കൊച്ചി: കൊച്ചിയില്‍ അക്രമിക്കപ്പെട്ട നടിയില്‍ നിന്നും വനിതാ കമ്മീഷന്‍ മൊഴിയെടുത്തു. പി.സി ജോര്‍ജ്‌ എം.എല്‍.എ നടത്തുന്ന പരാമര്‍ശങ്ങളില്‍ ദുഖവും അമര്‍ഷവും ഉണ്ടെന്നും നിരന്തരം അപകീര്‍ത്തികരമായ പ്രസ്‌താവനകള്‍ തുടരുന്നത്‌ ഏറെ വേദനിപ്പിക്കുന്നുണ്ടെന്നും നടി മൊഴിനല്‍കി.
ഒരു ജനപ്രതിനിധിയില്‍ നിന്ന്‌ ഇത്തരം പരാമര്‍ശങ്ങള്‍ പ്രതീക്ഷിച്ചിരുന്നില്ലെന്നും മറ്റൊരു സ്‌ത്രീക്കും ഇത്തരത്തിലുള്ള അനുഭവം ഉണ്ടാകരുതെന്നും അവര്‍ കമ്മീഷനോട്‌ പറഞ്ഞു.