Image

വണ്ണം മാത്രമല്ല, സാഹോയില്‍ നിന്നും അനുഷ്‌ക പിന്മാറാന്‍ മറ്റൊരു കാരണവും

Published on 04 August, 2017
വണ്ണം മാത്രമല്ല, സാഹോയില്‍ നിന്നും അനുഷ്‌ക പിന്മാറാന്‍ മറ്റൊരു കാരണവും
ബാഹുബലിക്ക് ശേഷം പ്രഭാസും അനുഷ്‌കയും ഒന്നിക്കുന്ന വിവരം ഏറെ ആഹ്ലാദത്തോടെയാണ് ആരാധകര്‍ ഏറ്റെടുത്തത്. എന്നാല്‍ ചിത്രത്തില്‍ നിന്ന് അനുഷ്‌ക പിന്മാറുകയായിരുന്നു. ചിത്രത്തിനായി തടി കുറക്കണമെന്ന് അണിയറപ്രവര്‍ത്തകര്‍ ആവശ്യപ്പെട്ടു, ഇതോടെയാണ് അനുഷ്‌ക പിന്മാറിയത് എന്നായിരുന്നു വാര്‍ത്ത എത്തിയത്. അനുഷ്‌കയ്ക്കു പകരം ശ്രദ്ധാ കപൂറാണ് പ്രഭാസിന് നായികയാവുക.

എന്നാല്‍ വണ്ണം മാത്രമല്ല മറ്റൊരു കാരണം കൊണ്ടു കൂടിയാണ് അനുഷ്‌ക സാഹോ വേണ്ടെന്ന് വച്ചതെന്നാണ് പുതിയ റിപ്പോര്‍ട്ട്. സാഹോയ്ക്കുവേണ്ടി അനുഷ്‌ക കഠിന പരിശീലനത്തിനായിരുന്നു. ഇതിന്റെ ഫലമായി അനുഷ്‌കയുടെ വണ്ണം കുറയുകയും ചെയ്തു. പക്ഷേ വണ്ണത്തെക്കാള്‍ അനുഷ്‌കയെ അലട്ടിയത് കടുത്ത മാനസിക സമ്മര്‍ദ്ദമായിരുന്നുവത്രേ.

ബാഹുബലി 2 വിലെ പ്രഭാസ്അനുഷ്‌ക ജോഡിപ്പൊരുത്തം സാഹോയിലും പ്രേക്ഷകര്‍ പ്രതീക്ഷിക്കും. അവര്‍ക്ക് ഇത് നല്‍കാന്‍ കഴിയുമോയെന്ന കാര്യത്തില്‍ അനുഷ്‌കയ്ക്ക് ഉറപ്പുണ്ടായില്ല. ഇത് താരത്തെ സമ്മര്‍ദ്ദത്തിലാക്കി. ഒരു വശത്ത് ശരീരവണ്ണം കുറയ്ക്കാനുളള സമ്മര്‍ദ്ദവും മറ്റൊരു വശത്ത് മാനസിക സമ്മര്‍ദ്ദവും കൂടി ചേര്‍ന്നപ്പോഴാണ് സാഹോയില്‍നിന്നും പിന്മാറാന്‍ അനുഷ്‌ക തീരുമാനിച്ചതെന്നാണ് താരത്തോട് അടുത്ത വൃത്തങ്ങള്‍ വെളിപ്പെടുത്തിയത്. തെലുങ്ക്, തമിഴ്, ഹിന്ദി എന്നീ ഭാഷകളിലായാണ് സാഹോ പുറത്തിറങ്ങുക.


Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക