സത്യസ്വരൂപീണി, മൂകാംബികേ, അമ്മേ,
സപ്തസ്വരങ്ങള് തന് സ്വാരാംശമേ!
അക്ഷരദേവതേ, ജ്ഞാനാംബികേ, ചെമ്മേ,
അക്ഷികളാല് കടാക്ഷിയ്ക്കേണമേ!
നിന്വാഗ്പിലാംസംതാന്മല്വിരല്ത്തുമ്പിലും
നാവിലും വര്ഷിപ്പതക്ഷരങ്ങള്!
എന്നുമെന് മാനസപുഷ്പതല്പത്തിന്നീ
വന്നുപവിഷ്ടയായീടേണമേ!
പൊന്നിന് ചിലങ്ക കിലുങ്ങും നിന്പാദങ്ങ-
ളൊന്നൊന്റെമൂര്ദ്ധാവില്സ്പര്ശിയ്ക്കണേ!
പത്മാസന! മമജിഹ്വാഗ്രത്തില് തവ
പത്മാംഗുലി പതീഞ്ഞീടേണമേ!
കൊല്ലൂരില് വാണിടും ദേവീ, സൗപര്ണ്ണികാ
കല്ലോലമാലതന്നാരവത്തില്,
കേള്ക്കുന്നു ഞാന് തവനാമാവലികള് തന്
കോള്മയിര് കൊള്ളിച്ചുസൗകുമാര്യം!
അര്ത്ഥിച്ചിടുന്നേന് ഞാന് അംബേ, വിദ്യാധനം
അര്പ്പിച്ചിടുന്നേന് സ്വജീവിതമേ!
ദേവികേ, ഭക്തപ്രിയേനിന്നിരന്തരം-
സേവനംമാത്രമാണെന്റെ ലക്ഷ്യം!