തിരുവനന്തപുരം : ശ്രീനാരായണഗുരുവിന്റെ 163-ാമത്‌ ജയന്തി നാടെങ്ങും ആഘോഷിച്ചു. ഗുരുവിന്റെ ജന്മസ്ഥലമായ ചെമ്പഴന്തി ഗുരുകുലം, സമാധിസ്ഥാനമായ ശിവഗിരി, അരുവിപ്പുറം, ആലുവ അദൈ്വതാശ്രമം എന്നിവിടങ്ങളില്‍ വിപുലമായ ജയന്തി ആഘോഷം നടന്നു. ശ്രീനാരായണ സംഘടനകളുടെ നേതൃത്വത്തില്‍ വിവിധ ശാഖകളിലും ഗുരുമന്ദിരങ്ങളിലും ജയന്തി ആഘോഷവും പദയാത്രയും നടന്നു.

ചെമ്പഴന്തിയില്‍ ജയന്തി ആഘോഷങ്ങളില്‍ പങ്കെടുക്കാന്‍ ആയിരക്കണക്കിനാളുകള്‍ എത്തി. ശ്രീകാര്യം ജങ്‌ഷനില്‍നിന്ന്‌ ചെമ്പഴന്തിയിലേക്ക്‌ ജയന്തി ഘോഷയാത്ര നടന്നു. മന്ത്രി ജെ മേഴ്‌സിക്കുട്ടിയമ്മ ഫ്‌ളാഗ്‌ഓഫ്‌ ചെയ്‌തു. നാഗസ്വരം, പഞ്ചവാദ്യം, ഗുരുവിന്റെ റിക്ഷാ മാതൃക, വിവിധ ഫ്‌ളോട്ടുകള്‍ എന്നിവയുടെ അകമ്പടിയോടെയായിരുന്നു ഘോഷയാത്ര.