അംബരമുറ്റത്തമ്പിളി തെളിയുകി
ലാനന്താരവമുള്ക്കാമ്പില്.
മലിനത നീങ്ങിയ മാനവ ഹൃത്തില്
സ്നേഹ നിലാവൊളി തൂകുന്നൂ..
ഉടയവനുടെ അരുളപ്പാടതുപോല്
ഉരുകും ചൂടിലുമുപവാസത്താല്
ഉപസേവിച്ച ദിനങ്ങള്ക്കേകും
ഉപഹാരം പോല് ഒരു സുദിനം.
ഊഷര മര്ത്യമനസ്സുകള് തന്
ഉഷ്ണമറിഞ്ഞു കുളിര് പകരാന്,
ഉര്വ്വിയിലുണ്ണാനില്ലാത്തവനുടെ
ദണ്ണമറിഞ്ഞവനേകീടാന്.
കളവുകളാല് കറ പുരളാതെ,
കടമകളില് കാലിടറാതെ,
സമഭാവനയാല് സഹസൃഷ്ടികളില്
സൗഹൃദചിന്ത വളര്ത്തീടാന്.
കഷ്ടിക്കാരനു കരുതലു നല്കു
ന്നെത്ര മനോഹരമീ കാഴ്ച്ച,
ഇല്ലിതുപോലെ മഹത്തരമൊരു ദിന
മിത്ര മഹോന്നത ചിന്തകളും.