ചെന്നൈ: പളനിസ്വാമി സര്‍ക്കാരിനെ പുറത്താക്കുമെന്ന്‌ ടി.ടി.വി. ദിനകരന്‍. സര്‍ക്കാര്‍ ന്യൂനപക്ഷമായിട്ടും ഗവര്‍ണര്‍ നടപടി സ്വീകരിക്കുന്നില്ലെന്നും ദിനകരന്‍ പറഞ്ഞു. അണ്ണാ ഡിഎംകെയില്‍നിന്നു ദിനകരനെയും ശശികലയെയും പുറത്താക്കിയതിനു പിന്നാലെയാണ്‌ ദിനകരന്‍റെ പ്രതികരണം. ജനറല്‍ കൗണ്‍സില്‍ യോഗത്തില്‍ എടുത്ത തീരുമാനങ്ങള്‍ നിയമവിരുദ്ധമാണ്‌. ഇതിനെ കോടതിയില്‍ ചോദ്യം ചെയ്യുമെന്നും ദിനകരന്‍ പറഞ്ഞു.

മുഖ്യമന്ത്രി എടപ്പാടി കെ. പളനിസ്വാമിയും ഉപമുഖ്യമന്ത്രി ഒ. പനീര്‍ശെല്‍വവും സംയുക്തമായി വിളിച്ചു ചേര്‍ത്ത ജനറല്‍ കൗണ്‍സില്‍ യോഗമാണ്‌ ദിനകരനെയും ശശികലയെയും പുറത്താക്കിയത്‌. ഇന്നു ചേര്‍ന്ന ജനറല്‍ കൗണ്‍സിലിനെതിരെ ദിനകരന്‍ പക്ഷം മദ്രാസ്‌ ഹൈക്കോടതിയെ സമീപിച്ചിരുന്നു