റൊമാന്റിക് നായകന് എന്ന പരിവേഷം
ഊരിയെറിഞ്ഞ് പൗരുഷമുള്ള കഥാപാത്രങ്ങളെ അവതരിപ്പിക്കാന് അദ്ദേഹം മുന്നോട്ടു
വന്നിരിക്കുന്നു. ഒരു പോലീസ് ഓഫീസറുടെ ശരീരഭാഷയും ഭാവങ്ങളുമെല്ലാം അതീവ
സൂക്ഷ്മതയോടെ വളരെ കൃത്യമായി തന്നെ അവതരിപ്പിക്കുന്നതില് മാധവന്
വിജയിച്ചിട്ടുണ്ട്.
തന്നെക്കാള് വളരെ ജൂനിയറായ നടനായിട്ടു പോലും വിജയ്
സേതുപതിക്ക് നായകനൊപ്പം തന്നെ പ്രാധാന്യം നല്കിയ സിനിമയില് അഭിനയിക്കാന് മാധവനെ
പോലെ ഒരു നടന് സമ്മതിച്ചതും കഥാപാത്രത്തിന്റെ മികവു കൊണ്ടു തന്നെ.
സിനിമയില്
പ്രേക്ഷകരുടെ കൈയ്യടി നേടുന്നത് വിജയ് സേതുപതിയാണ്. വേദ എന്ന കഥാപാത്രത്തിന്റെ
മൂന്നു കാലഘട്ടങ്ങളെ അവതരണത്തിന്റെ സ്വാഭാവികത കൊണ്ടും അനായാസ ശൈലി കൊണ്ടും അദ്ദേഹം
മികച്ചതാക്കി. വെല്ലുവിളുകള് നിറഞ്ഞ കഥാപാത്രങ്ങളെ ധൈര്യമായി ഏല്പിക്കാന്
കഴിയുന്ന നടനാണ് താനെന്ന് വിജയ് സേതുപതി തെളിയിച്ചു കഴിഞ്ഞു.
കഥ,
തിരക്കഥ, സംഭാഷണം, സംവിധാനം എന്നിവ നിര്വഹിച്ച ഗായത്രി-പുഷ്കര് ടീമിന് ഒരു നല്ല
കൈയ്യടി നല്കാന് തോന്നും തിരക്കഥയെഴുതിയവര് തന്നെ സംവിധാനം ചെയ്തതു കൊണ്ട്
അതിന്റ തീവ്രത നിലനിര്ത്താന് കഴിഞ്ഞു. നായികയായി വന്ന ശ്രദ്ധ, വരലക്ഷ്മി, ഹരീഷ്
പേരടി തുടങ്ങിയവരും ശ്രദ്ധേയമായഅഭിനയം കാഴ്ച വച്ചു. സാങ്കേതികമായ ികവും
സിനിമയ്ക്കുണ്ട്. പി.എസ് വിനോദിന്റെ ഛായാഗ്രഹണം, സാം.സി.എസിന്റ പശ്ചാത്തല സംഗീതം
എന്നിവയും മികച്ചതാണ്.