Image

പൂനെയില്‍ മലയാളി ഹോട്ടലുടമ മര്‍ദ്ദനമേറ്റു മരിച്ചു

Published on 14 September, 2017
പൂനെയില്‍ മലയാളി ഹോട്ടലുടമ മര്‍ദ്ദനമേറ്റു മരിച്ചു

പൂനെ: മലയാളി ഹോട്ടലുടമ മഹാരാഷ്ട്രയിലെ പൂനെയില്‍ മര്‍ദ്ദനമേറ്റു മരിച്ചു. കണ്ണൂര്‍ പരലശേരി സ്വദേശി അബ്ദുല്‍ അസീസാണു മരിച്ചത്‌. സംഭവത്തിനു പിന്നില്‍ ഹോട്ടലിരിക്കുന്ന സ്ഥലത്തിന്റെ ഉടമയാണെന്നും ഇയാള്‍ക്കെതിരെ കൊലക്കുറ്റത്തിനു കേസെടുക്കണമെന്നും ആവശ്യപ്പെട്ട്‌ അസീസിന്റെ കുടുംബം രംഗത്തെത്തി.


പൂനെയിലെ ശിവാപൂരില്‍ കഴിഞ്ഞ 40 വര്‍ഷമായി സാഗര്‍ എന്ന ഹോട്ടല്‍ നടത്തിവരികയായിരുന്നു അബ്ദുല്‍ അസീസ്‌. 99 വര്‍ഷത്തേക്ക്‌ പാട്ടത്തിനെടുത്ത സ്ഥലത്തായിരുന്നു ഹോട്ടല്‍ നടത്തിയിരുന്നത്‌. എന്നാല്‍ കഴിഞ്ഞ കുറച്ചുകാലമായി സ്ഥലമുടമ ഹോട്ടല്‍ വിട്ടുതരണമെന്നാവശ്യപ്പെട്ടു നിരന്തരം പ്രശ്‌നമുണ്ടാക്കിയിരുന്നതായി അസീസിന്റെ കുടുംബം പറഞ്ഞു.

ഇതുമായി ബന്ധപ്പെട്ട്‌ സ്ഥലമുടമ സഞ്‌ജയ്‌ കോണ്ടെയുമായി അസീസ്‌ വാക്കുതര്‍ക്കലേര്‍പ്പെട്ടിരുന്നു. ഇതിന്റെ തുടര്‍ച്ചയായുണ്ടായ സംഘര്‍ഷമാണ്‌ അസീസിന്റെ മരണത്തില്‍ കലാശിച്ചതെന്നാണ്‌ കുടുംബാംഗങ്ങള്‍ ആരോപിക്കുന്നത്‌.
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക