ബി.ജെ.പി കോട്ട ഗുരുദാസ്‌പൂരില്‍ കോണ്‍ഗ്രസ്‌ വിജയം 1.9ലക്ഷം വോട്ടിന്റെ ഭൂരിപക്ഷത്തിന്‌
Published on 15 October, 2017
ഗുരുദാസ്‌പൂര്‍: ഗുരുദാസ്‌പൂരില്‍ ബി.ജെ.പി കോട്ട പിടിച്ചടുക്കി കോണ്‍ഗ്രസ്‌. 1,93,219 വോട്ടുകളുടെ ഭൂരിപക്ഷത്തിനാണ്‌ കോണ്‍ഗ്രസ്‌ സ്ഥാനാര്‍ത്ഥി സുനില്‍ ഝാക്കറിന്റെ വിജയം.
തുടര്‍ച്ചയായി നാലു തവണ ബി.ജെ.പിയുടെ വിനോദ്‌ ഖന്ന വിജയിച്ച മണ്ഡലത്തിലാണ്‌ കോണ്‍ഗ്രസ്‌ ഇത്രയും വലിയ മുന്നേറ്റം കാഴ്‌ചവെച്ചത്‌. ഖന്നയുടെ നിര്യാണത്തെ തുടര്‍ന്നാണ്‌ ഇവിടെ ഉപതെരഞ്ഞെടുപ്പു നടത്തേണ്ടിവന്നത്‌.
ഒമ്പതു നിയസഭാ മണ്ഡലങ്ങള്‍ ഉള്‍പ്പെടുന്നതാാണ്‌ ഗുരുദാസ്‌ പൂര്‍ ലോഗക്‌സഭാ സീറ്റ്‌. ഭോവ, പത്താന്‍കോട്ട്‌, ഗുരുദാസ്‌പൂര്‍, ദിനനഗര്‍, ഖ്വാദിയന്‍, ഫത്തേഘര്‍ ചുരിയന്‍, ദേര ബാബ നാനാക്‌, സുജന്‍പൂര്‍, ബടാല എന്നിവയുള്‍പ്പെടുന്നതാണ്‌ ഗുരുദാസ്‌പൂര്‍ ലോക്‌സഭാ മണ്ഡലം.
പ്രധാനമന്ത്രി നരേന്ദ്രമോദി നയിക്കുന്ന കേന്ദ്രസര്‍ക്കാറിന്റെ ജനദ്രോഹ നയങ്ങള്‍ക്കുള്ള ശക്തമായ മറുപടിയാണ്‌ ഗുരുദാസ്‌പൂരിലെ ജനവിധിയെന്ന്‌ കോണ്‍ഗ്രസ്‌ സ്ഥാനാര്‍ത്ഥി സുനില്‍ ഝാക്കര്‍ അഭിപ്രായപ്പെട്ടു. പഞ്ചാബ്‌ പ്രദേശ്‌ കോണ്‍ഗ്രസ്‌ കമ്മിറ്റിയുടെ പ്രസിഡന്റാണ്‌ സുനില്‍ ഝാക്കര്‍. 2002ലും 2017ലും അദ്ദേഹം അബോഹര്‍ മണ്ഡലത്തില്‍ നിന്നും വിജയിച്ചിരുന്നു.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala