സ്വന്തം പേരിലുള്ള ആഡംബര കാര്‍ പോണ്ടിച്ചേരിയില്‍ രജിസ്റ്റര്‍ ചെയ്‌ത്‌ നികുതി വെട്ടിപ്പ്‌ നടത്തിയെന്ന ആരോപണത്തെ പരിഹസിച്ച്‌ നടി അമലാ പോള്‍ രംഗത്ത്‌. നിയമംഘനത്തെ ഒളിഞ്ഞും തെളിഞ്ഞും പരിഹസിച്ച്‌ സമൂഹമാധ്യമത്തില്‍ പ്രതികരിച്ചിരിക്കുകയാണ്‌ താരം.

`` ചിലപ്പോഴെങ്കിലും നഗരത്തിന്റെ തിരക്കുകളില്‍ നിന്നും അനാവശ്യമായ ഊഹാപോഹങ്ങളില്‍ നിന്നും എനിക്ക്‌ ഓട്യൊളിക്കേണ്ടതുണ്ട്‌. അതിനായി ഇപ്രാവശ്യം ഞാന്‍ ഒരു ബോട്ട്‌ യാത്രയാണ്‌ തിരഞ്ഞെടുത്തിരിക്കുന്നത്‌. അപ്പോള്‍ നിയമലംഘനം നടത്തിയെന്നു പറയില്ലല്ലോ. അതോ ഇനി അതും ഞാനെന്റെ അഭ്യുദയകാംക്ഷികളോടു ചര്‍ച്ച ചെയ്‌തു ബോധ്യപ്പെടുത്തണോ? ഇങ്ങനെയാണ്‌ താരത്തിന്റെ കുറിപ്പ്‌.

അമലാ പോള്‍ തന്റെ ബെന്‍സ്‌ കാര്‍ രജിസ്റ്റര്‍ ചെയ്‌തിരിക്കുന്നത്‌ പോണ്ടിച്ചേരിയിലെ ഒരു എന്‍ജിനീയറിങ്ങ്‌ വിദ്യാര്‍ത്ഥിയുടെ പേരിലാണെന്നും ഇതുവഴി 20 ലക്ഷം രൂപ നികുതി വെട്ടിച്ചെന്നുമാണ്‌ ആരോപണം. ആരോപണത്തെ ശരി വയ്‌ക്കുന്ന തെളിവുകള്‍ ഉദ്യോഗസ്ഥര്‍ക്കു കിട്ടിയെന്നും താരത്തിനെതിരേ നിയമനടപടിയുണ്ടാകുമെന്നുമാണ്‌ സൂചനകള്‍. അതിനിടെയാണ്‌ ഇതിനെ വിമര്‍ശിച്ചും പരിഹസിച്ചും അമല തന്നെ രംഗത്തെത്തിയിരിക്കുന്നത്‌.