നടിയുടെ പേര് വെളിപ്പെടുത്തിയ സംഭവം, അജു വര്‍ഗീസിനെ അറസ്റ്റ് ചെയ്ത് വിട്ടയച്ചു
Published on 30 August, 2017
നടന്‍ അജു വര്‍ഗ്ഗീസിനെ പൊലീസ് അറസ്റ്റ് ചെയ്ത് പിന്നീട് വിട്ടയച്ചു. കൊച്ചിയില്‍ പീഡനത്തിനിരയായ നടിയുടെ പേര് വെളിപ്പെടുത്തിയ സംഭവത്തിലായിരുന്നു അറസ്റ്റ്. ഇന്നലെ വൈകുന്നേരം 6.30ഓടെയായിരുന്നു അറസ്റ്റ് ചെയ്തത്. സ്‌റ്റേഷന്‍ ജാമ്യം ലഭിക്കാവുന്ന കുറ്റമായതിനാല്‍ ഉടന്‍ തന്നെ ജാമ്യം അനുവദിക്കുകയായിരുന്നു. ഇന്ത്യന്‍ ശിക്ഷാ നിയമം 228(എ) വകുപ്പ് ചുമത്തിയാണ് അജു വര്‍ഗ്ഗീസിനെതിരെ കേസെടുത്തിരിക്കുന്നത്.
നടിയുടെ പേര് ഫേസ്ബുക്ക് പോസ്റ്റിലൂടെയാണ് അജു വര്‍ഗ്ഗീസ് വെളിപ്പെടുത്തിയത്. പിന്നീട് പോസ്റ്റ് പിന്‍വലിച്ചെങ്കിലും കേസെടുക്കുകയായിരുന്നു. നേരത്തെ സ്‌റ്റേഷനില്‍ വിളിച്ചുവരുത്തുകയും അജുവിന്റെ ഫോണ്‍ പൊലീസ് പിടിച്ചെടുക്കുകയും ചെയ്തിരുന്നു. ഈ ഫോണ്‍ ഇപ്പോള്‍ പരിശോധനയ്ക്കായി അയച്ചിരിക്കുകയാണ്. അതേസമയം അജു വര്‍ഗ്ഗീസും താനും സുഹൃത്തുക്കളാണെന്നും പരാമര്‍ശം ദുരുദ്ദേശപരമായി കാണുന്നില്ലെന്നും സത്യവാങ്മൂലത്തില്‍ നടി പറഞ്ഞിരുന്നു.
അതുകൊണ്ട് എഫ്.ഐ.ആര്‍ റദ്ദാക്കുന്നതില്‍ വിരോധമില്ലെന്നും ഇരയായ നടി സത്യവാങ്മൂലത്തില്‍ ചുണ്ടികാട്ടിയിരുന്നു. എന്നാല്‍ കേസ് റദ്ദാക്കാനാവില്ലെന്ന നിലപാടാണ് കോടതി സ്വീകരിച്ചത്.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala