വികലവും ഇന്ത്യ അംഗീകരിക്കാത്തതുമായ ഭൂപടം അച്ചടിച്ചതിലൂടെ ഇന്ത്യയെ വാഷിംങ്ടണ്‍ പോസ്റ്റ് അവഹേളിച്ചിരിക്കുകയാണെന്ന് വാഷിംങ്ടണ്‍ പോസ്റ്റ് എഡിറ്റര്‍ക്കയച്ച ഇമെയില്‍ സന്ദേശത്തില്‍ എബി ജെ.ജോസ് ചൂണ്ടിക്കാട്ടി. തെറ്റായ ഭൂപടം അച്ചടിയ്ക്കാനിടയായ സംഭവത്തില്‍ പത്രം ഖേദം പ്രകടിപ്പിക്കണമെന്നും ഫൗണ്ടേഷന്‍ ആവശ്യപ്പെട്ടു. 

ഇത്തരത്തിലുള്ള നടപടി സ്വതന്ത്രപരമാധികാര രാഷ്ട്രമായ ഇന്ത്യയോടുള്ള അവഹേളനമാണ്. വാഷിംങ്ടണ്‍ പോസ്റ്റ് പോലുള്ള പത്രത്തില്‍ തെറ്റായ ഭൂപടം അച്ചടിക്കാനിടയായത് സംശയാസ്പദമാണ്. ഇന്ത്യയും ലോക രാഷ്ട്രങ്ങളും അംഗീകരിച്ച ഭൂപടം മാറ്റി വരക്കുന്ന നിലപാട് പ്രതിക്ഷേധാര്‍ഹമാണ്. വിഷയം കേന്ദ്ര അഭ്യന്തര മന്ത്രാലയത്തിന്റെ ശ്രദ്ധയില്‍പ്പെടുത്തിയിട്ടുണ്ടെന്നും എബി ജെ. ജോസ് അറിയിച്ചു.