ഗുജറാത്ത്‌ തെരഞ്ഞെടുപ്പില്‍ കോണ്‍ഗ്രസിനെ പിന്തുണയ്‌ക്കുമെന്ന്‌ സി.പി.ഐ.എം
Published on 07 December, 2017
അഹമ്മദാബാദ്‌: ഗുജറാത്ത്‌ നിയമസഭാ തെരഞ്ഞെടുപ്പില്‍ സി.പി.ഐ.എം മത്സരിക്കാത്ത മണ്ഡലങ്ങളില്‍ കോണ്‍ഗ്രസിനെ പിന്തുണയ്‌ക്കുമെന്ന്‌ സി.പി.ഐ.എം. ഗുജറാത്തില്‍ നിന്നുള്ള കേന്ദ്രകമ്മിറ്റിയംഗം അരുണ്‍ മെഹ്‌തയാണ്‌ ഇക്കാര്യം വ്യക്തമാക്കിയത്‌.
ഗുജറാത്തില്‍ കോണ്‍ഗ്രസിന്റെ വിജയം തങ്ങള്‍ ആഗ്രഹിക്കുന്നുണ്ടെന്നും അത്‌ പ്രതീക്ഷിക്കുന്നതായും സിറാജ്‌ ദിനപത്രത്തോട്‌ സംസാരിക്കവേ അദ്ദേഹം പറഞ്ഞു.
33 ജില്ലകളില്‍ പാര്‍ട്ടി സാന്നിധ്യമുള്ള 18 ജില്ലകളില്‍ കോണ്‍ഗ്രസിന്‌ വോട്ടുചെയ്യും. ഗുജറാത്തില്‍ ഇടതുകക്ഷികളുടെ കൂട്ടായ്‌മ 14 സീറ്റുകളിലാണ്‌ മത്സരിക്കുന്നത്‌. ഇതില്‍ സി.പി.ഐ.എം അഞ്ച്‌ സീറ്റുകളില്‍ ജനവിധി തേടുന്നുണ്ട്‌. ഇത്‌ ഒരു തരത്തിലും കോണ്‍ഗ്രസിന്റെ വിജയത്തെ ബാധിക്കില്ലെന്നും വോട്ട്‌ ഭിന്നിപ്പിക്കില്ലെന്നും അദ്ദേഹം പറഞ്ഞു.
ഗുജറാത്ത്‌ നിയമസഭയില്‍ ഇതുവരെ സി.പി.ഐ.എമ്മിന്‌ അക്കൗണ്ട്‌ തുറക്കാന്‍ സാധിച്ചിട്ടില്ല. 1970ല്‍ സി.പി.ഐ.എം അംഗം ഒട്ടഗോര വിജയിച്ചതൊഴിച്ചാല്‍ ഇടതുപക്ഷത്ത്‌ നിന്ന്‌ മറ്റാരും നിയമസഭയില്‍ എത്തിയിട്ടില്ല.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala