Image

സി.എസ്.ഐ.സഭ ജോയിന്റ് ക്രിസ്തുമസ് ന്യൂയോര്‍ക്കില്‍ ആഘോഷിച്ചു.

ജീമോന്‍ റാന്നി Published on 13 January, 2018
സി.എസ്.ഐ.സഭ ജോയിന്റ് ക്രിസ്തുമസ് ന്യൂയോര്‍ക്കില്‍ ആഘോഷിച്ചു.
ന്യൂയോര്‍ക്ക്: ചര്‍ച്ച് ഓഫ് സൗത്ത് ഇന്ത്യ(സി.എസ്സ്.ഐ.) നോര്‍ത്ത് അമേരിക്കന്‍ കൗണ്‍സില്‍ റീജയണ്‍ 1&2 ക്രിസ്തുമസ് കരോള്‍ സര്‍വീസ് ജനുവരി 6 ശനിയാഴ്ച വൈകീട്ടു മൂന്നു മണിക്ക് ന്യൂയോര്‍ക്ക് വില്ലിസ്റ്റണ്‍ പാര്‍ക്കിലുള്ള സി.എസ്സ്.ഐ. ജൂബിലി മെമ്മോറിയല്‍ പള്ളിയില്‍ വച്ച് നടത്തപ്പെട്ടു. യോഗത്തില്‍ മാര്‍ത്തോമ്മ സഭയുടെ നോര്‍ത്ത് അമേരിക്ക യൂറോപ്പ് ഭദ്രാസനാധിപന്‍ ഡോ.ഐസക് മാര്‍ ഫിലെക്‌സിനോസ് എപ്പിസ്‌കോപ്പ ക്രിസ്തുമസ് സന്ദേശം നല്‍കി.

നോര്‍ത്ത് ഈസ്റ്റ് റീജിയണിലുള്ള എട്ട് സി.എസ്.ഐ. ഇടവകകള്‍ ശ്രുതിമധുരമായ ഗാനങ്ങള്‍ ആലപിച്ചു. മി.ജോയല്‍ വര്‍ഗീസിന്റെ നേതൃത്വത്തില്‍ എം. തോമസ് തോമസിന് പ്രണാമം അര്‍പ്പിച്ചുകൊണ്ട് 'മഹത്വത്തിന്‍ രാജാവ് ആര്‍' എന്ന ഗാനം 100ല്‍ പരം ഗായക സംഘാംഗങ്ങള്‍ ഒന്നിച്ചാലപിച്ചു. നോര്‍ത്ത് അമേരിക്കന്‍ കൗണ്‍സിലിനെ പ്രതിനിധീകരിച്ച് സെക്രട്ടറി മാത്യു ജോഷ്വാ, മേഖല 1 എക്‌സിക്യൂട്ടീവ് കമ്മിറ്റി മെമ്പര്‍ ശ്രീ.കോശി ജോര്‍ജ്ജ് എന്നിവര്‍ സംസാരിച്ചു. ഇടവക വികാരി റവ. സജീവ് സുഗു ജേക്കബ് സ്വാഗതവും, സെക്രട്ടറി ശ്രീ.ഷൈനു ജി. തോമസ് നന്ദിപ്രകാശനവും നടത്തി.

സി.എസ്.ഐ.സഭ ജോയിന്റ് ക്രിസ്തുമസ് ന്യൂയോര്‍ക്കില്‍ ആഘോഷിച്ചു.സി.എസ്.ഐ.സഭ ജോയിന്റ് ക്രിസ്തുമസ് ന്യൂയോര്‍ക്കില്‍ ആഘോഷിച്ചു.
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക