തോമസ്‌ ചാണ്ടിയുടെ രാജി ഇന്നില്ല, തീരുമാനം മുഖ്യമന്ത്രിയ്‌ക്ക്‌ വിട്ട്‌ മുന്നണി
Published on 12 November, 2017
തിരുവനന്തപുരം: മന്ത്രി തോമസ്‌ ചാണ്ടിയുടെ രാജി അനിവാര്യമെന്ന്‌ എല്‍.ഡി.എഫ്‌ മുന്നണിയില്‍ പൊതുവികാരം. അതേസമയം രാജി ഇന്നുണ്ടാകില്ലെന്നും ഇതുസംബന്ധിച്ച തീരുമാനം മുഖ്യമന്ത്രിയ്‌ക്ക്‌ വിടാനാണ്‌ എല്‍.ഡി.എഫ്‌ യോഗത്തില്‍ തീരുമാനമായത്‌.
അതേസമയം, സി.പി.ഐയ്‌ക്ക്‌ അനുകൂലമായ തീരുമാനങ്ങളാണ്‌ യോഗത്തിലുണ്ടായതെന്നും സി.പി.ഐ ഹാപ്പിയാണെന്നും കാനം രാജേന്ദ്രന്‍ പറഞ്ഞു. തോമസ്‌ ചാണ്ടിയും യോഗത്തില്‍ പങ്കെടുത്തിരുന്നു. അതേസമയം, രാജിയ്‌ക്ക്‌ സമയം വേണമെന്ന്‌ എന്‍.സി.പി പറഞ്ഞതായാണ്‌ റിപ്പോര്‍ട്ട്‌.
നേരത്തെ, കായല്‍ കൈയേറ്റ വിഷയത്തില്‍ തോമസ്‌ ചാണ്ടി രാജിവെക്കേണ്ടതില്ലെന്ന്‌ എന്‍.സി.പി വ്യക്തമാക്കിയിരുന്നു. തോമസ്‌ ചാണ്ടിയുമായുള്ള കൂടിക്കാഴ്‌ചയ്‌ക്കുശേഷം മാണി. സി കാപ്പനും സുള്‍ഫിക്കര്‍ മയൂരിയുമാണ്‌ പാര്‍ട്ടി നിലപാട്‌ വ്യക്തമാക്കിയത്‌.
ഹൈക്കോടതിയിലുള്ള കേസുകളുടെ കാര്യത്തില്‍ തീരുമാനം വന്നതിനു ശേഷം മാത്രം പാര്‍ട്ടി വിഷയത്തില്‍ അന്തിമവിധി കൈക്കൊള്ളുമെന്നും ഇക്കാര്യം ഇടതുമുന്നണി യോഗത്തില്‍ പറയുമെന്നും അവര്‍ പറഞ്ഞിരുന്നു. അതേസമയം മന്ത്രി രാജിവയ്‌ക്കേണ്ട സാഹചര്യം ഇപ്പോഴില്ലെന്ന്‌ എന്‍.സി.പി സംസ്ഥാന അധ്യക്ഷന്‍ ടി.പി പീതാംബരന്‍ മാസ്റ്ററും പറഞ്ഞിരുന്നു.
കാനവും കോടിയേരിയും രാജിയാവശ്യം ഇതുവരെ ഉന്നയിച്ചിട്ടില്ല. എകെ ശശീന്ദ്രന്‍ കുറ്റവിമുക്തനായി വന്നാല്‍ മന്ത്രിസ്ഥാനം തിരിച്ചുനല്‍കുമെന്നും പീതാംബരന്‍ മാസ്റ്റര്‍ പറഞ്ഞു.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala