ബ്രിസ്‌ബേൻ ക്നാനാനയാ കത്തോലിക്ക കമ്മ്യൂണിറ്റി കുട്ടികളുടെ ദിനം ആവേശത്തോടെ കൊണ്ടാടി. സമുദായ സ്നേഹവും പാരമ്പര്യങ്ങളും കുട്ടികളിൽ ഊട്ടിയുറപ്പിക്കാൻ ഉതകുന്ന വിവിധ പരിപാടികളോടെ നടത്തപ്പെട്ട കുട്ടികളുടെ ദിനത്തിൽ എൺപതോളം കുട്ടികൾ പങ്കെടുത്തു. ബ്രിസ്‌ബേൻ അതിരൂപതയിലെ youth Development Team നയിച്ച ശില്പശാലകളും ക്‌ളാസുകളും വളെരെയധികം ആവേശത്തോടെയാണ് കുട്ടികൾ സ്വീകരിച്ചത്.  BKCC എക്സിക്യൂട്ടീവ് അംഗങ്ങളുടെ നേതൃത്വത്തിൽ കുട്ടികൾക്കായി വിവിധ കായിക മത്സരങ്ങളും, കളികളും സംഘടിപ്പിച്ചിരുന്നു. 

ബഹുമാനപ്പെട്ട Fr ജെയ്‌സൺ കൂട്ടകൈതയിൽ കുട്ടികൾക്ക് സന്ദേശം നൽകുകയും, സമാപന പ്രാർത്ഥനകൾക്ക് നേതൃത്വം നൽകുകയും ചെയ്തു. കുട്ടികൾക്കായി വിവിധങ്ങളായ പരിപാടികൾ സംഘടിപ്പിക്കുകയും അതുവഴി കുട്ടികളിൽ സമുദായ സ്‌നേഹവും അറിവും പകർന്നു നൽകുക എന്നത് BKCC യുടെ പ്രഥമപരിഗണനയാണെന്നു  പ്രസിഡന്റ് ടിജോ പ്രാലേൽ അറിയിച്ചു.