പണിക്ക് പോകാതെ വെറുതെ ധ്യാനിച്ചിരുന്നാൽ വാരിക്കോരി തരാൻ ഞാൻ അത്ര വിശാല ഹൃദയാനല്ല .  അതുകൊണ്ടു എല്ലു മുറിയെ പണിതാൽ പല്ലു മുറിയെ തിന്നാം 

നന്ദി യേശുവേ .... ഈ വചനം ഒരു വലിയ പ്രചോദനമായി.  അങ്ങ് വേഗം വരേണമേ.

നിങ്ങളുടെ കർമ്മങ്ങളിൽ പ്രതിഫലിക്കപ്പെടുമ്പോൾ മാത്രമേ പ്രചോദനം അർത്ഥപൂർണ്ണമാകുന്നുള്ളു .   ആകാശത്തിലെ പറവകളെ  നോക്കുവിൻ അത് വിധക്കുന്നില്ല കൊയ്യുന്നില്ല കളപ്പുരയിൽ കൂട്ടി വയ്ക്കുന്നില്ല എന്ന് ഞാൻ പറഞ്ഞതിന്റെ അർത്ഥം കാലത്ത് എഴുനേറ്റ് ധ്യാനിച്ച് കട്ടിലിൽ കാലും കയ്യും നിവർത്തി മലർന്ന് കിടന്ന് എല്ലാം  യേശു തരുമെന്നല്ല. നേരെമറിച്ചു ജീവിതത്തെക്കുറിച്ചുള്ള നിങ്ങളുടെ ആകുല ചിന്തകൾ വെടിഞ്ഞ്  കർമ്മനിരതരാവുക എന്നാണ്.  പിന്നെ രണ്ടാമത്തെ വരവിനെക്കുറിച്ച് ഞാൻ വളരെ വ്യക്തമായി സംസാരിച്ചിട്ടുണ്ട് . ഞാൻ മദ്ധ്യയാകാശം വരെ വരുകയുള്ളു എന്നാണ്.  മദ്ധ്യാകാശം എന്ന് പറഞ്ഞതുകൊണ്ട് ഇനി ആകാശത്തിലേക്ക് കണ്ണും നട്ടിരിക്കാനല്ല അർത്ഥമാക്കുന്നത് .  ഞാൻ വീണ്ടും ക്രൂശിക്കപ്പെടാതിരിക്കാൻ വേണ്ട മുൻകരുതലുകൾ എടുക്കുക എന്നാണ്. ഒരാൾ ഒരു പ്രാവശ്യം അയാൾ വിശ്വസിക്കുന്ന പ്രത്യാശാസ്ത്രത്തിനുവേണ്ടി ജീവൻ കൊടുത്താൽപോരെ. ചുങ്കക്കാരനും പാപിയുമായിരുന്ന നിനക്ക് ഒരു പുതിയ വഴി തുറന്നു തന്നതും പോരാ ഇപ്പോൾ ഒരു വക പരിഹാസത്തോടെ സംസാരിക്കുന്നോ ?  "നന്ദി യേശുവേ .... ഈ വചനം ഒരു വലിയ പ്രചോദനമായി.  അങ്ങ് വേഗം വരേണമേ."