അറിയാം ആദ്യമേ വരുന്ന പ്രതികരണങ്ങള്. ട്രംപ് 'സ് കുഴി' എന്ന
വാക്കുപയോഗിച്ചു അതിനാല് ഇമ്പീച്ചു ചെയ്യുക. അതവിടെ നില്ക്കട്ടെ. രണ്ടു
ദിനം മുന്പ് തുടങ്ങിയ നല്ലൊരുതുടക്കം ഈ പരാമര്ശം പാളിപ്പിച്ചു എന്നതു
സത്യം. രണ്ടു ദിനങ്ങള്ക്കകം മറ്റൊരു വിഷയം വരും ഇതു പൊതുജനം മറക്കും.
അടുത്തനാള് വൈറ്റ് ഹൗസില് ഒരിക്കലും നടന്നിട്ടില്ലാത്ത ഒരു ടെലിവൈസ്
ചെയ്ത സമ്മേളനം നടന്നു. ഇതില് 2 പാര്ട്ടിയില് നിന്നുമുള്ള പ്രമുഖ
കോണ്ഗ്രസ് അംഗങ്ങള് പങ്കെടുത്തു. ഇവിടെ പ്രധാന വിഷയം കുടിയേറ്റവും കൂടാതെ
അതിര്ത്തി സംരക്ഷണവും. D A C A (ഡിഫേര്ഡ് ആക്ഷന് ഫോര് ചൈല്ഡ്ഹുഡ്
അര്യവെല്സ് ). ഈ മീറ്റിംഗ് 45 മിനുറ്റില് കൂടുതല് നീണ്ടുനിന്നു.
ചര്ച്ചയില് പ്രസിഡന്റ്റ് ട്രംപ് പരസ്യമായി പ്രഖ്യാപിച്ചു താന് D A C A
നടപടി അംഗീകരിക്കും അതിര്ത്തി ഭിത്തി ഈ നിയമത്തില് ഉള്പ്പെടുത്തിയാല്.
മറ്റു താല്പര്യമുണര്ത്തുന്ന വിഷയങ്ങള് ചെയിന് ഇമ്മിഗ്രേഷനും, ലോട്ടറി
ഇമ്മിഗ്രേഷനും.
ഇതുപോലൊരു സമ്മേളനം നടത്തിയത് പിന്നീട് പങ്കാളികള് മീറ്റിങ്ങിനെ കുറിച്ചു
അവര്ക്കെല്ലാം തോന്ന്യതെല്ലാം വിളിച്ചു പറയാതിരിക്കുന്നതിനാണ്.
ഏതാനും മാസങ്ങള്ക്കു മുന്പ് Pew ഗവേഷണം എന്ന വളരെ മതിപ്പേറിയ പഠന സമിതി
അമേരിക്കയിലേയ്ക്കുള്ള കുടിയേറ്റത്തെ ആധാരമാക്കി ഒരു പഠന വിവരം
പ്രസിദ്ധീകരിച്ചിരുന്നു ആ പഠനത്തെ ഞാനീ ലേഖനത്തില് ഉള്പ്പെടുത്തുന്നു.
1965 വരെ അമേരിക്കയില് ന്യായീകരിക്കാനാവുന്ന, കുടിയേയേറ്റ നിയമം
ഇല്ലായിരുന്നു. എന്നാല് തെക്കന് യൂറോപ്പു വംശജര്ക്ക് അനുകൂലമായ ഒരു നയം
നിലനിന്നിരുന്നു. 1962 ല് കെന്നഡി ഈ രീതിയെ വിമര്ശിച്ചു ഒരു
വ്യത്യാസത്തിനു വേണ്ടിയുള്ള ചര്ച്ചകള് കോണ്ഗ്രസില് ആരംഭിച്ചു.
കെന്നഡിയുടെ മരണത്തിനു ശേഷം 1965 ല് പ്രസിഡന്റ്റ് ജോണ്സണ് നാം ഇന്നു
കാണുന്ന കുടിയേറ്റ നിയമത്തില് ഒപ്പിട്ടു.
അമേരിക്ക ഒരു ഇമ്മിഗ്രന്റ്റ് രാജ്യമെന്നത് എല്ലാവരും അംഗീകരിക്കുന്ന
വാസ്തവം. ഇന്നത്തെ ജനസംഖ്യ 230 മില്യനിലേറെ. ഇതില് 43 മില്യനിലേറെ ഒരു
വിദേശ രാജ്യത്തു ജനിച്ചവര്. ഈ 43 മില്യനില് 76 % നിയമപരമായി ഈ
രാജ്യത്തുവന്നവരും ബാക്കി 24 % നിയമവിരുദ്ധമായി മറ്റു പലരീതികളില് ഈ
രാജ്യത്തു പ്രവേശിച്ചവര്.
അമേരിക്കയിലെ ഇമ്മിഗ്രന്റ്റ് ജനത എല്ലാ ലോക രാഷ്ട്രങ്ങളേയും പ്രതിനിധീകരിക്കുന്നു എന്നൊരു സവിശേഷതയുണ്ട്.
1990 മുതല് 2007 വരെ ഉള്ള കാലയളവില് 3 മില്യന് ഇല്ലീഗല് 12
മില്യനായിട്ടുയര്ന്നു. പിന്നീടുള്ള കാലം ഇന്നുവരെ എണ്ണത്തില്
വലുതായിട്ടുള്ള മാറ്റം വന്നിട്ടില്ല എന്നാണ് ഔദ്യോഗിക കണക്കുകള്. കാരണം
പിടിക്കപ്പെട്ട അനവധിയെ നാടുകടത്തുന്നു എന്നതാണ്. ഈ കണക്കുകളില് പെടാത്ത
അനവധി ഇവിടുണ്ടെന്നതാണ് വാസ്തവം.
ഇപ്പോള് നിയമാനുസൃതമായ കുടിയേറ്റത്തില് മുന്നില് നില്ക്കുന്നത്
ഇന്ത്യന് വംശജര്. പിന്നാലെ മെക്സിക്കന്സ് , ചൈനീസ് , കനേഡിയന് അങ്ങനെ
പോകുന്നു കണക്കുകള് . മേഖലാപരമായി നോക്കിയാല് ഏഷ്യന് വംശജരുടെ വര്ദ്ധന
മുന്നില്. ഈയൊരു ഗതി തുടര്ന്നാല് 2050 ആകുമ്പോള് ഏഷ്യന് വര്ഗ്ഗം
ഹിസ്പാനിക്സിനെ മറികടക്കുമെന്നാണ് പ്യൂ പഠനം കാട്ടുന്നത്.
ഇന്നിവിടെ രാഷ്ട്രീയ രംഗത്ത് തര്ക്കവിഷയം ഏതു രീതീയില് ഇന്നിവിടുള്ള
ഇല്ലീഗല് കുടിയേറ്റക്കാരെ കൈകാര്യം ചെയ്യുക ? പ്രസിഡന്റ്റ് ട്രംപിന്റ്റെ
നിലപാട് ഞാന് മനസ്സിലാക്കുന്നത് അതിര്ത്തി സുരക്ഷ ഭിത്തികെട്ടി
നടപ്പിലാക്കിയാല് മറ്റെല്ലാ ഇളവുകള്ക്കും തയ്യാര് . കൂടാതെ
റിപ്പബ്ലിക്കന് പാര്ട്ടിക്ക്, മാപ്പു കൊടുക്കുന്ന ഇല്ലീഗല് ജനതക്ക് ഉടനെ
വോട്ടു ചെയ്യുന്നതിനുള്ള സ്വാതന്ത്ര്യം കൊടുക്കുന്നതില്
താല്പ്പര്യമില്ല. കാരണം ഈ പുതിയ സിറ്റിസണ്സ് എല്ലാം ഡെമോക്രാറ്റിക്
പാര്ട്ടിയുടെ വോട്ടര്മാരായിരിക്കും. ഡെമോക്രാറ്റിക് പാര്ട്ടിക്ക്
തെക്കന് അതിര്ത്തിയില് ഭിത്തി കെട്ടുന്നതിലും താല്പ്പര്യമില്ല.
ടെക്സസ് പോലുള്ള തെക്കന് സംസ്ഥാനങ്ങളിലുള്ള പ്രധാനമായും കെട്ടിട
നിര്മ്മാണ ബിസ്സിനസുകളുടെ ലാഭകരമായ പോക്കിന് തെക്കുനിന്നും വരുന്ന
ഇല്ലീഗല് കുടിയേറ്റക്കാര് വലിയൊരു പങ്കുവഹിക്കുന്നു. ഇല്ലീഗല്സ്
ലീഗലാകുകയും അതിര്ത്തിയില് ഭിത്തികെട്ടി സുരക്ഷ സ്ഥാപിക്കുകയും ചെയ്താല്
പലേ മുതലാളിമാരുടേയും കഞ്ഞികുടി മുട്ടും. കൂടാതെ ടെക്സസ്കാര് ഇപ്പോള്
സുഖിക്കുന്ന കുറഞ്ഞ വീടുവിലകളും ഇല്ലാതാകും.
ഇല്ലീഗല് കുടിയേറ്റ ചര്ച്ചകളില് പ്രധാനമായും കഴിഞ്ഞ തിരഞ്ഞെടുപ്പു കാലം
തെക്കേ അമേരിക്കയില് നിന്നുമെത്തുന്ന കുടിയേറ്റക്കാരില് അനേകര്
കുറ്റവാളികള് എന്ന വിഷയം വന്നിരുന്നു. ഇതില് കുറച്ചെല്ലാം വാസ്തവമുണ്ട്.
നാടുകടത്തപ്പെടുന്ന കുടിയേറ്റക്കാരില് ഏകദേശം 40 % ക്രിമിനല്
പ്രവൃത്തികളില് പിടിക്കപ്പെട്ടവര് എന്നു കണക്കുകള് പറയുന്നു.
നാമമെല്ലാവരും ഇവിടെ ഇമ്മിഗ്രന്റ്റസ് ആയി വന്നവരെന്നു കരുതുന്നു നിയമപരമായ
കുടിയേറ്റം ആവശ്യമാണ.് അതിനെ നാമെല്ലാം അനുകൂലിക്കുന്നു എന്നാല്
അനിയന്ത്രിതവും നിയമവിരുദ്ധവുമായ കുടിയേറ്റം ഒരു രാജ്യവും അനുവദിച്ചു
കൊടുക്കില്ല. അതില് അമേരിക്കയെ കുറ്റം പറയുന്നതും ശെരിയല്ല.
ഞാനിവിടെത്തി മറ്റുള്ളവരുടെ കാര്യം ഞാനെന്തിനറിയണം എന്ന മനോഭാവമല്ല ഇവിടെ ഉദ്ദേശിക്കുന്നത്.
മറ്റു രാഷ്ട്രങ്ങളുടെ കുടിയേറ്റ നിയമങ്ങള് പരിശോധിക്കുന്നവര്ക്കു
മനസിലാക്കാം അമേരിക്കയിലുള്ളതു പോലെ ഉദാരമായതും അനിയന്ത്രിതമായ നയങ്ങള്
മറ്റെങ്ങുമില്ലെന്ന് . ഇവിടെ കുടിയേറി വന്നിട്ടുള്ള ഭൂരിഭാഗണത്തിന്റ്റെയും
അഭിപ്രായം ഇതുതന്നെ. ഒരടുക്കും ചിട്ടയിലുമുള്ള കുടിയേറ്റ നയം വരണമെന്ന്.
വന്നേക്കാന് സാധ്യതയുള്ള വ്യത്യാസങ്ങള് ഏവ എന്നതിന്റ്റെ സൂചനകള്
പുറത്തുവരുന്നുണ്ട്. ഒന്ന് ചെയിന് മൈഗ്രേഷന്. നാം പലരും ഈരീതിയില് ഇവിടെ
എത്തിയവര്. ഒരാള് സിറ്റിസനായി പുറകെ അനേകം തൊട്ടടുത്തുള്ള അവലംബികളേയും
വരുത്തുക.
രണ്ട് നറുക്കെടുപ്പ് ഇത് ചെയിന് മൈഗ്രേഷന് സാധിക്കാത്തവരോട് നീതി കാട്ടുന്നതിനു വേണ്ടി കൊണ്ടുവന്ന ഒരു നയം.
ട്രംപിന്റ്റെയും റിപ്പബ്ലിക്കന് പാര്ട്ടിയുടേയും ആഗ്രഹം കുടിയേറ്റം
ഒരാളുടെ കഴിവുകളെ അടിസ്ഥാനപ്പെടുത്തിവേണം. കൂടാതെ തെക്കന്
അതിര്ത്തിയില് മതിലോ അതിനു സമാനമായ സംവിധാനവും കൊണ്ടുവരണം. അമേരിക്കയും
ഏതാനും തെക്കനമേരിക്കന് രാജ്യങ്ങളുമായി സാമ്പത്തികമായ വലിയവിടവ്
നില്ക്കുന്നിടത്തോളം കാലം കുടിയേറ്റം താനെ കുറയുന്നതിനുള്ള സാധ്യതകള്
വിരളം.
രണ്ടുപാര്ട്ടികളും പരസ്പരം മുതലെടുക്കാതെ ഈ രാജ്യത്തിന്റ്റെ സുരക്ഷയും
സാമ്പത്തിക കെട്ടുറപ്പും മുന്നില് കണ്ട് ഒരു കുടിയേറ്റ നിയമം കൊണ്ടുവരണം.
എന്തു കാരണവുമാകട്ടെ ഇപ്പോള് ഇവിടെ എത്തിയിട്ടുള്ളവരും അദ്ധ്വാനിച്ചു
ജീവിക്കുന്നവരുമായ നല്ല മനുഷ്യരെ നാടുകടത്തുന്നത് ശരിയല്ല. അതിര്ത്ത
ിലംഘിച്ചു വരുന്നവരെ നല്ല അതിര്ത്തി സുരരക്ഷാ സംവിധാനം കൊണ്ടു വന്നു വേണം
നിയന്ത്രിക്കുവാന്
ബി ജോണ് കുന്തറ
പാലം കടക്കുവോളം നാരായണ നാരായണ
പാലം കടന്നു കഴിയുമ്പോള് ക്രൂരായണ കൂരായണ
എന്ന മട്ടില് ആണല്ലോ ബോബി .
സാരി തുംബേല് ഞാന്നു വന്ന മലയാളികള് മിക്കവാറും 8 ക്ലാസും വട്ടുകളി ,ഗുസ്തി പട്ടാളം ആണ് . മറ്റു ചിലര് പാട്ട് പാടാന് ,ചെണ്ട കൊട്ടാന്, ഡാന്സ് കളിയ്ക്കാന് മിമിക്രി കാട്ടാന് ഒക്കെ വന്നു ഇല്ലിഗല് ആയി ഇവിടെ കഴിയുന്നവര് ആണ് . സയിക്കില് ചവുട്ടി വന്നവര് നമ്മുടെ കൂടെ തന്നെ ഉണ്ട് . അപ്പന് അമ്മ ഇവരെ ഒക്കെ കൊണ്ടുവന്നു സോഷ്യല് സെക്യൂരിറ്റി , ഫുഡ് സ്റ്റാമ്പ് , medicaid ഒക്കെ ചുളുവില് അടിക്കുന്നവര് ഉണ്ട് , ചിലര്ക്ക് ഹോം നേഴ്സ് വരെ ഉണ്ട് .
Around the world, news organizations were struggling under the burden of translating the "colorful vernacular" that the American President had reportedly used to describe certain nations during Thursday afternoon's meeting about immigration reform.