ക്ലാസ്‌ റൂമിലെ സി.സി.ടി.വി ദൃശ്യങ്ങളില്‍ വിദ്യാര്‍ത്ഥി അധ്യാപകനെ പിറകിലൂടെ വന്ന്‌ വെട്ടുന്നത്‌ പതിഞ്ഞിട്ടുണ്ട്‌. പരീക്ഷയില്‍ മാര്‍ക്ക്‌ കുറഞ്ഞ വിദ്യാര്‍ത്ഥികളെ രവീന്ദര്‍ വഴക്കു പറഞ്ഞിരുന്നു.


ഇതില്‍ പ്രകോപിതനായ വിദ്യാര്‍ത്ഥി അധ്യാപകനെ ആക്രമിക്കുകയായിരുന്നു. ബാഗില്‍ ഒളിപ്പിച്ചു കൊണ്ടുവന്ന കത്തി എടുത്താണ്‌ ഇയാള്‍ അധ്യാപകനെ കുത്തിയത്‌. കുത്തേറ്റ്‌ പുറത്തേക്കോടിയ അധ്യാപകനെ പിന്നാലെ ചെന്ന്‌ ഇയാള്‍ വീണ്ടും കുത്തുന്നതും ക്യാമറയില്‍ പതിഞ്ഞിട്ടുണ്ട്‌.

വിദ്യാര്‍ത്ഥിയെ പൊലീസ്‌ അറസ്റ്റ്‌ ചെയ്‌തിട്ടുണ്ട്‌. കത്തി എത്തിച്ചുകൊടുത്ത മറ്റൊരു വിദ്യാര്‍ത്ഥിയേയും പൊലീസ്‌ അറസ്റ്റ്‌ ചെയ്‌തിട്ടുണ്ട്‌. ശനിയാഴ്‌ച സ്‌കൂളില്‍ പി.ടി.ഐ മീറ്റിംഗ്‌ വിളിച്ചിരുന്നു. മീറ്റിംഗില്‍ മാര്‍ക്ക്‌ കുറഞ്ഞത്‌ ചര്‍ച്ചയാകുമെന്ന ഭയമാണ്‌ വിദ്യാര്‍ത്ഥിയേ അക്രമത്തിലേക്ക്‌ നയിച്ചതെന്നാണ്‌ സ്‌കൂള്‍ പ്രിന്‍സിപ്പളുടെ നിഗമനം