ചിക്കാഗോ: ഫൊക്കാന യൂത്ത് മിഡ്വെസ്റ്റ് റീജിയന്റെ ആഭിമുഖ്യത്തില് ചിക്കാഗോ
റീജിയണിലെ എല്ലാ മലയാളി സംഘടനകളേയും പങ്കെടുപ്പിച്ചുകൊണ്ട് ഐസ് ബ്രേക്കര് 2011
എന്ന പരിപാടി സംഘടിപ്പിക്കുന്നു.
ജുലൈ 9 ശനിയാഴ്ച വൈകീട്ട് 4 മണി മുതല്
രാത്രി 9 മണിവരെ വീലിങ്ങിലെ എക്സിക}ട്ടീവ് പ്ലാസ ഹോട്ടലില് വച്ചാണ് ഈ ചരിത്ര
സംഭവം അരങ്ങേറുന്നത്. അക്കരക്കാഴ്ചകള് എന്ന സീരിയലിലൂടെ ലോകപ്രശസ്തി നേടിയ
നടന് ഗ്രിഗറി ഉത്ഘാടനം ചെയ്യുന്ന ഈ സമ്മര് പ്രോഗ്രാമില് ഫൊക്കാന
മിഡ്വെസ്റ്റ് റീജിയണ് വൈസ് പ്രസിഡന്റ് ടോമി അമ്പേനാട്ട് സന്നിഹിതനായിരിക്കും.
കൂടാതെ, ചിക്കാഗോയില് നിന്നുള്ള മറ്റു ഫൊക്കാന നേതാക്കളായ ശ്രീമതി മറിയാമ്മ പിള്ള,
അഗസ്റ്റിന് കരിങ്കുറ്റി, വര്ഗീസ് പാലമലയില്, ജോയ് കോട്ടൂര്, സിറിയക്
കൂവക്കാട്ടില് എന്നിവരും ഈ പരിപാടിയില് സംബന്ധിക്കുന്നതായിരിക്കുമെന്ന് ജനറല്
സെക്രട്ടറി ബോബി ജേക്കബ്ബ് അറിയിച്ചു.
യുവജനങ്ങള്ക്ക് പരസ്പരം സൗഹൃദം
പങ്കിടുവാന് അവസരം ഒരുക്കുന്നതോടൊപ്പം, മിഡ്വെസ്റ്റ് റീജിയണിലെ എല്ലാ മലയാളി
സംഘടനകള്ക്കും അവരുടെ പരിപാടികള് യുവജനങ്ങള്ക്കു മുന്പില്
പരിചയപ്പെടുത്തുവാനുമുള്ള അവസരവും ഫൊക്കാന ഭാരവാഹികള് ഈ പരിപാടിയില്
ഉള്പ്പെടുത്തിയിട്ടുണ്ട്. എല്ലാ മലയാളി സംഘടനാ നേതാക്കന്മാരെയും ഈ
പരിപാടിയിലേക്ക് സ്വാഗതം ചെയ്യുന്നതായി യൂത്ത് ചെയര്മാന് അരുണ് നെല്ലാമറ്റം
അറിയിച്ചു.
വൈകീട്ട് 4 മണിക്ക് ആരംഭിക്കുന്ന ഈ പരിപാടിയില് സോഷ്യല്
ഔവറിനുശേഷം സെക്രട്ടറി എബി റാന്നി നേതൃത്വം നല്കുന്ന ഐസ് ബ്രേക്കിംഗ് പ്രോഗ്രാം
നടക്കുന്നതാണ്. വേദിയോടു ചേര്ന്നുള്ള പ്രൈവറ്റ് ബൗളിംഗ് ആലിയും ഈ
സായാഹ്നത്തിനായി ബുക്ക് ചെയ്തിട്ടുണ്ടെന്ന് ബോബി ജേക്കബ്ബ് അറിയിച്ചു.
മിഡ്വെസ്റ്റിലെ എല്ലാ യുവജനങ്ങളേയും ഒരു കുടക്കീഴില് അണിനിരത്തുക എന്ന തങ്ങളുടെ
ആശയം ഇവിടെ സഫലമാകുകയാണെന്നും, അതിനായി എല്ലാവരുടേയും സഹകരണം
പ്രതീക്ഷിക്കുന്നുവെന്നും ഇവന്റ് കോ-ഓര്ഡിനേറ്റര് കൂടിയായ എബി റാന്നി
അഭ്യര്ത്ഥിച്ചു.
വിവിധ കമ്മിറ്റികളിലേക്ക് താഴെ പറയുന്നവരെ
തിരഞ്ഞെടുത്തു: സനീഷ് ജോര്ജ്ജ് (പബ്ലിസിറ്റി കമ്മിറ്റി), ജോലുക്ക് ചിറയില്
(ഫുഡ് കമ്മിറ്റി), ഷിനു ഫിലിപ്പോസ് (രജിസ്ട്രേഷന് കമ്മിറ്റി), ഗീതു
കുറുപ്പംപറമ്പില്, മേരി പയസ്, വിജു നായര് (സ്വീകരണ കമ്മിറ്റി).
കൂടുതല്
വിവരങ്ങള്ക്ക്: അരുണ് നെല്ലാമറ്റം (847) 454 5027 ഇ-മെയില് anellamatt@yahoo.com മൊയ്തീന് പുത്തന്ചിറ അറിയിച്ചതാണിത്.