മെല്ബണ്: നവംബര് നാലിനു പതിനെഞ്ചില്പരം കലാപ്രതിഭകള്ക്കൊപ്പം മെല്ബണില് എത്തിച്ചേരുന്ന മലയാളത്തിന്റെ വിഖ്യാത സംഗീത സംവിധായകന് ജെറി അമല്ദേവ് ഓസ്ട്രേലിയയില് ആദ്യമായി അരങ്ങേറുന്ന 'സിംഗ്, ഓസ്ട്രേലിയ വിത് ജെറി അമല്ദേവ്' സംഗീത നിശ നവംബര് അഞ്ചിനു വൈകുന്നേരം 4 മുതല് മെല്ബണിലെ കിംഗ്സ്ടണ് ഹാളില് അവതരിപ്പിക്കുന്നു.
മലയാള സിനിമാചരിത്രത്തിലെ എക്കാലത്തെയും സൂപ്പര്ഹിറ്റുകളായ ഗാനങ്ങള് ഒരുക്കിയിട്ടുള്ള ജെറി അമല്ദേവ് 20ല്പരം മലയാള ചലച്ചിത്ര ഗാനങ്ങള് കൂടാതെ ഹിന്ദി, ഇംഗ്ലീഷ്, ഹിബ്രു എന്നി ഭാഷകളിലുള്ള വൈവിധ്യമാര്ന്ന ഗാനങ്ങള് ഉള്പ്പെടുന്ന ഗാനസന്ധ്യയാണ് പ്രേക്ഷകര്ക്കായി ഒരുക്കുന്നത്.
ഇതിന്റെ സംഘാടകരായ മെല്ബണ് സെന്റ് ജോര്ജ് യാക്കോബായ സുറിയാനി പള്ളിയില് ഏകദേശം ഒരു മാസം മുന്പ് ടിക്കറ്റ് വില്പ്പന ഉദ്ഘാടനം ചെയ്ത പരിപാടിക്ക് അതിഗംഭീരമായ പ്രതികരണമാണ് മെല്ബണിലെ ഭാരതീയ സമൂഹത്തില് നിന്നും ലഭിച്ചത്. ഈ ദേവാലയത്തിന്റെ നിര്മ്മാണപ്രവര്ത്തനവുമായി ബന്ധപ്പെട്ട ധനശേഖരണാര്ത്ഥമാണ് പരിപാടി അവതരിപ്പിക്കുന്നത്.
ടിക്കറ്റുകള്ക്കായി ബന്ധപ്പെടേണ് നമ്പര്:
സജി 0455 444 402 ബിജു 0433 559 259 എബി 0433 214 902 യല്ദോ 0467 215 471
റിപ്പോര്ട്ട്: എബി പൊയ്ക്കാട്ടില്