കൊച്ചി : നടിയെ ആക്രമിച്ച കേസില്‍ നടി കാവ്യാ മാധവനെ ചോദ്യം ചെയ്യും. ശനിയാഴ്‌ചയ്‌ക്കു ശേഷമാകും ചോദ്യം ചെയ്യല്‍. കേസിലെ ഗൂഢാലോചനയ്‌ക്കു പിന്നിലുണ്ടെന്നു കരുതുന്ന റിയല്‍ എസ്റ്റേറ്റ്‌ ഇടപാടുകള്‍, സിനിമാരംഗത്തെ പടലപ്പിണക്കങ്ങള്‍ എന്നിവയില്‍ വ്യക്തത തേടിയാണ്‌ ചോദ്യംചെയ്യല്‍.

കേസില്‍ കലാഭവന്‍ കെ എസ്‌ പ്രസാദിനെയും നിര്‍മാതാവ്‌ ആന്റോ ജോസഫിനെയും ആലുവ പൊലീസ്‌ക്‌ളബ്ബില്‍ വിളിച്ചുവരുത്തി ചോദ്യംചെയ്‌തു. എന്നാല്‍, തന്നെ ആരും ചോദ്യംചെയ്‌തില്ലെന്നും സുഹൃത്തിനോടു സംസാരിച്ചിരിക്കാനാണ്‌ പോയതെന്നുമാണ്‌ പൊലീസ്‌ക്‌ളബ്ബില്‍നിന്ന്‌ ഇറങ്ങിവന്ന പ്രസാദ്‌ മാധ്യമങ്ങളോടുപറഞ്ഞത്‌.