വിശ്വാസം പ്രാര്ത്ഥനയെ സഫലമാക്കുന്നു. വിശ്വാസമില്ലാത്ത പ്രാര്ത്ഥന വ്യര്ത്ഥമാണ്. നമ്മള് എപ്പോഴും കേള്ക്കുന്ന അല്ലെങ്കില് നമുക്ക് തന്നെ ചിലപ്പോള് സംശയമുണ്ടാക്കുന്ന ഒരു വിഷയമാണ് നമ്മുടെ പ്രാര്ത്ഥന ദൈവം കേള്ക്കുമോ? അത്തരം സംശയമുണ്ടാക്കുന്നത് നമ്മുടെ വിശ്വാസമില്ലായ്മയാണ്.ദൈവത്തില് അടിയുറച്ച ഭക്തിയും വിശ്വാസവും നമ്മെ നന്മയിലേക്ക് നയിക്കുന്നു. അചഞ്ചലമായ വിശ്വാസമാണ് നമുക്ക് വേണ്ടത്. അതെങ്ങനെ ഉണ്ടാകുമെന്നു ബൈബിള് വായിക്കുമ്പോള് അനേകം ദൃഷ്ടാന്തങ്ങള് അതില് കാണാവുന്നതാണ്.
ടി.വി. ചാനലുകളില് പ്രത്യക്ഷപ്പെടുന്ന കാലാവസ്ഥ നിരീക്ഷകര് പ്രവചിക്കുന്നത് ശ്രദ്ധിച്ചിട്ടില്ലേ? മഴ പെയ്യാന് സാദ്ധ്യത കാണുന്നു എന്നാണു അവര് പറയുന്നത്. തീര്ച്ചയായും മഴ പെയ്യുമെന്നു മനുഷ്യരായ അവര്ക്ക് പറയാന് കഴിയില്ല. എന്നാല് എല്ലാമറിയുന്ന ദൈവം നമ്മളോട് പറയുന്നത് അക്ഷരം പ്രതി ശരിയാകുന്നു. നമ്മള് വചനങ്ങളില് പൂര്ണ്ണമായ വിശ്വാസമര്പ്പിക്കാത്തത്കൊണ്ട് സത്യം അറിയാതെ പോകുന്നു. ഇസ്രായേലിന്റെ വടക്കന് പ്രദേശം ഭരിച്ചിരുന്ന അഹാബ് എന്ന രാജാവിന്റെ കാലത്ത് ജീവിച്ചിരുന്ന ഏലിയാവ് എന്ന പ്രവാചകന് ഇസ്രായേലിന്റെ ദൈവത്തെക്കുറിച്ച് രാജാവിനെ മനസ്സിലാക്കാന് അപേക്ഷിച്ചു, അതിനായി ശ്രമിച്ചു. എന്നാല് രാജാവ് ബാല് എന്ന ദൈവത്തില് വിശ്വസിച്ച്കൊണ്ട് ഏലീയാവിനെ ശ്രദ്ധിച്ചില്ല. ബാല് കാനാന് കാരുടെ ദൈവമായിരുന്നു. ഏലീയാവിന്റെ ജീവിതം സത്യ ദൈവത്തെ ആരാധിക്കേണ്ട കര്ത്തവ്യം ജനങ്ങളെ ബോധിപ്പിക്കുന്നതിനും വ്യാജ ദൈവത്തെ ആരാധിക്കരുതെന്നു മനസ്സിലാക്കിപ്പിക്കുന്നതിനു വേണ്ടിയും സമര്പ്പിച്ചതാണ്. ഏലിയാവ് ഒരു പ്രാര്ത്ഥന പുരുഷനായിരുന്നു. ഏലിയാവ് എന്ന പേരിനു എന്റെ ദൈവം യഹോവയാകുന്ന എന്നാണര്ത്ഥം.
നിഷ്ക്കളങ്കനായ അദ്ദേഹത്തിന്റെ ന്യായമായ പ്രാര്ത്തനകള് ദൈവം കേട്ടു. സത്യസന്ധമായ പ്രാര്്തഥനയിലൂടെ ജനങ്ങള് ദൈവത്തോട് അപേക്ഷിച്ചതെല്ലാം ദൈവം അവര്ക്ക് നല്കി.
ബാല് എന്ന ദൈവത്തെ ആരാധിക്കുന്ന അഹാബ് രാജാവിനെ ഉപദേശിക്കാന് ദൈവം ഏലീയാവിനെ നിയോഗിച്ചു. സത്യ ദൈവത്തിന്റെ അത്ഭുത പ്രവര്ത്തികള് ഏലിയാവ് അഹാബിന് കാണിച്ച് കൊടുത്തിട്ടും രാജാവ് വിശ്വസിക്കാന് തയ്യാറായില്ല. ദൈവം അഹാബിന്റെ രാജ്യത്ത് വരള്ച്ച ഉണ്ടാകാന് കല്പ്പിച്ചു. മഴ നിന്നു, ധാന്യവിളകള് മുരടിച്ചു, മനുഷ്യരും മൃഗങ്ങളും കഷ്ടപ്പെട്ടു, ഇതില് നിന്നും രക്ഷ നേടാന് രാജാവ് കിണഞ്ഞ് ശ്രമിച്ചെങ്കിലും ഒന്നും സംഭവിച്ചില്ല.
രാജാവിന്റെ ശ്രദ്ധ ആകര്ഷിക്കാന് ദൈവം ഏലീയാവിലൂടെ അത്ഭുത പ്രവര്ത്തികള് കാണിച്ചെങ്കിലും നിഷേധിയും ദുര്വാശിക്കാരനുമായ രാജാവ് അതൊന്നും കാണാനോ കേള്ക്കാനോ സമ്മതിച്ചില്ല. ക്ഷമാശീലനായ ദൈവം വേറൊരു അത്ഭുത പ്രവര്ത്തിയിലൂടെ സത്യ ദൈവത്തെ രാജാവിന് ബോധ്യപ്പെടുത്താന് വേണ്ടി ഏലീയാവിനു അറിവ് നല്കി. ഏലിയാവ് രാജാവിനോട് പറഞ്ഞു : രാജാവേ ഞാന് ഇതാ മഴയുടെ ശബ്ദം കേള്ക്കുന്നു.
എന്നാല് തെളിഞ്ഞ ആകാശം നോക്കി ചിരിച്ച്കൊണ്ട് രാജാവ് പറഞ്ഞു ആകാശം മൂന്ന് വര്ഷമായി എങ്ങനെയോ അങ്ങനെ തന്നെ. അഹാബ് തന്റെ അത്താഴത്തിനും ഏലിയാവ് തന്റെ പ്രാര്തഥനക്കായി പര്വ്വത മുകളിലേക്കും പോയി.
ഏലിയാവും ഭൃത്യന്മാരും ദൈവത്തോട് പ്രാര്ത്ഥിച്ചുകൊണ്ടിരുന്നു. ഇടക്കിടെ അവര് ആകാശത്തേക്കു നോക്കി മഴയുടെ ലക്ഷണമുണ്ടോ എന്നാരാഞ്ഞിരുന്നു. ഏലിയാവ് അചഞ്ചലമായി തന്റെ പ്രാര്തഥന തുടര്ന്നു. എന്നാല് ഭൃത്യന്മാര്ക്ക് സമയം വൈകും തോറും വിശ്വാസം നഷ്ടപ്പെട്ടുകൊണ്ടിരുന്നു. അവര് ചോദിച്ചു. ദൈവം തീര്ച്ചയായും മഴ പെയ്യിക്കുമോ? നിനക്കുറപ്പാണോ? പത്ത് കല്പനകളിലെ ആദ്യത്തെ കല്പനയായ ഞാനല്ലാതെ വേറെ ദൈവം നിനക്കുണ്ടാകരുതെന്ന കല്പ്പന ശിരസ്സാ വഹിച്ച വ്യക്തിയായിരുന്നു ഏലിയാവ്. അവന് നന്മകള് പ്രവര്ത്തിക്കുമെന്ന് പൂര്ണ്ണ വിശ്വാസമുണ്ടായിരുന്നു,ദൈവം തന്റെ പ്രാര്ത്ഥന കേള്ക്കുമെന്നുറുപ്പുണ്ടായിരുന്നു.ഏഴു തവണ അവന് തന്റെ ഭൃത്യന്മാരെ ആകാശം നിരീക്ഷിക്കാന് അയച്ചു. അവസാനം ഒരു ഭൃത്യന് ആവേശത്തോടെ ആ കാഴ്ച്ച അറിയിച്ചു. ഒരു മനുഷ്യന്റെ കൈയുടെ വലുപ്പത്തില് കാര്മേഘം ഉരുണ്ട് വരുന്നു. ഏലിയാവ് തന്റെ ഭൃത്യന്മാരോട് പറഞ്ഞു. പോയി അഹാബിനെ ഈ വിവരം അറിയിക്കുക. ഭൃത്യന് ഈ വിവരവുമായി അഹാബിന്റെ അടുത്ത് ചെല്ലുന്നതിനു മുമ്പ് ആകാശം കറുത്തിരുണ്ട്, തണുത്ത കാറ്റ് വീശി, കനത്ത മഴ പെയ്യാന് തുടങ്ങി. അഹാബ് ജസ്റീല് എന്ന പട്ടണത്തിലേക്ക് കുതിരപ്പുറത്ത് യാത്രയായെങ്കിലും യഹോവ ഏലീയാവിനെ അവിടെ മുന്നേ എത്തിച്ചു. ഏലിയാവ് ഉച്ചത്തില് ദൈവത്തോട് വിളിച്ച് പറഞ്ഞു. മഴയ്ക്ക് വേണ്ടി പ്രാര്ത്ഥിക്കാന് നീ എന്നോട് ആവശ്യപ്പെട്ടു. പ്രാര്ത്ഥിച്ചുകൊണ്ടിരിക്കാന് നീ ആവശ്യപ്പെട്ടു.കാരണം നീ പ്രാര്ത്ഥന കേള്ക്കുന്ന ദൈവമാണ്. പ്രാര്ത്ഥന ഫലിക്കുന്നു എന്ന് നീ സാക്ഷ്യപ്പെടുത്തുന്നു.
എന്ത് തന്നെ സംഭവിക്കട്ടെ, പ്രാര്ത്ഥന നമ്മള് ഉപേക്ഷിക്കരുത്. പ്രാര്ത്ഥനയുടെ ഫലം ഉണ്ടാകാന് കാല താമസമുണ്ടാകാം, പക്ഷെ ഫലം ഉണ്ടാകുക തന്നെ ചെയ്യും. പ്രാര്ത്ഥനയുടെ ഫലം വൈകുമ്പോള് അത് നിഷേധിക്കപ്പെട്ടു എന്ന് ചിന്തിച്ച് നിരാശരാകരുത്. പൂര്ണ്ണ വിശ്വാസത്തോടെ പ്രാര്ത്ഥിക്കുമ്പോള് അത് സഫലമാകുന്നു.
നിങ്ങളുടെ ന്യായമായ ആവശ്യങ്ങള്ക്കായി മുട്ടിപ്പായി പ്രാര്ത്ഥിക്കുക. ദൈവം അത്ഭുതങ്ങള് പ്രവര്ത്തിക്കാന് ശക്തിയുള്ളവനാണ്. നിങ്ങള് മഴക്കായി പ്രാര്ത്ഥിക്കുമ്പോള് ഒന്നാം ദിവസം ഒന്നും കാണുന്നില്ല, രണ്ടാ ദിവസവും അത് തന്നെ പക്ഷെ ഏഴാം ദിവസം ഒരു കൈ വലുപ്പത്തില് നിങ്ങള് മഴ മേഘങ്ങള് കാണുന്നു. നിങ്ങള്ക്കായി നൂറു ശതമാനം മഴ പെയ്തിരിക്കും. അത് ബൈബിളില് പ്രവചിച്ചിട്ടുണ്ട്. അത് കാലാവസ്ഥ നിരീക്ഷകന്റെ പ്രവചനമല്ല. ദൈവം കൂടെയുണ്ടെങ്കില് ഒന്നും അസാദ്ധ്യമല്ല.
പ്രാര്ത്ഥനയുടെ പ്രതിപുരുഷനായ ഏലീയാവിനെപോലെ നമുക്കും പ്രാര്ത്ഥിക്കാം. നിരന്തരം പ്രാര്ത്ഥിക്കാം. പ്രാര്ത്ഥന ഒരിക്കലും കൈവിടരുത്. വിശ്വാസപൂര്വ്വം മുട്ടിപ്പായി പ്രാര്ത്ഥിക്കുക. ഏലിയാവ് എന്ന പ്രവാചകന്റെ ജീവിതത്തില് പ്രാര്ത്ഥന അദ്ദേഹത്തിന്റെ ശക്തിയായിരുന്നിട്ടുണ്ട്. കാരുണ്യവാനായ ദൈവത്തെ, സത്യ ദൈവത്തെ വിശ്വസിക്കുക, അവന്റെ കരുണക്കായി പ്രാര്ത്ഥിക്കുക. വിശ്വാസം പ്രവര്ത്തിക്കാന് പ്രാര്ത്ഥന ഹേതുവാകുന്നില്ല, എന്നാല് വിശ്വാസം പ്രാര്ത്ഥന സഫലമാകുന്നതില് ഹേതുവാകുന്നു.
നിങ്ങളുടെ എല്ലാ പ്രശ്നങ്ങളും ദൈവ സന്നിധിയില് സമര്പ്പിച്ച് പ്രാര്ത്ഥിക്കുക. അചഞ്ചലമായി, ഒന്നില് കൂടുതല് തവണ, മുടങ്ങാതെ, പ്രാര്ത്ഥിക്കുക. ദൈവ സ്നേഹം കൈവരിക്കുക. ആമേന് !!!
എന്നാല് ശാബത്തില് കുട്ടി കിണറ്റില് വീണാല് രക്ഷിക്കില്ലേ എന്നു ക്രിസ്തുവിന്റെ മറു ചോദ്യം. ക്രിസ്തു പറഞ്ഞതാണു പ്രമാണം.
നേരെ മറിച്ച് യാഹുദര് ഇന്നും യഹോവ പറഞ്ഞതു പിന്തുടരുന്നു. ഈയിടെ ബ്രൂക്ക്ളിനില് വീടിനു തീപിടിച്ച് ഒരു യഹുദന്റെ 8 കുട്ടികള് മരിച്ചു. ശനിയാഴ്ച കത്തിക്കാതിരിക്കാന് ഗ്യാസ് തുറന്നു വച്ചതാണ്. അയാള്ക്കെതിരെ കേസെടുത്തില്ല. ഇനിയും മക്കള് ഉണ്ടാകാന് പ്രാര്ഥിക്കണമെന്നു അയാള് അവരുടെ റബ്ബായിയോടു പറഞ്ഞുവെന്നു ന്യു യോര്ക്ക് ടൈംസ് റിപ്പോര്ട്ടും ചെയ്തു.
അതിനാല് പഴയ നിയമം കാട്ടിയൂള്ള വിമര്ശനം വിടുക. ഞങ്ങളും അതില് പലതും അംഗീകരിക്കുന്നില്ല. ദൈവം ഒരു കൂട്ടരെ തെരെഞ്ഞെടുത്തു എന്നു പറയുന്നതില് വലിയ അര്ഥമില്ല. എല്ലാ മക്കളും ദൈവത്തിനു ഒരു പോലെയെ ആകൂ.
അക്രമത്തെ ന്യായീകരിക്കാത്ത രണ്ടു മതങ്ങള് ക്രിസ്തുമതവും ബുദ്ധമതവും മാത്രമാണു. യുദ്ധം ചെയ്യാനും കൊല്ലാനുമുള്ള ന്യായങ്ങളാണു ഗീത. കൗരവര് ജീവിച്ചിരുന്നാലും ലോകത്തിനു ഒന്നും സംഭവിക്കില്ലായിരുന്നു