'ഇത്ര നീചനായ ഒരാള്‍ക്കൊപ്പം ഇനി അഭിനയിക്കുന്നതെങ്ങനെയാണ്‌? ദിലീപുമായി ഇനി ഒരു ബന്ധവുമുണ്ടായില്ല.' ആസിഫ്‌ പ്രതികരിച്ചു. ഒപ്പം ക്രിമിനലുകളുള്ളത്‌ നാണക്കേടാണെന്നും എന്നാല്‍ ഓരോ ആളുകളുടെയും അത്തരം പശ്ചാത്തലം പരിശോധിക്കുക അപ്രായോഗികമാണെന്നും എക്‌സിക്യൂട്ടീവ്‌ യോഗത്തിന്‌ ശേഷം മമ്മൂട്ടി പറഞ്ഞിരുന്നു.

താരസംഘടനയായ 'അമ്മ'യുടെ ട്രഷററായിരുന്ന ദിലീപിനെ സംഘടനയുടെ പ്രാഥമികാംഗത്വത്തില്‍ നിന്നാണ്‌ പുറത്താക്കിയത്‌. പുറമെ സാങ്കേതിക പ്രവര്‍ത്തകരുടെ സംഘടനയായ ഫെഫ്‌ക, പ്രൊഡ്യൂസേഴ്‌സ്‌ അസോസിയേഷന്‍, ഡിസ്‌ട്രിബ്യൂട്ടേഴ്‌സ്‌ അസോസിയേഷന്‍, ദിലീപിന്റെ തന്നെ നേതൃത്വത്തില്‍ രൂപീകരിക്കപ്പെട്ട തീയേറ്റര്‍ ഉടമകളുടെ പുതിയ സംഘടന 'ഫിയോക്‌' (ഫിലിം എക്‌സിബിറ്റേഴ്‌സ്‌ യുണൈറ്റഡ്‌ ഓര്‍ഗനൈസേഷന്‍ ഓഫ്‌ കേരള) എന്നിവയില്‍ നിന്നെല്ലാം ദിലീപ്‌ പുറത്താക്കപ്പെട്ടു.