ന്യൂജേഴ്സി: കേരളാ കള്ച്ചറല് ഫോറം ഓഫ് ന്യൂജേഴ്സി ഇരുപത്തെട്ടാം
വാര്ഷികവും ഓണാഘോഷവും ഓഗസ്റ്റ് 27-ഞായറാഴ്ച സെന്റ് ജോണ്സ് കാത്തലിക്
ചര്ച്ചില് വച്ച് വൈകുന്നേരം 4.30 മുതല് രാത്രി 9 വരെ നടക്കും.
പൊതുസമ്മേളനം രാജ്യസഭാ ഉപാധ്യക്ഷന് പ്രൊഫ. പി.ജെ. കുര്യന്
നിര്വഹിക്കും. ചെണ്ടമേളത്തിന്റേയും താലപ്പൊലിയുടേയും അകമ്പടിയോടെയുള്ള
മഹാബലിയുടെ എഴുന്നള്ളത്ത്, കുട്ടികളുടെ നൃത്തനൃത്യങ്ങള്, തിരുവാതിരകളി,
കൈകൊട്ടിക്കളി, കുട്ടികള്ക്കായി പുഞ്ചിരി മത്സരം, യുവഗായകരുടെ ഗാനമേള,
കോമഡി ഷോ എന്നിവയും വിഭവസമൃദ്ധമായ ഓണസദ്യയും ഉണ്ടായിരിക്കും.