അട്ടപ്പാടിയിലെ ആദിവാസി വിഭാഗങ്ങള്ക്കിടയില് ശിശുമരണം കുറഞ്ഞെന്ന സര്ക്കാര്
വാദം പൊളിച്ച് കണക്കുകള്. ആരോഗ്യവകുപ്പിന്റെ കണക്കുകള് പ്രകാരം ഈ വര്ഷം ഇതുവരെ
13 നവജാത ശിശുക്കള് മരിച്ചെന്ന് മാതൃഭൂമി റിപ്പോര്ട്ട് ചെയ്യുന്നു.
കഴിഞ്ഞവര്ഷം എട്ടുശിശുമരണമാണ് റിപ്പോര്ട്ട് ചെയ്തത്. 2015ന് ശേഷം
ഏറ്റവുമധികം ശിശുമരണം റിപ്പോര്ട്ട് ചെയ്തതും ഈ വര്ഷമാണ്.
ഈ വര്ഷം
റിപ്പോര്ട്ട് ചെയ്ത മരണങ്ങളില് ആറെണ്ണവും ജനനവൈകല്യം മൂലമാണ്. ഹൃദയവാല്വ്,
അന്നനാളം, ശ്വാസകോശം, എന്നിവയ്ക്കുണ്ടാകുന്ന തകരാര് ഹൃദയാഘാതം എന്നിവകാരണമാണ്
മരണമേറെയും. ഗര്ഭസ്ഥ ശിശുമരണവും കുറയ്ക്കാന് സാധിച്ചിട്ടില്ല.