കണ്ണൂര്‍: മട്ടന്നൂര്‍ നഗരസഭ എല്‍.ഡി.എഫ്‌ നിലനിര്‍ത്തി. അഞ്ചാം തവണയാണ്‌ ഇവിടെ എല്‍.ഡി.എഫ്‌ വിജയിക്കുന്നത്‌. 20 സീറ്റില്‍ എല്‍.ഡി.എഫ്‌ വിജയിച്ചപ്പോള്‍ ഏഴിടത്ത്‌ മാത്രമേ യു.ഡി.എഫിന്‌ വിജയം നേടാനായുള്ളൂ.

ആദ്യ ഫലസൂചനകള്‍ വന്നപ്പോള്‍ തന്നെ ഇടതുമുന്നണിയ്‌ക്ക്‌ വന്‍ ലീഡ്‌ ഉണ്ടായിരുന്നു. 20 വര്‍ഷമായി ഇടതുമുന്നണിയാണ്‌ നഗരസഭ ഭരിക്കുന്നത്‌. നഗരസഭയുടെ അഞ്ചാമത്‌ ഭരണസമിതിയിലേക്കുള്ള തെരഞ്ഞെടുപ്പില്‍ 112 സ്ഥാനാര്‍ഥികളാണ്‌ ജനവിധി തേടിയത്‌.

35 വാര്‍ഡുകളിലായി നടന്ന തെരഞ്ഞെടുപ്പില്‍ 82.91 ശതമാനം പോളിങ്ങാണ്‌ നടന്നിട്ടുള്ളത്‌.