Image

കുല്‍ഭൂഷണ്‍ ജാദവിന്റെ ദയാഹര്‍ജിയില്‍ ഉടന്‍ തീരുമാനമെടുക്കുമെന്ന്‌ പാക്കിസ്ഥാന്‍

Published on 06 October, 2017
കുല്‍ഭൂഷണ്‍ ജാദവിന്റെ ദയാഹര്‍ജിയില്‍ ഉടന്‍ തീരുമാനമെടുക്കുമെന്ന്‌ പാക്കിസ്ഥാന്‍


ഇസ്ലാമാബാദ്‌: ചാരവൃത്തി ആരോപിച്ച്‌ പാക്‌ സൈനിക കോടതി വധശിക്ഷയ്‌ക്ക്‌ വിധിച്ച ഇന്ത്യന്‍ മുന്‍ നാവികോദ്യോഗസ്ഥന്‍ കുല്‍ഭൂഷന്‍ ജാദവിന്റെ ദയാഹര്‍ജിയില്‍ ഉടന്‍ തീരുമാനമെടുക്കുമെന്ന്‌ പാകിസ്ഥാന്‍. ജാദവിന്റെ ദയാഹര്‍ജി പാക്ക്‌ സൈനിക മേധാവിയുടെ പരിഗണനയിലാണ്‌
ദയാഹര്‍ജി തീര്‍പ്പാക്കുന്നതിന്‌ അതിന്റേതായ ചില നടപടിക്രമങ്ങള്‍ പാലിക്കേണ്ടതുണ്ട്‌. എന്നാല്‍ ഹര്‍ജി തീര്‍പ്പാക്കുന്നത്‌ കൂടുതല്‍ വൈകില്ലെന്നും പാക്‌ സൈനിക വക്താവ്‌ ജനറല്‍ ആസിഫ്‌ ഗഫൂര്‍ മാധ്യമങ്ങളെ അറിയിച്ചു.

അതേ സമയം 2014 ല്‍ പെഷവാറിലെ ആര്‍മി സ്‌കൂളില്‍ നടന്ന ആക്രമണത്തിന്‌ പിന്നില്‍ പ്രവര്‍ത്തിച്ച ഭീകരനെ കുല്‍ഭൂഷണ്‍ ജാദവുമായി വച്ചുമാറാന്‍ തയ്യാറാണെന്ന്‌ ഇന്ത്യ അറിയിച്ചെന്ന്‌ പാക്കിസ്ഥാന്‍ അവകാശപ്പെട്ടിരുന്നു എന്നാല്‍ ഇത്‌ തെറ്റാണെന്ന്‌ ഇന്ത്യന്‍ വിദേശകാര്യ മന്ത്രാലയ വക്താവ്‌ റാവീഷ്‌ കുമാര്‍ അറിയിച്ചു.


Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക