ഒഴിഞ്ഞ കസേരകള്‍ക്ക്‌ മുന്‍പില്‍ നിന്ന്‌ ഗുജറാത്തില്‍ മോദിയുടെ പ്രസംഗം
Published on 04 December, 2017
അഹമ്മദാബാദ്‌: ഒഴിഞ്ഞ കസേരകള്‍ക്ക്‌ മുന്‍പില്‍ നിന്നുകൊണ്ട്‌ ഗുജറാത്ത്‌ റാലിയില്‍ സംസാരിക്കുന്ന പ്രധാനമന്ത്രി നരേന്ദ്രമോദിയുടെ വീഡിയോ വൈറലാകുന്നു.
റാലിയില്‍ മോദി സംസാരിക്കവേ സദസിലെ മിക്ക കസേരകളും ഒഴിഞ്ഞുകിടക്കുകയായിരുന്നു. എ.ബി.പി ചാനലിലെ മാധ്യമപ്രവര്‍ത്തകനായ ജൈനേന്ദ്രകുമാറാണ്‌ മോദിയുടെ പ്രസംഗത്തിന്റേയും ആളൊഴിഞ്ഞ കസേരകളുടേയും വീഡിയോ ട്വിറ്ററില്‍ ഷെയര്‍ ചെയ്‌തത്‌.
ഗുജറാത്തില്‍ മോദി നയിക്കുന്ന റാലിയില്‍ ആളെക്കൂട്ടാന്‍ പോലും കഴിയാത്ത ബി.ജെ.പി എങ്ങനെയാണ്‌ അസംബ്ലിയിലെ 150 സീറ്റുകള്‍ തികയ്‌ക്കുകയെന്ന്‌ ചോദിച്ചായിരുന്നു ജൈനേന്ദ്രകുമാര്‍ പോസ്റ്റിട്ടത്‌.
ഗുജറാത്ത്‌ തെരഞ്ഞെടുപ്പില്‍ 150 സീറ്റുകള്‍ പിടിക്കുമെന്ന ബി.ജെ.പിയുടെ അവകാശവാദത്തെ ചോദ്യംചെയ്‌തുകൊണ്ടായിരുന്നു ഇദ്ദേഹത്തിന്റെ പോസ്റ്റ്‌.
മോദി സംസാരിക്കവേ വേദിയില്‍ മിക്ക കസേരകളും ഒഴിഞ്ഞുകിടക്കുന്ന വീഡിയോ ട്വിറ്ററില്‍ ഷെയര്‍ ചെയ്‌തതിന്‌ പിന്നാലെ തന്നെ വീഡിയോ വൈറലാവുകയായിരുന്നു. 22 വര്‍ഷത്തെ ഗുജറാത്ത്‌ ഭരിക്കുന്ന ബി.ജെ.പി ഭരണം നിലനിര്‍ത്താനുള്ള ശ്രമത്തിലാണ്‌.
അതേസമയം മോദിയുടെ റാലിയില്‍ ജനങ്ങളുടെ പങ്കാളിത്തം കുറഞ്ഞത്‌ ബി.ജെ.പിയെയും ഞെട്ടിച്ചു. കര്‍ഷകരും പട്ടേല്‍ വിഭാഗവും തിരികൊളുത്തിയ പ്രതിഷേധങ്ങള്‍ക്ക്‌ പിന്നാലെയാണ്‌ മോദി ഗുജറാത്തില്‍ എത്തിയത്‌.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala