'നോട്ട് ഇന്‍ മൈ നെയിം' കാന്പയിന്‍ ഏഴിന്
Published on 06 July, 2017
കുവൈത്ത് സിറ്റി: ഇന്ത്യയില്‍ വര്‍ധിച്ചു വരുന്ന സംഘപരിവാര്‍ അതിക്രമങ്ങളില്‍ പ്രതിഷേധിച്ച് കല കുവൈറ്റിന്റെ നേതൃത്വത്തില്‍ നടക്കുന്ന 'നോട്ട് ഇന്‍ മൈ നെയിം' കാന്പയിന്‍ ജൂലൈ ഏഴിന് (വെള്ളി) വൈകുന്നേരം ഏഴിന് അബാസിയ പ്രവാസി ഓഡിറ്റോറിയത്തില്‍ നടക്കും.
ഗോ സംരക്ഷണത്തിന്റെ പേരിലും മറ്റും രാജ്യത്ത് ന്യൂനപക്ഷങ്ങള്‍ക്കുനേരെ വര്‍ഗീയ ആക്രമണങ്ങള്‍ വര്‍ധിച്ചുവരുന്ന സാഹചര്യമാണുള്ളത്. ഇതിനെതിരായുള്ള പ്രതിഷേധത്തില്‍ രാജ്യത്തിന്റെ വിവിധ ഭാഗങ്ങളിലായി പൊതുപ്രവര്‍ത്തകരും കലസാംസ്‌കാരിക പ്രവര്‍ത്തകരും സാധാരണക്കാരും വിദ്യാര്‍ഥികളും യുവജനങ്ങളും മാധ്യമപ്രവര്‍ത്തകരും പങ്കുചേര്‍ന്നു. അന്താരാഷ്ട്ര തലത്തിലും പ്രതിഷേധങ്ങള്‍ ഉയര്‍ന്നു വരികയാണ്.
സവര്‍ണ ഹിന്ദു ഫാസിസ്റ്റുകള്‍ മോദി അധികാരത്തില്‍ വന്ന് ഇതുവരെ 24 പേരെയാണ് കൊന്നു തള്ളിയത്. 12 സംസ്ഥാനങ്ങളിലായി ഇത്തരം 32 ആക്രമണങ്ങളുണ്ടായി. കൊല്ലപ്പെടുന്നവരില്‍ 85 ശതമാനം പേരും ന്യൂനപക്ഷ സമുദായത്തില്‍പെട്ടവരാണ്. ഗോസംരക്ഷണത്തിന്റെ മറവില്‍ ദളിത് വിഭാഗത്തിനെതിരെയും സംഘപരിവാറിന്റെ ആക്രമണം ശക്തിപ്പെട്ടിട്ടുണ്ട്. ഇത്തരം അനീതികള്‍ക്കെതിരെ പ്രവാസി സമൂഹത്തിന്റെ പ്രതിഷേധം ഉയര്‍ന്നു വരണമെന്നും മതനിരപേക്ഷത കാത്ത് സൂക്ഷിക്കുന്ന എല്ലാവരും മനുഷ്യനായി ജീവിക്കാനുള്ള അവകാശം കവര്‍ന്നെടുക്കുന്ന വര്‍ഗീയ ഫാസിസ്റ്റ് നയങ്ങള്‍ക്കെതിരെയുള്ള ബഹുജന കൂട്ടായ്മയില്‍ പങ്ക് ചേരണമെന്നും കല കുവൈറ്റ് ജനറല്‍ സെക്രട്ടറി ജെ.സജി, ആക്ടിംഗ് പ്രസിഡന്റ് കെ.വി.നിസാര്‍ എന്നിവര്‍ അഭ്യര്‍ഥിച്ചു.
റിപ്പോര്‍ട്ട്: സലിം കോട്ടയില്‍
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala