Image

ലവ്‌ ജിഹാദ്‌ ആരോപിച്ച്‌ രാജസ്ഥാനില്‍ യുവാവിനെ ജീവനോടെ കത്തിച്ചു

Published on 07 December, 2017
ലവ്‌ ജിഹാദ്‌ ആരോപിച്ച്‌ രാജസ്ഥാനില്‍ യുവാവിനെ ജീവനോടെ കത്തിച്ചു


ജയ്‌പൂര്‍: രാജസ്ഥാനിലെ രാജ്‌സമന്ത്‌ ജില്ലയില്‍ ലൗ ജിഹാദ്‌ ആരോപിച്ച്‌ യുവാവിനെ വെട്ടി പരിക്കേല്‍പ്പിച്ച ശേഷം ജീവനോടെ കത്തിച്ചു. ലൈവായി ചിത്രീകരിച്ച കൊലപാതക വീഡിയോ ഇപ്പോള്‍ സോഷ്യല്‍ മീഡിയയിലും വൈറലായിക്കൊണ്ടിരിക്കുകയാണ്‌.

മുഹമ്മദ്‌ ഭാട്ടാ ഷെയ്‌ഖ്‌ എന്നയാളെയാണ്‌ ലൗജിഹാദ്‌ ആരോപിച്ച്‌ കൊലപ്പെടുത്തിയിരിക്കുന്നത്‌. കൊല നടത്തിയ ശംഭുനാഥ്‌ റൈഗറിനെ ഇന്ന്‌ രാവിലെ പൊലീസ്‌ അറസ്റ്റ്‌ ചെയ്‌തു.
കൊലപാതകത്തെ ന്യായീകരിച്ചുകൊണ്ട്‌ സംസാരിക്കുന്ന റൈഗറിന്റെ മറ്റൊരു വീഡിയോയും സോഷ്യല്‍ മീഡിയയില്‍ പ്രചരിക്കുന്നുണ്ട്‌. പെണ്‍കുട്ടികളെ ലൗ ജിഹാദില്‍ നിന്നും സംരക്ഷിക്കാന്‍ വേണ്ടിയാണ്‌ താന്‍ ഇങ്ങനെ ചെയ്യുന്നതെന്നാണ്‌ കൃത്യത്തെ ന്യായീകരിച്ചുകൊണ്ട്‌ ഇയാള്‍ പറയുന്നത്‌.

സംഭവത്തിന്‌ ശേഷം പ്രദേശത്ത്‌ സംഘര്‍ഷ സാധ്യത കണക്കിലെടുത്ത്‌ വലിയ സന്നാഹത്തെ തന്നെ നിയോഗിച്ചതായി പൊലീസ്‌ പറഞ്ഞു. രാജ്‌സമന്ത്‌ ജില്ലയിലെ ദേവ്‌ ഹെറിറ്റേജ്‌ റോഡില്‍വെച്ചായിരുന്നു കൊലപാതകം നടത്തിയത്‌.

പകുതി നിലയില്‍ കത്തിക്കരിച്ച ഒരാളുടെ മൃതദേഹം റോഡില്‍ക്കിടക്കുന്ന വിവരം ലഭിച്ചതിനെ തുടര്‍ന്നാണ്‌ സംഭവസ്ഥലത്തെത്തിയതെന്ന്‌ പൊലീസ്‌ പറയുന്നു.


Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക