂര്ണമെന്റോടെ തുടക്കമിടുന്നു.
റെനഗേഡ്സ് ഇന്ഡോര് കോര്ട്ട്, ഹാറ്റബോറോയില് (Renegads Indoor court,
Hatboro) വച്ചു നടത്തപ്പെടുന്ന ഈ കായിക മാമാങ്കത്തില് ബാസ്കറ്റ് ബോള്-
വോളിബോള് ടൂര്ണമെന്റില് ഇരുപതോളം ടീമുകള് പങ്കെടുക്കുന്നു.
ചാമ്പ്യന്ഷിപ്പ്, റണ്ണര്അപ്, എം.വി.പി ട്രോഫികളും ക്യാഷ് അവാര്ഡുകളും
ഏര്പ്പെടുത്തിയിട്ടുള്ള ഈ കായിക മത്സരത്തിലേക്ക് ഏവര്ക്കും സ്വാഗതം.
കൂടുതല് വിവരങ്ങള്ക്ക്: ബിന്സി ജോണ് -കോര്ഡിനേറ്റര് (215 400 0843),
കോശി വര്ഗീസ് - സെക്രട്ടറി (267 312 5373), സജീവ് ശങ്കരത്തില് -
പി.ആര്.ഒ (267 767 4275).
ഫിലാഡല്ഫിയ റീജിയണിലെ 21 അപ്പസ്തോലിക ദേവാലയങ്ങളുടെ കൂട്ടായ്മയാണ്
ഫിലാഡല്ഫിയ എക്യൂമെനിക്കല് ഫെല്ലോഷിപ്പ്. ഐക്യബോധവും പ്രവര്ത്തനശൈലിയും
കൊണ്ട് വളരെയേറെ പ്രധാന്യം കൈവരിച്ചിട്ടുള്ള ഈ പ്രസ്ഥാനം സാമൂഹിക
പ്രതിബദ്ധതയോടൂകൂടി ഏഴ് വിവിധ പരിപാടികളാണ് ഈവര്ഷം ഏറ്റെടുത്ത്
നടത്തുവാന് തീരുമാനിച്ചിരിക്കുന്നത്.
* കോളജ് ഫെയര് സെപ്റ്റംബര് ഒമ്പതാം തീയതി ശനിയാഴ്ച-
ഫിലാഡല്ഫിയ: പത്തില്പ്പരം കോളജുകളേയും യൂണിവേഴ്സിറ്റികളേയും
പങ്കെടുപ്പിച്ചുകൊണ്ട് 9,10,11 ഗ്രേഡുകളില് പഠിക്കുന്ന
വിദ്യാര്ത്ഥികള്ക്കായി സെന്റ് തോമസ് ഇന്ത്യന് ഓര്ത്തഡോക്സ്
ചര്ച്ചില് വച്ചു നടത്തപ്പെടുന്ന കോളജ് ഫെയറിനോടൊപ്പം, സൗജന്യമായി
വിദ്യാര്ത്ഥികള്ക്ക് എസ്.എ.ടി റിവ്യൂ ക്ലാസുകളും നല്കുന്നു.
* യൂത്ത് റിട്രീറ്റ്-
സെപ്റ്റംബര് 22-നു വെള്ളിയാഴ്ച ക്രിസ്റ്റോസ് മാര്ത്തോമാ ചര്ച്ചില് വച്ചു നടത്തുന്നു.
* എക്യൂമെനിക്കല് ഗോസ്പല് ക്വയര് ഫെസ്റ്റ്-
ഒക്ടോബര് എട്ടാംതീയതി ഞായറാഴ്ച സെന്റ് മേരീസ് ഓര്ത്തഡോക്സ് കത്തീഡ്രല്
ചര്ച്ചില് വച്ചു 21 ദേവാലയങ്ങളിലേയും ഗായകസംഘത്തേയും
പങ്കെടുപ്പിച്ചുകൊണ്ടുള്ള ക്വയര് ഫെസ്റ്റ്.
* ബൈബിള് കലോത്സവം-
ഒക്ടോബര് 21-നു ശനിയാഴ്ച ക്രിസ്റ്റോസ് മാര്ത്തോമാ ചര്ച്ചില് വച്ചു വിവിധ കലാവിഭാഗങ്ങളിലുള്ള ബൈബിള് കലോത്സവം.
* സംയുക്ത ക്രിസ്മസ് ആഘോഷം-
ഡിസംബര് ഒമ്പതാം തീയതി ശനിയാഴ്ച. ജോര്ജ് വാഷിംഗ്ടണ് ഹൈസ്കൂളില് പൊതുസമ്മേളനവും കലാപരിപാടികളും.
* ലോക പ്രാര്ത്ഥനാദിനം-
2018 മാര്ച്ച് 3-ന്.