ന്യൂഡല്‍ഹിന്മ രാജ്യത്ത് ഏറ്റവുമധികം കുറ്റകൃത്യങ്ങള്‍ നടക്കുന്നത് ഉത്തര്‍പ്രദേശിലാണെന്നു റിപ്പോര്‍ട്ട്. 2016 ലെ കണക്കുകള്‍ പ്രകാരം 9.5 ശതമാനം കുറ്റകൃത്യങ്ങളും നടക്കുന്നത് യുപിയിലാണെന്ന് നാഷനല്‍ െ്രെകം റെക്കോര്‍ഡ്‌സ് ബ്യൂറോ (എന്‍സിആര്‍ബി) അറിയിച്ചു. കണക്കുകള്‍ പ്രകാരം കേരളത്തിന് നാലാം സ്ഥാനമാണ് – 8.7%. രണ്ടാം സ്ഥാനത്ത് മധ്യപ്രദേശും (8.9%) മൂന്നാമത് മഹാരാഷ്ട്രയും (8.8%) ആണ്.

യുപിയില്‍ 2015ല്‍ ഉണ്ടായിരുന്നതിനേക്കാളും 2.9 ശതമാനത്തിന്റെ വര്‍ധനയാണ് 2016ല്‍ ഉണ്ടായത്. 49,262 (14.5%) കേസുകളാണ് റിപ്പോര്‍ട്ട് ചെയ്തിരിക്കുന്നത്. ബംഗാളാണ് രണ്ടാം സ്ഥാനത്ത് – 32,513 (9.6%). ഡല്‍ഹിയിലാണ് സ്ത്രീകള്‍ക്കെതിരെ ഏറ്റവുമധികം അതിക്രമങ്ങള്‍ റിപ്പോര്‍ട്ടു ചെയ്തിരിക്കുന്നത്. ദേശീയ സൂചികയില്‍ 55.2 ശതമാനമാണ്

പീഡനക്കേസുകളിലും ഇന്ത്യയില്‍ വര്‍ധനവാണുണ്ടായത്. 2015ല്‍ 34,561 കേസുകള്‍ റിപ്പോര്‍ട്ടു ചെയ്യപ്പെട്ടപ്പോള്‍ 2016ല്‍ ഇത് 38,947 ആയി ഉയര്‍ന്നു. ഉത്തര്‍പ്രദേശ് (4,882), മധ്യപ്രദേശ് (4,816), മഹാരാഷ്ട്ര (4,189) എന്നിങ്ങനെയാണ്.