കുവൈത്ത്: കുവൈത്ത് ഔക്കാഫ് മതകാര്യവകുപ്പിന്റെ കീഴില് ഇന്ത്യന് ഇസ്ലാഹി സെന്റര് അഞ്ച് പള്ളികളില് ബലി പെരുന്നാള് നമസ്കാരം സംഘടിപ്പിച്ചു. മലയാളം ഖുതുബ നടക്കുന്ന സാല്മിയയിലെ അബ്ദുല്ല അല് വുഐബ് പള്ളിയില് സയ്യിദ് അബ്ദുറഹിമാന് തങ്ങള് പെരുന്നാള് നമസ്കാരത്തിന് നേതൃത്വം നല്കി.
സബാഹിയ്യ ത്വിഫ്ല അസ്സഹബി പള്ളിയില് ഷമീമുള്ള സലഫിയും ജഹ്റ അല് മുഅ്തസിം പള്ളിയില് സിദ്ധീഖ് മദനിയും മങ്കഫിലെ ഫഹദ് മബ്ഗൂത് പള്ളിയില് ആദില് സലഫിയും മഹ്ബൂല നാസര് സ്പോര്ട്സ് പള്ളിയില് മുഹമ്മദ് മുര്ഷിദും നേതൃത്വം നല്കി. സ്ത്രീകളും കുട്ടികളുമടക്കം നൂറുകണക്കിന് ആളുകള് പങ്കെടുത്തു. നമസ്കാര ശേഷം സംഘടിത ബലികര്മ്മവും ഉണ്ടായിരുന്നു.
റിപ്പോര്ട്ട്: സലിം കോട്ടയില്